Harley Davidson ເປີດໂຕລົດຖີບໄຟຟ້າ ລາຄາ 54 ລ້ານກີບ

77

ໂດຍປົກກະຕິແລ້ວ Harley-Davidson ທີ່ເຮົາຮູ້ຈັກຈະຜະລິດລົດຈັກອອກມາ
ແຕ່ລ່າສຸດ Harley-Davidson ໄດ້ເປີດໂຕ ebike ລຸ້ນລ່າສຸດ ເມື່ອອາທິດທີ່ຜ່ານມາໃນລຸ້ນ Serial 1 BASH/MTN ໂດຍກ່ອນໜ້ານີ້ໄດ້ເປີດໂຕລຸ້ນ Mosh/Cty ທີ່ໃຊ້ສຳລັບໃນເມືອງ ທາງບໍລິສັດໄດ້ອະທິບາຍວ່າ Bash/Mtn ນັ້ນເປັນລົດຖີເສືອພູເຂົາທີ່ໃຊ້ເຟຣມ ແລະຕະກຽບອະລູມິນຽມທີ່ແຂງແຮງ ໂດຍບໍ່ມີລະບົບກັນສະເທືອນໜ້າແລະຫຼັງ

Bash/Mtn ມີນ້ຳໜັກ 22.1 ກກ. ມີເຟຣມທີ່ຄ້າຍກັບລຸ້ນ Mosh/Cty ຊິ້ນສ່ວນສະເພາະບາງຊິ້ນອອກແບບມາເພື່ອຊ່ວຍໃນການຮັບມືກັບຖະໜົນທີ່ບໍ່ດີ ມາພ້ອມກັບຊຸດໂສ້ຈາກ Gates Carbon Drive ທີ່ບໍ່ຕ້ອງດູແລຮັກສາປານໃດ ຕະຫລອດອາຍຸການໃຊ້ງານ ແລະມໍເຕີໄຟຟ້າຈາກ Brose S Mag ທີ່ໃຫ້ແຮງບິດ 90 Nm ໃນສ່ວນຂອງຢາງເປັນ Michelin E-Wild ແລະດິສເບກແຮ່ໄຮດຣໍລິກ TRP 4 ລູກສູບ

Bash/Mtn ມາພ້ອມແບດເຕີຣີ່ແບບຖອດໄດ້ 529Wh ສາມາດສາກແບັດເຕີຣີ່ທີ່ໝົດໄປຈົນເຕັມ ໃຊ້ເວລາບໍ່ເຖິງ 5 ຊົ່ວໂມງ ແລະສາກຈາກ 0-75% ໄດ້ໃນໄລຍະເວລາພຽງ 2 ຊົ່ວໂມງເຄິ່ງເທົ່ານັ້ນ ເຊິ່ງຖືວ່າສາກໄວຫລາຍໆ ນອກຈາກນີ້, ຍັງມີລະບົບໄຟສ່ອງສະຫວ່າງແບບລວມກຳລັງສູງ ຊ່ວຍເພີ່ມການເບິ່ງເຫັນໃຫ້ຜູ້ຂັບຂີ່

ສຳລັບຜູ້ທີ່ສົນໃຈ BASH/MTN ລາຄາຢູ່ທີ່ 3,999 ໂດລາ ຫລືປະມານ 53 ລ້ານກວ່າກີບ (ແຕ່ແອັດໃສ່ 54 ລ້ານກີບ) ໂດຍ Harley-Davidson ວາງແຜນທີ່ຈະຜະລິດ Bash/Mtn ພຽງ 1,050 ຄັນເທົ່ານັ້ນ ແລະ 525 ຄັນຈະວາງຈຳໜ່າຍໃນອາເມລິກາ.
ຂໍ້ມູນ: ນັກທຸລະກິດ