ທ່ານຜູ້ວ່າຣາຊະການຈັງຫວັດໜອງຄາຍ ພ້ອມຄະນະຢ້ຽມຢາມ ດ່ານສາກົນສິນຄ້າ ທ່າບົກທ່ານາແລ້ງ ແລະ ເຂດໂລຊິດສະຕິກ ນະຄອນຫຼວງວຽງຈັນ

155

ໃນວັນທີ 4 ກຸມພາ 2022 ທີ່ ບໍລິສັດ ວຽງຈັນໂລຊິດສະຕິກ ພາກ ຈຳກັດ ຕັ້ງຢູ່ບ້ານດົງໂພສີ, ເມືອງຫາດຊາຍຟອງ, ນະຄອນຫຼວງວຽງຈັນ ໄດ້ມີພິທີຕ້ອນຮັບ ທ່ານ ມົນສິດ ໄພສານທະນະວັດ ຜູ້ວ່າຣາຊະການຈັງຫວັດໜອງຄາຍ ພ້ອມດ້ວຍຄະນະ ເຂົ້າຢ້ຽມຢາມ ດ່ານສາກົນສິນຄ້າ ທ່າບົກທ່ານາແລ້ງ ແລະ ເຂດໂລຊິດສະຕິກ ພາກ ນະຄອນຫຼວງວຽງຈັນ ເຂົ້າຮ່ວມຕ້ອນຮັບໂດຍ ທ່ານ ພູຂົງ ບັນນະວົງ ຮອງເຈົ້າຄອງນະຄອນຫຼວງວຽງຈັນ, ມີ ທ່ານ ຈັນທອນ ສິດທິໄຊ ປະທານບໍລິສັດ ວຽງຈັນໂລຊິດສະຕິກ ພາກ ຈຳກັດ, ທ່ານ ວຽງຄອນ ສິດທິໄຊ ຮອງປະທານ ບໍລິສັດ ວຽງຈັນ ໂລຊິດສະຕິກ ພາກ, ທ່ານ ສາຄອນ ພິລາງາມ ຜູ້ອຳນວຍການທ່າບົກທ່ານາແລ້ງ, ທ່ານ ສີລາ ວຽງແກ້ວ ຮອງປະທານກຳມະການບໍລິຫານການຄ້າ ແລະ ລະບຽບການບໍລິສັດ ພີທີແອວໂຮນດິ້ງ ຈໍາກັດ, ພ້ອມດ້ວຍພະນັກງານ ແລະ ສື່ມວນຊົນເຂົ້າຮ່ວມ.

อาจเป็นรูปภาพของ 9 คน และ ผู้คนกำลังยืน

ໂອກາດດັ່ງກ່າວ ທ່ານ ຈັນທອນ ສິດທິໄຊ ກໍໄດ້ລາຍງານໂດຍສັງເຂບກ່ຽວກັບໂຄງການທ່າບົກທ່ານາແລ້ງ ແລະ ເຂດໂລຊິດສະຕິກ ນະຄອນຫຼວງວຽງຈັນ ວ່າເປັນໜຶ່ງໃນໂຄງການພັດທະນາ Laos Logistics Link (LLL) ທີ່ລວມມີ 4 ໂຄງການໃຫຍ່ຄື: 1) ໂຄງການທ່າບົກທ່ານາແລ້ງ ແລະ ເຂດໂລຊິດສະຕິກ ນະຄອນຫຼວງວຽງຈັນ, 2) ທ່າເຮືອຫວຸ້ງອ່າງ ສສ ຫວຽດນາມ, 3) ເສັ້ນທາງລົດໄຟ ລາວ-ຫວຽດນາມ ແລະ 4) ໂຮງງານຜະລິດໄຟຟ້າດ້ວຍຖ່ານຫີນ 2000 MV ທີ່ແຂວງ ຄຳມ່ວນ. ໂຄງການພັດທະນາ ທ່າບົກທ່ານາແລ້ງ ສ້າງຂຶ້ນເພື່ອຜັນຂະຫຍາຍນະໂຍບາຍຂອງລັດຖະບານແຫ່ງ ສປປ ລາວ ໃນການຫັນປ່ຽນປະເທດລາວຈາກ Land Lock ສູ່ປະເທດ Land Link, ໃຫ້ເປັນສູນກາງແຫ່ງການເຊື່ອມໂຍງ, ເຊື່ອມຈອດອານຸພາກພື້ນ ແລະ ສາກົນ ເຊິ່ງຈຸດທີ່ຕັ້ງຂອງໂຄງການຈະເຮັດໜ້າທີ່ເປັນສູນກາງຂອງການຂະຫຍາຍການຄ້າລະຫວ່າງອາຊຽນ ໄປ ສປ ຈີນ ແລະ ສປ ຈີນ ໄປສູ່ ເອີຣົບ ໂດຍຜ່ານເສັ້ນທາງລົດໄຟ ລາວ-ຈີນ.

