6 ເດືອນຜ່ານໄປ ທາງລົດໄຟລາວ-ຈີນຂົນສົ່ງຜູ້ໂດຍສານໄດ້ 4 ແສນກວ່າຄົນ

104

ວັນເວລາຜ່ານໄປຄືດັ່ງຄວາມຝັນ ທາງລົດໄຟລາວ-ຈີນໄດ້ເປີດດຳເນີນການມາເປັນເວລາຄົບຮອບເຄິ່ງປີແລ້ວ. ຕາມລາຍງານໄດ້ໃຫ້ຮູ້ວ່າ, ມາຮອດວັນທີ 2 ມິຖຸນາ, ການຂົນສົ່ງຜູ້ໂດຍສານ ແລະ ສິນຄ້າຂອງທາງລົດໄຟລາວ-ຈີນໄດ້ມີທ່າອ່ຽງເພີ່ມຂຶ້ນຢ່າງບໍ່ຢຸດຢັ້ງ ບໍ່ວ່າຈະເປັນທາງດ້ານປະລິມານ ຫຼື ຄຸນນະພາບ.

ອາດຈະເວົ້າໄດ້ວ່າການເກີດຂຶ້ນຂອງເສັ້ນທາງລົດໄຟລາວ-ຈີນ ແມ່ນຈຸດປ່ຽນທີ່ສຳຄັນຂອງລະບົບຄົມມະນາຄົມຂົນສົ່ງໃນລາວສູ່ສາກົນ ບົດບາດທາງດ້ານການຂົນສົ່ງສິນຄ້າສາກົນຂອງລົດໄຟລາວ-ຈີນ ກໍນັບມື້ນັບພົ້ນເດັ່ນຂຶ້ນ. ມາຮອດປະຈູບັນ, ໄດ້ມີການຂົນສົ່ງຜູ້ໂດຍສານທັງໝົດມີ 410.000 ຄົນ ແລະ ການຂົນສົ່ງສິນຄ້າຂ້າມແດນປະມານ 640.000 ໂຕນ.

ທາງລົດໄຟລາວ-ຈີນໄດ້ເປີດນຳໃຊ້ສະຖານີຜູ້ໂດຍສານ 4 ສະຖານີ ຕາມລຳດັບຄື: ສະຖານີນາເຕີຍ, ສະຖານີກາສີ, ສະຖານີເມືອງງາ ແລະ ສະຖານາໝໍ້, ມາຮອດປະຈຸບັນ ສະຖານີຂົນສົ່ງຜູ້ໂດຍສານທັງໝົດລວມມີ 10 ສະຖານີ. ນອກຈາກນີ້ແລ້ວ, ກໍໄດ້ມີການຈັດຊື້ລົດໄຟ EMU ຂະບວນ “ລ້ານຊ້າງ” ເພີ່ມອີກ 1 ຂະບວນ ແລະ ລົດໄຟທຳມະດາ 1 ຂະບວນ ເປີດໃຊ້ງານໄປພ້ອມໆກັນ ອັນເປັນການສະຫນອງທາງເລືອກໃນການນຳໃຊ້ທີ່ຫຼາກຫຼາຍໃຫ້ແກ່ຜູ້ໂດຍສານ.

ໂດຍສະເລ່ຍການແລ່ນລົດໄຟ ແມ່ນ 6 ຖ້ຽວຕໍ່ມື້, ສູງສຸດແມ່ນ 8 ຖ້ຽວຕໍ່ມື້, ຂົນສູງຜູ້ໂດຍສານສູງສຸດ 5.000 ຄົນຕໍ່ມື້. ພ້ອມດຽວກັນນັ້ນ, ດ້ານດານບໍລິການກໍໄດ້ຂະຫຍາຍເວລາຊື້ປີ້ລ່ວງໜ້າ ແລະ ໄດ້ມີການເປີດຈູດຂາຍປີ້ຢູ່ບັນດາຕົວເມືອງໃຫຍ່ໃນລາວ ເພື່ອອຳນວຍຄວາມສະດວກໃຫ້ແກ່ການເດີນທາງຫຼາຍຂຶ້ນ.


ເມື່ອສະຖານີຂົນສົ່ງຜູ້ໂດຍສານ ແລະ ຖ້ຽວລົດໄຟທີ່ເພີ່ມຂຶ້ນ, ຈໍານວນນັກທ່ອງທ່ຽວທີ່ນຳໃຊ້ລົດໄຟໃນການເດີນທາງໄປນະຄອນຫຼວງວຽງຈັນ, ວັງວຽງ, ຫຼວງພະບາງ ແລະ ຕົວເມືອງທ່ອງທ່ຽວອື່ນໆໃນລາວກໍເພີ່ມຂຶ້ນຢ່າງຫຼວງຫຼາຍ, ເຊິ່ງກໍໄດ້ເປັນສ່ວນໜຶ່ງທີ່ຊ່ວຍກະຕຸ້ນດ້ານເສດຖະກິດ ແລະ ການທ່ອງທ່ຽວຕາມເສັ້ນທາງລົດໄຟໄດ້ຢ່າງມີປະສິດທິຜົນ. ເປີດຊ່ອງທາງຂົນສົ່ງສາກົນເພື່ອຮັກສາສະຖຽນລະພາບ ແລະ ເພີ່ມຄຸນນະພາບການຄ້າຕ່າງປະເທດ.

ທາງລົດໄຟລາວ-ຈີນໄດ້ສ້າງຊ່ອງທາງການຂົນສົ່ງສາກົນລະຫວ່າງຈີນກັບອາຊຽນທີ່ສະດວກສະບາຍ, ຫຼຸດຜ່ອນເວລາ ແລະ ຄ່າຂົນສົ່ງໃນການຂົນສົ່ງເປັນຈຳນວນຫຼາຍ. ຕາມສັນຍາການເປັນຄູ່ຮ່ວມມືເສດຖະກິດຮອບດ້ານໃນພາກພື້ນ (RCEP) ທີ່ມີຜົນບັງຄັບໃຊ້ຢ່າງເປັນທາງການ ໃນເດືອນມັງກອນທີ່ຜ່ານມາ, ຄວາມຮຽກຮ້ອງຕ້ອງການດ້ານການຂົນສົ່ງສິນຄ້າສາກົນລະຫວ່າງຈີນກັບລາວກໍນັບມື້ນັບເພີ່ມຂຶ້ນ. ເຊິ່ງກໍເຮັດໃຫ້ບັນດາສະຖານີຕ່າງໆເຊັ່ນ: ສະຖານີວຽງຈັນໃຕ້, ສະຖານີນາເຕີຍ, ສະຖານີວັງວຽງ, ສະຖານີຫຼວງພະບາງ ແລະ ສະຖານີໂພນໂຮງ ໄດ້ເປີດທຸລະກຳຂົນສົ່ງສິນຄ້າເພີ່ມຂຶ້ນຕາມລຳດັບ.

ແຫລ່ງຂໍ້ມູນ: ບໍລິສັດທາງລົດໄຟລາວ-ຈີນ