ເຕີມກັນລະບໍ! ນ້ຳມັນຂຶ້ນເຊົ້າມື້ນີ້ ແອັດຊັງພິເສດປັບຂຶ້ນ 510 ກີບ/ລິດ ແອັດຊັງທຳມະດາປັບຂຶ້ນ 330 ກີບ/ລິດ

54

ໂດຍອີງຕາມແຈ້ງການສະບັບເລກທີ 0759/ອຄ ລົງວັນທີ 16 ມິຖຸນາ 2022 ຂອງກະຊວງອຸດສາຫະກຳ ແລະ ການຄ້າ ແມ່ນຈະໄດ້ປັບລາຄາຂາຍຍ່ອຍນ້ຳມັນເຊື້ອໄຟທຸກຊະນິດຂຶ້ນ ເລີ່ມປະຕິບັດວັນທີ 17 ມິຖຸນາ 2022 ເວລາ 6 ໂມງເຊົ້າເປັນຕົ້ນໄປ.

ການປັບລາຄານ້ຳມັນເຊື້ອໄຟໃນຄັ້ງນີ້ ແມ່ນໄດ້ປັບຂຶ້ນທຸກຊະນິດຄື: ນ້ຳມັນແອັດຊັງພິເສດ ປັບຂຶ້ນ 510 ກີບ/ລິດ, ນໍ້າມັນແອັດຊັງທຳມະດາ ປັບຂຶ້ນ330 ກີບ/ລິດ ແລະ ກາຊວນ ປັບຂຶ້ນ 840 ກີບ/ລິດ.ຈາກການແຈ້ງປັບຂຶ້ນດັ່ງກ່າວເຮັດໃຫ້ລາຄາຂາຍຍ່ອຍນ້ຳມັນເຊື້ອໄຟຢູ່ນະຄອນຫຼວງວຽງຈັນ ນ້ຳມັນແອັດຊັງພິເສດ 28.430 ກີບຕໍ່ລິດ, ນ້ຳມັນແອັດຊັງທຳມະດາ 20.160 ກີບຕໍ່ລິດ ແລະ ນໍ້າມັນກາຊວນ 20.260 ກີບ/ລິດ

ແຂວງອຸດົມໄຊ ນ້ຳມັນແອັດຊັງພິເສດ 28.910ກີບ/ລິດ, ນ້ຳມັນແອັດຊັງທຳມະດາ 20.640 ກີບ/ລິດ ແລະ ກາຊວນ 20.740 ກີບ/ລິດ
ແຂວງຫຼວງພະບາງ ນ້ຳມັນແອັດຊັງພິເສດ 28.800 ກີບ/ລິດ, ນ້ຳມັນແອັດຊັງທຳມະດາ 20.530ກີບ/ລິດ ແລະ ກາຊວນ 20.630 ກີບ/ລິດ

ແຂວງຊຽງຂວາງ ນ້ຳມັນແອັດຊັງພິເສດ 28.620 ກີບ/ລິດ ນ້ຳມັນແອັດຊັງທຳມະດາ 20.350 ກີບ/ລິດ ແລະ ກາຊວນ 20.450 ກີບ/ລິດ
ແຂວງບໍລິຄໍາໄຊ ນ້ຳມັນແອັດຊັງພິເສດ 28.510 ກີບ/ລິດ ນ້ຳມັນແອັດຊັງທຳມະດາ 20.240ກີບ/ລິດ ແລະ ກາຊວນ 20.340 ກີບ/ລິດ
ແຂວງສະຫວັນນະເຂດ ນ້ຳມັນແອັດຊັງພິເສດ 28.460 ກີບ/ລິດ ນ້ຳມັນແອັດຊັງທຳມະດາ 20.190 ກີບ/ລິດ ແລະ ກາຊວນ 20.290 ກີບ/ລິດ
ແຂວງຈໍາປາສັກ ນ້ຳມັນແອັດຊັງພິເສດ 28.490 ກີບ/ລິດ ນ້ຳມັນແອັດຊັງທຳມະດາ 20.220 ກີບ/ລິດ ແລະ ກາຊວນ 20.320 ກີບ/ລິດ

ສ່ວນການຄິດໄລ່ເສຍພັນທະ ແລະ ຄ່າທໍານຽມຕ່າງໆ ແມ່ນໃຫ້ພາກສ່ວນກ່ຽວຂ້ອງຄິດໄລ່ເກັບຕາມທີ່ໄດ້ກໍານົດໄວ້ ໃນໂຄງສ້າງລາຄານໍ້າມັນເຊື້ອໄຟ ສະບັບເລກທີ 0504/ກຄພນ, ລົງວັນທີ 16 ມິຖຸນາ 2022 ຈົນກວ່າຈະມີການປ່ຽນແປງ ແລະ ໃຫ້ບັນດາບໍລິສັດນໍ້າມັນເຊື້ອໄຟປະຕິບັດຕາມເນື້ອໃນຂ້າງເທິງນີ້ຢ່າງເຂັ້ມງວດ ແລະ ຄຸ້ມຄອງປໍ້າຂາຍຍ່ອຍຂອງຕົນ ໃຫ້ບໍລິການຢ່າງເປັນປົກກະຕິ ແລະ ແຈ້ງການສະບັບນີ້ ປ່ຽນແທນແຈ້ງການ ສະບັບເລກທີ 0703/ອຄ, ລົງວັນທີ 7ມິຖຸນາ 2022.