อาจเป็นรูปภาพของ 10 คน และ ผู้คนกำลังยืน

ທ່ານ ຈັນທອນ ສິດທິໄຊ ໃຫ້ຮູ້ຕື່ມອີກວ່າ: ໂຄງການທ່າບົກທ່ານາແລ້ງ ແລະ ເຂດໂລຊິດສະຕິກ ນະຄອນຫຼວງວຽງຈັນ ໄດ້ເຊັນສັນຍາສຳປະທານຈາກລັດຖະບານໃນເດືອນກໍລະກົດ 2020 ໂດຍໄດ້ເວນຄືນທີ່ດິນໃນເຂດສຳປະທານ ແລະ ລົງມືກໍ່ສ້າງ ໃນເດືອນທັນວາ 2020, ມາໃນຕົ້ນເດືອນທັນວາ 2021 ກໍເປີດໃຫ້ບໍລິການຢ່າງເປັນທາງການ ໂດຍໃຊ້ເວລາດຳເນີນການກໍ່ສ້າງ 11 ເດືອນ ແລະ ຄາດວ່າຈະສຳເລັດການກໍ່ສ້າງທັງໝົດ ພ້ອມສິ່ງອຳນວຍຄວາມສະດວກ, ການສ້າງລາງລົດໄຟ ລາວ-ຈີນ ເພື່ອມາຄູ່ຂະໜານກັບລົດໄຟ ລາວ-ໄທ ໃນເຂດໂຄງການ ປະມານເດືອນເມສາ 2022 ນີ້ ຫຼັງເສັ້ນທາງລົດໄຟນີ້ສຳເລັດ ຈະຊ່ວຍອຳນວຍຄວາມສະດວກຕື່ມໃນການຂົນສົ່ງສິນຄ້າຜ່ານແດນ.

อาจเป็นรูปภาพของ 16 คน, ผู้คนกำลังยืน และ ชุดสูท

ພ້ອມດຽວກັນນີ້, ທ່ານ ຈັນທອນ ສິດທິໄຊ ກ່າວອີກວ່າ: ສປປ ລາວ ບໍ່ມີທາງອອກສູ່ທະເລ ເປັນປະເທດ Land Lock ແລະ ບໍ່ມີທ່າເຮືອ. ສະນັ້ນ, ຈຶ່ງສ້າງເປັນທ່າບົກ ເພື່ອເຮັດໜ້າທີ່ໃນການບໍລິການສິນຄ້າຜ່ານແດນ, ເປັນຈຸດເຊື່ອມໂຍງດ້ານໂລຊິດສະຕິກ ແລະ ໄລຍະຜ່ານມາ ພວກເຮົາກໍໄດ້ເລີ່ມໃຫ້ບໍລິການຂົນສົ່ງສິນຄ້າຜ່ານແດນ, ບໍລິການຕູ້ຄອນເທນເນີສິນຄ້າຈາກ ສປ ຈີນ ໄປ ໄທ ຫຼາຍພັນຕູ້ ແລະ ສິນຄ້າຈາກໄທ ບາງສ່ວນໂດຍສະເພາະສິນຄ້າກະສິກຳ ໄດ້ຜ່ານ ສປປ ລາວ ໄປ ຈີນ ເຊິ່ງມີທັງບັນຫາ, ຂໍ້ສະດວກ, ຂໍ້ຫຍຸ້ງຍາກ, ມີສິ່ງທ້າທາຍຫຼາຍຢ່າງ ແລະ ການມາຢ້ຽມຢາມຂອງ ທ່ານຜູ້ວ່າຣາຊະການຈັງຫວັດໜອງຄາຍ ພ້ອມຄະນະໃນຄັ້ງນີ້ ຖືເປັນນິມິດໝາຍທີ່ດີ ທີ່ທັງສອງຝ່າຍຈະໄດ້ມີກິດຈະກຳທີ່ສາມາດເຮັດຮ່ວມກັນ, ອຳນວຍຄວາມສະດວກໃຫ້ແກ່ກັນ ແລະ ກັນ ເພື່ອໃຫ້ສິນຄ້າຈາກໄທ ຜ່ານແດນ ສປປ ລາວ ສະດວກຂຶ້ນ.

