ສະໜາມບິນສາກົນບໍ່ແກ້ວກໍ່ສ້າງກາຍເຄິ່ງທາງແລ້ວ ຮອງຮັບແອບັສ 320ໄດ້ ບໍ່ກາຍປີນີ້ເປີດໃຊ້ແນ່ນອນ

116

ປັດຈຸບັນ ສະໜາມບິນບໍ່ແກ້ວແມ່ນສຳເລັດໄປກາຍເຄິ່ງແລ້ວ ບໍ່ວ່າຈະເປັນໂຕສະໜາມບິນເອງ ພ້ອມທັງເສັ້ນທາງ ທີ່ສວຍງາມ ໂດຍມີຄວາມຍາວ 5 ກິໂລແມັດເປັນທາງ 4 ເລນ ກວ້າງ 18 ແມັດຜ່ານໃຈກາງເຂດເສດຖະກິດພິເສດສາມຫຼ່ຽມຄຳອອກສູ່ສະໜາມບິນສາກົນບໍ່ແກ້ວ ເຊີ່ງຈະກາຍເປັນທ່າແຮງສໍາຄັນໃນການດຶງດູກນັກທ່ອງທ່ຽວທັງພາຍໃນ ແລະຕ່າງປະເທດເຂົ້າໄປທ່ອງທ່ຽວພາຍໃນ ແຂວງບໍ່ແກ້ວນັບມື້ເພີ່ມຂຶ້ນ

ຕາມຂ່າວຈາກໜັງສືພິມວຽງຈັນທາຍ ລາຍງານວ່າ ການກໍ່ສ້າງ ສະໜາມບິນ ຢູ່ເມືອງຕົ້ນເຜິ້ງ ແຂວງບໍ່ແກ້ວ ມາຮອດປະຈຸບັນ ສໍາເລັດແລ້ວ 75% ແລະ ຄາດວ່າ ຈະສາມາດເປີດສາຍການບິນ ພາຍໃນປະເທດໄດ້ ພາຍໃນທ້າຍປີ 2022 ແລະ ຈາກນັ້ນ ຈະເປີດສາຍການບິນຕ່າງປະເທດ ຕາມລໍາດັບ. ສະໜາມບິນດັ່ງກ່າວ ແມ່ນຢູ່ໃກ້ເຂດເສດຖະກິດພິເສດ ສາມຫຼຽມທອງຄໍາ ກວມເນື້ອທີ 300 ເຮັກຕາ,ໂດຍຈະກາຍເປັນ ສະໜາມບິນແຫ່ງທີ 2 ຂອງແຂວງບໍ່ແກ້ວ.

ການກໍ່ສ້າງ ແມ່ນເລີ່ມມາແຕ່ ເດືອນກັນຍາ 2020 ດ້ວຍມູນຄ່າການກໍ່ສ້າງທັງໝົດ 175 ລ້ານ ໂດລາສະຫະລັດ ຊຶ່ງເປັນທຶນຈາກ Hong Kong-based Greater Bay Area Investment and Development (HK) Limited, ຊຶ່ງຢູ່ພາຍໃຕ້ ກຸ່ມບໍລິສັດ ດອກງິ້ວຄໍາ. ມີໄລຍະສໍາປະທານ ສະໜາມບິນດັ່ງກ່າວ ແມ່ນ 50 ປີ, ໂດຍສະໜາມບິນ ສາມາດຮອງຮັບ ເຮືອບິນຂະໜາດໃຫຍ່ ເຊັ່ນ:

Boeing 747 ແລະ Airbus 320 ໄດ້.
ອາຄານສະໜາມບິນ ສາມາດບັນຈຸຄົນໄດ້ 600 ຄົນ, ແລະ ສາມາດຮອງຮັບຜູ້ໂດຍສານໄດ້ເຖິງ 1.500.000-2.000.000 ຄົນ ຕໍ່ປີ.
ສະໜາມບິນສາກົນບໍ່ແກ້ວຕັ້ງຢູ່ບ້ານສີເມືອງງານ, ເມືອງຕົ້ນເຜີ້ງຫ່າງໄກຈາກເຂດເສດຖະກິດພິເສດສາມຫຼ່ຽມຄຳ ປະມານ 5 ກິໂລ ແມັດ, ອ້ອມຮອບໄປດ້ວຍພູຜ່າປ່າໄມ້ ແລະ ແມ່ນ້ຳຂອງບັນຍາກາດສວຍງາມ ເຊື່ອວ່າພາຍຫຼັງສ້າງສຳເລັດຈະສ້າງຄວາມຄືກຄື້ນແກ່ແຂກຄົນທີ່ເຂົ້າໄປຢ້ຽມຢາມແຂວງບໍ່ແກ້ວເພີ່ມຂຶ້ນຢ່າງແນ່ນອນ.