ຫວຽດນາມ ເປີດຂົວແກ້ວ ຍາວທີ່ສຸດໃນໂລກ ໃຫ້ນັກທ່ອງທ່ຽວໄດ້ສຳຜັດ

115

ສຳນັກຂ່າວຕ່າງປະເທດລາຍງານ ໃນວັນທີ 3 ພຶດສະພາ 2022 ວ່າ ຫວຽດນາມ ໄດ້ເປີດແຫຼ່ງທ່ອງທ່ຽວແຫ່ງໃໝ່ ເຊິ່ງເປັນຂົວແກ້ວ ຢູ່ເຂດປ່າດົງດິບ ຊື່ວ່າ: ຂົວບັ໋ກລອງ ແປວ່າ ” ມັງກອນຂາວ “,

ຕັ້ງຢູ່ເມືອງໝົກໂຈວ ແຂວງເຊີນລາ ທາງຕາເວັນຕົກສ່ຽງເໜືອ ຂອງຫວຽດນາມ.

ຂົວແກ້ວແຫ່ງນີ້ ຂ້າມຍອດພູ 2 ໜ່ວຍ, ມີຄວາມຍາວທັງໝົດ 632 ແມັດ ເປັນສະຖິຕິຂົວແກ້ວຍາວທີ່ສຸດໃນໂລກຈາກສະຖິຕິຂົວແກ້ວ ໃນແຂວງ ກວາງຕຸ້ງ ຂອງຈີນ ມີຄວາມຍາວ 526 ແມັດ.

ຂົວແຫ່ງນີ້ ພື້ນຂົວແມ່ນເຮັດມາຈາກ ແກ້ວນິລະໄພ ທີ່ຜະລິດໃນປະເທດຝຣັ່ງ ມີຄວາມແຂງແຮງພຽງພໍທີ່ຈະຮອງຮັບນັກທ່ອງທ່ຽວໄດ້ເຖິງ 450 ຄົນ ໃນເວລາດຽວກັນ ແລະ ເປັນຂົວແກ້ວແຫ່ງທີ 3 ຂອງຫວຽດນາມ.