ໂຮງໝໍ 20 ຕຽງ ວິທະຍາຄານ ກົມມະດຳ ໄດ້ຮັບເຄື່ອງມືອຸປະກອນການແພດ

111

ວັນທີ 17 ມັງກອນ 2022, ສະຫາຍ ພັນໂທ ຫີນເພັດ ລັດຕະນະໄພວັນ ພ້ອມດ້ວຍຄອບຄົວ ໄດ້ປະກອບສ່ວນມອບເຄື່ອງອຸປະກອນການແພດ ໃຫ້ແກ່ໂຮງໝໍ 20 ຕຽງ ວິທະຍາຄານ ກົມມະດຳ.


ປະກອບມີ ຕຽງນອນຄົນເຈັບ 1 ຊຸດ, ບັ້ງອົກຊີ 1 ບັ້ງ ແລະ ຫົວອົກຊີ ຈຳນວນ 1 ຊຸດ ລວມມູນຄ່າທັງໜົດ 7.853.000 ກີບ. ກ່າວຮັບໂດຍ ສະຫາຍ ພັນໂທ ພອນໄຊ ໄຊຍະວົງ ຫົວໜ້າໂຮງໝໍ 20 ຕຽງ ວິທະຍາຄານ ກົມມະດຳ ໂດຍຊ່ອງໜ້າພາກສ່ວນທີ່ກ້ຽວຂ້ອງເຂົ້າຮ່ວມເປັນສັກຂີພິຍານ.


ໂອກາດດຽວກັນນີ້ ຫົວໜ້າໂຮງໜໍ 20 ຕຽງ ວິທະຍາຄານ ໄດ້ກ່າວ ສະແດງຄວາມຂອບໃຈ ມາຍັງ ສະຫາຍ ພັນໂທ ຫີນເພັດ ລັດຕະນະໄພວັນ ແລະຄອບຄົວ ທີ່ໄດ້ນໍາເອົາອຸປະກອນເຄື່ອງມືທາງການແພດມາມອບໃຫ້ໃນຄັ້ງນີ້ ແລະ ເຫັນໄດ້ ພະລະໜ້າທີ່ຕົວຈິງຂອງໂຮງໝໍ 20 ຕຽງ ເພື່ອປະກອບສ່ວນຮັບໃຊ້ ໃນວຽກງານວີຊາສະເພາະຂອງກົມກອງ ທີ່ຍັງຂາດເຂີນດ້ານວັດຖຸທາງການແພດ ເພື່ອຮັບປະກັນໃຫ້ແກ່ການຮັບໃຊ້ປິ່ນປົວຄົນເຈັບໃນປັດຈຸບັນ, ພ້ອມທັງໃຫ້ຄຳໝັ້ນສັນຍາ ວ່າຈະນຳເອົາວັດຖຸດັ່ງກ່າວ ໄປນຳໃຊ້ເຂົ້າໃນການບໍລີຫານກົມກອງ ໃຫ້ເກີດຜົນປະໂຫຍດສູງສຸດ.

ຂ່າວ-ພາບ: ລຸນທອງ ສີບຸນເຮືອງ