ຄິ້ວບາງ ຄິ້ວບໍ່ເຂັ້ມ ສາມາດສ້າງເອງໄດ້ ດ້ວຍວິທີນີ້

ເຊື່ອເລີຍວ່າສາວໆ ແລະ ໜຸ່ມຫຼາຍຄົນຄົງຢາກຈະມີຄິ້ວທີ່ງາມ, ດໍາດົກ, ໜາ ເພາະຄິ້ວຄືມຸງກຸດຂອງໜ້າ ໃຜກໍຕ້ອງການມີຄິ້ວທີ່ງາມ ສໍາລັບບາງຄົນອາດມີຄິ້ວທີ່ບາງ, ຈາງ ລະ ບໍ່ໜາ ແຕ່ກໍມີຫຼາຍທາງເລືອກບໍ່ວ່າຈະເປັນການແຕ້ມຄິ້ວ, ສັກຄິ້ວ ແລະ ອື່ນໆ ເພື່ອໃຫ້ໄດ້ຄວາມສວຍງາມນັ້ນ ແຕ່ມັນຄົງຈະດີແມ່ນບໍ່ຖ້າຫາກເຮົາມາປູກ ຫຼື ມີວິທີເຮັດໃຫ້ຄິ້ວໜາດົກຈາກພືດທໍາມະຊາດ ແລະ ສິ່ງຕ່າງໆທີ່ຫາໄດ້ເອງ
ມື້ນີ້ເລີຍຈະມາແນະນໍາ ວິທີເຮັດໃຫ້ຄິ້ວງາມ, ດໍາດົກໜາ ຕາມນີ້ເລີຍ

1 ດອກອັນຊັນ ຫຼາຍຄົງຄົງຮູ້ຈັກດອກໄມ້ສະນິດນີ້ດີ ເຊິ່ງວ່າມີສັບພະຄຸນຫຼາຍຢ່າງ ລວມທັງສາມາດເຮັດໃຫ້ຄິ້ວດໍາ, ດົກໄດ້ ພຽງແຕ່ທ່ານນໍາເອົາດອກອັນຊັນ ຕາມຄວາມເໝາະສົມໄປລ້າງນໍ້າສະອາດ ແລ້ວເອົາໄປບົດເອົາແຕ່ນໍ້າໄປທາໃຫ້ທົ່ວຄິ້ວທັງສອງຂ້າງ ປະໄວ້ 1 ຊົ່ວໂມງ ຈົນແຫ້ງ ຫຼື ຈະທາກ່ອນນອນກໍໄດ້ ຈະຊ່ວຍໃຫ້ຂົນຄິ້ວດໍາເຂັ້ມຂຶ້ນໄດ້
2 ນໍ້າມັນໝາກກອກ ນໍາສໍາລີຈຸ່ມລົງໃນນໍ້າມັນໝາກກອກໃຫ້ຊຸ່ມພໍປະມານ ຈາກນັ້ນຈຶ່ງນໍາມາທາບາງໆ ທີ່ຄິ້ວທັງ 2 ຂ້າງ ແລ້ວນວດເບົາໆ ປະໄວ້ 10 ນາທີ ວິຕາມິນອີ ແລະ ວິຕາມິນບີ ທີ່ຢູ່ໃນນໍ້າມັນໝາກກອກ ຈະຊ່ວຍບໍາລຸງໃຫ້ຄິ້ວຍາວ ແລະ ແຂງແຮງ

3 ນົມສົດ ການທີ່ເຮົາໃຊ້ສໍາລີຊຸບນໍ້ານົມພໍປະມານ ແລ້ວໄປກົດລົງທີ່ຄິ້ວ ປະໄວໄລຍະໜຶ່ງ ໂປຣຕິນ ແຮ່ທາດຕ່າງໆ ແລະ ວິຕາມິນທີ່ຢູ່ໃນນໍ້ານົມ ຈະກະຕຸ້ນເຮັດໃຫ້ຮາກຂົນເຮັດວຽກດີຂຶ້ນ ເພີ່ມຄວາມແຂງແຮງ ແລະ ຄວາມຍາວໄດ້ອີກດ້ວຍ
4 ຕັດເລັມຂົນຄ້ວດຸໆ ເປັນອີກວິທີ່ໜຶ່ງທີ່ເຮັດໃຫ້ຄິ້ວປົ່ງໃໝ່, ຍາວຂຶ້ນ ແລະ ດໍາຂຶ້ນ

5 ໃຊ້ຄອນດີຊັນເນີ ບໍາລຸງຄິ້ວ ບາງຄົນອາດມີສິ່ງບໍາລຸງຄິ້ວ ໄວ້ທາ ເພື່ອບໍາລຸງຂົນຄິ້ວ ເຮັດໃຫ້ມີຂົນຄ້ວທີ່ສຸຂະພາບດີ, ດໍາ, ໜາຂຶ້ນໄດ້ຄືກັນ (ແລ້ວແຕ່ຜູ້ຖືກ)
ນີ້ກໍເປັນເຄັດລັບເລື່ອງສຸຂະພາບຂົນຄິ້ວ, ຄວາມງາມຂອງໜຸ່ມໆສາວ ໃນການບໍາລຸງ ແລະ ເພີ່ມຄວາມດໍາໜາໃຫ້ແກ່ມຸງກຸດຂອງໜ້າ ແບບປະຢັດງົບ ແລະ ເຮົາກໍເຮັດ ແລະ ຫາໄດ້ງ່າຍ ສໍາລັບສິ່ງຕ່າງໆທີ່ບອກໄປ ລອງນໍາເອົາໄປປະຕິບັດເບິ່ງເດີ້

ຂໍ້ມູນຈາກ: 108archeepparuay
ພາບຈາກ: Google