อาจเป็นรูปภาพของ 6 คน และ ผู้คนกำลังยืน

ທ່ານ ມົນສິດ ໄພສານທະນະວັດ ໄດ້ກ່າວສະແດງ ຄວາມຂອບໃຈຕໍ່ທຸກພາກສ່ວນທີ່ໄດ້ອຳນວຍຄວາມສະດວກ ແລະ ໃຫ້ຂໍ້ມູນ, ລັດຖະບານໄທ ກໍໃຫ້ຄວາມສົນໃຈກ່ຽວກັບເລື່ອງລົດໄຟນີ້ຫຼາຍ, ນັກທຸລະກິດ, ຜູ້ປະກອບການ ກໍມີຄວາມຕື່ນຕົວ ແລະ ຄາດວ່າໃນອະນາຄົດຜູ້ຜະລິດຢູ່ໄທ ຈະໄດ້ມີການແລກປ່ຽນດ້ານຂໍ້ມູນກັນຫຼາຍຂຶ້ນ, ໃນສ່ວນຂອງຈັງຫວັດໜອງຄາຍ ກໍມີການຍົກລະດັບກຽມຕົວ ເຊິ່ງຈະໄດ້ສ້າງນິຕິກຳ, ລະບຽບ, ກົດໝາຍຕ່າງໆ ເພື່ອຮອງຮັບການແລກປ່ຽນ, ຄ່ຽນຖ່າຍສິິນຄ້າໃຫ້ສະດວກຫຼາຍຂຶ້ນ ແລະ ໃນພາກທຸລະກິດ ກໍຈະມີການແລກປ່ຽນດ້ານຂໍ້ມູນເຊິ່ງກັນ ແລະ ກັນຫຼາຍຂຶ້ນ ເພື່ອແກ້ໄຂບັນຫາທີ່ເກີດຂຶ້ນໃຫ້ທັນການ.

อาจเป็นรูปภาพของ 15 คน, ผู้คนกำลังยืน และ ชุดสูท

ໃນຕອນທ້າຍ, ທ່ານຜູ້ວ່າຣາຊະການຈັງຫວັດໜອງຄາຍ ພ້ອມດ້ວຍຄະນະ ຍັງໄດ້ຢ້ຽມຢາມເບິ່ງຫ້ອງການປະຕິບັດງານຂອງ ທ່າບົກທ່ານາແລ້ງ, ຫ້ອງການພາສີ, ລານຕູ້ສິນຄ້າ CY ແລະ ສາງຄ່ຽນຖ່າຍສິນຄ້າ, ປະຕູໂຂງ ແລະ ຈຸດເຊື່ອມຕໍ່ຈາກຂົວມິດຕະພາບ ລາວ-ໄທ ຫາ ດ່ານສາກົນສິນຄ້າ ທ່າບົກທ່ານາແລ້ງ ຕື່ມອີກ.