ມູນຄ່າການນຳເຂົ້າ – ສົ່ງອອກ ຂອງກຳປູເຈຍ ບັນລຸ 22,4 ຕື້ໂດລາ

110

ສຳນັກຂ່າວ ຊິນຮວາ ລາຍງານວ່າ ຍອດມູນຄ່າການນຳເຂົ້າ – ສົ່ງອອກຂອງກຳປູເຈຍ ໃນ 5 ເດືອນຕົ້ນປີ 2022 ບັນລຸ 22,4 ພັນລ້ານໂດລາ ເພີ່ມຂຶ້ນ 19,7% ເມື່ອທຽບກັບໄລຍະດຽວກັນຂອງປີຜ່ານມາ ເຊິ່ງຢູ່ທີ່ລະດັບ 18,7 ພັນລ້ານໂດລາ.


ລາຍງານຂ່າວລະບຸວ່າ: ມູນຄ່າການສົ່ງອອກຂອງກຳປູເຈຍ ໃນໄລຍະເດືອນມັງກອນ – ພຶດສະພາ ບັນລຸ 9,41 ພັນລ້ານໂດລາ ເພີ່ມຂຶ້ນ 34,5% ເມື່ອທຽບໄລຍະດຽວກັນຂອງປີຜ່ານມາ,

ສ່ວນມູນຄ່າການນຳເຂົ້າບັນລຸ 13 ພັນລ້ານໂດລາ ເພີ່ມຂຶ້ນ 11% ໂດຍ ສປ ຈີນ ຍັງເປັນຄູ່ຄ້າລາຍໃຫຍ່ທີ່ສຸດຂອງກຳປູເຈຍ ມີມູນຄ່າ 4,99 ພັນລ້ານໂດລາ ເພີ່ມຂຶ້ນ 26% ເມື່ອທຽບກັບໄລຍະດຽວກັນຂອງປີຜ່ານມາ, ຮອງລົງມາແມ່ນສະຫະລັດອາເມຣິກາ, ຫວຽດນາມ, ໄທ ແລະ ສິງກະໂປ.