ວາຟາອີ ສ້າງປະຫວັດສາດໃຫ້ກັບ ອີຣານ ຄວ້າແຊັມສະນຸກເກີລະດັບໂລກ

141

ແຟນກີລາສະນຸກເກີດອີຣານ ໄດ້ສະຫຼອງກັນທົ່ວປະເທດ ຫຼັງຈາກທີ່ ຮໍສະຊຽນ ວາຟາອີ ນັກສະນຸກເກີມື 42 ຂອງໂລກຊາວອີຣານ ສາມາດຫັກປາກກາຊຽນເອົາຊະນະມື 8 ຂອງໂລກ ຄວ້າແຊັມການແຂ່ງຂັນສະນຸກເກີລາຍການ ຊູ້ດເອົ້າ 2022.

ນັດຊີງຊະນະເລີດຈັດຂຶ້ນເມື່ອວັນທີ 23 ມັງກອນ 2022 ເກີດເລື່ອງພິກລ໊ອກເມື່ອ ວາຟາອີ ສາມາດເອົາຊະນະ ແຊັມໂລກ 3 ສະໄໝຢ່າງ ມາກ ເຈ ວິລລຽນສ໌ ມື 8 ຂອງໂລກຈາກເວສ 71-0 ຄະແນນ ໃນການແຂ່ງຂັນແບບເຟມດຽວຈົບ ທີ່ສະໜາມມໍນິງໄຊ ອາຣີນາ ເມືອງເລສເຕີ ປະເທດອັງກິດ.

ແນ່ນອນການຄວ້າແຊັມຄັ້ງນີ້ເຮັດໃຫ້ ຮອສຊຽນ ວາຟາອີ ສ້າງປະຫວັດສາດກາຍເປັນນັກສະນຸກເກີຄົນທໍາອິດຂອງ ອີຣານ ທີ່ຄວ້າແຊັມລາຍການລະດັບໂລກ ພ້ອມຄວ້າເງິນລາງວັນສໍາລັບຕໍາແໜ່ງແຊັມອີກ 50.000 ປອນ ແລະ ເກັບຄະແນນສະສົມເພີ່ມອີກ 50.000 ຄະແນນເຮັດໃຫ້ເລື່ອນອັນດັບໂລກຈາກ 42 ຂອງໂລກຂຶ້ນມາຢູ່ອັນດັບທີ 23 ຂອງໂລກເປັນທີ່ຮຽບຮ້ອຍ ເຊິ່ງເປັນອັນດັບໂລກດີທີ່ສຸດນັບຕັ້ງແຕ່ລົງແຂ່ງຂັນສະນຸກເກີອາຊີບໂລກ ຄັ້ງທໍາອິດເມື່ອປີ 2011.