ການນຳເຂົ້າ ແລະ ສົ່ງອອກສິນຄ້າຂອງ ສປປ ລາວ ປະຈຳເດືອນທັນວາ 2021 ມີມູນຄ່າສູງເຖິງ 1.184 ລ້ານໂດລາ. ໃນນີ້ມູນຄ່າການສົ່ງອອກ ປະມານ 552 ລ້ານໂດລາ ແລະ ການນໍາເຂົ້າ 632 ລ້ານໂດລາ.
ສູນຂໍ້ມູນຂ່າວສານທາງດ້ານການຄ້າຂອງ ສປປ ລາວ ໄດ້ລາຍງານ ວ່າ: ມູນຄ່າການນໍາເຂົ້າ ແລະ ສົ່ງອອກສິນຄ້າຂອງ ສປປ ລາວ ປະຈໍາເດືອນທັນວາ ປີ 2021 ບັນລຸໄດ້ປະມານ 1.184 ລ້ານໂດລາສະຫະລັດ, ໃນນັ້ນມູນຄ່າການສົ່ງອອກ ມີປະມານ 552 ລ້ານໂດລາ ແລະ ການນໍາເຂົ້າ ມີປະມານ 632 ລ້ານໂດລາ, ຂາດດຸນການຄ້າປະມານ 80 ລ້ານໂດລາ.
10 ສິນຄ້າສົ່ງອອກຫຼັກ ຂອງສປປລາວໃນເດືອນ ທັນວາ 2021ປະກອບມີ
– ຄຳປະສົມ (ຄຳແທ່ງ) 102 ລ້ານໂດລາ
– ມັນຕົ້ນ 60 ລ້ານໂດລາ,
-ຢາງພາລາ 46 ລ້ານໂດລາ
-ແຮ່ທອງ 19 ລ້ານໂດລາ
-ເຄື່ອງນຸ່ງຫົ່ມ 17 ລ້ານໂດລາ
– ໝາກກ້ວຍ 15 ລ້ານໂດລາ
– ນ້ຳຕານ 12 ລ້ານໂດລາ
– ທອງແດງ ແລະ ເຄື່ອງທີ່ເຮັດດ້ວຍທອງແດງ 9 ລ້ານໂດລາ
– ສາລີ 6 ລ້ານໂດລາ
– ກາເຟ (ບໍ່ທັນໄດ້ປຸງແຕ່ງ) 6 ລ້ານໂດລາ
10 ສິນຄ້າ ນຳເຂົ້າຫຼັກ ໃນເດືອນທັນວາ 2021
– ນ້ຳມັນກາຊວນ 48 ລ້ານໂດລາ
-ພາຫະນະທາງບົກ (ນອກຈາກລົດຈັກ, ລົດໄຖ) 46 ລ້ານໂດລາ
– ແກ້ວປະເສີດ ຫຼື ເຄິ່ງປະເສີດ 32 ລ້ານໂດລາ
-ອຸປະກອນກົນຈັກ (ນອກຈາກເຄື່ອງກົນຈັກພາຫະນະ) 27 ລ້ານໂດລາ
– ເຄື່ອງດື່ມ (ນໍ້າ, ນໍ້າອັດລົມ, ຊູກໍາລັງ…) 26 ລ້ານໂດລາ
– ຊິ້ນສ່ວນອາໄຫຼ່ລົດ (ລວມທັງຢາງ, ແວ່ນ, ໂສ້…) 18 ລ້ານໂດລາ
– ນ້ຳມັນແອັດຊັງ, ແອັດຊັງພິເສດ 14 ລ້ານໂດລາ
– ເຄື່ອງໃຊ້ທີ່ເຮັດດ້ວຍພລາສະຕິກ 14 ລ້ານໂດລາ
– ເຫຼັກ ແລະ ເຄື່ອງທີ່ເຮັດດ້ວຍເຫຼັກ, ເຫຼັກກ້າ 12 ລ້ານໂດລາ
-ກາກ ແລະ ສິ່ງເສດເຫຼືອຈາກອຸດສາຫະກຳຜະລິດອາຫານ 10 ລ້ານໂດລາ
ບັນດາປະເທດທີ່ ສປປ ລາວ ສົ່ງອອກຫຼັກ ມີຈີນ 210 ລ້ານໂດລາສະຫະລັດ, ຫວຽດນາມ 122 ລ້ານໂດລາສະຫະລັດ, ໄທ 101 ລ້ານໂດລາສະຫະລັດ, ອິນເດຍ 12 ລ້ານໂດລາສະຫະລັດ ແລະ ຍີ່ປຸ່ນ 8 ລ້ານໂດລາສະຫະລັດ.5 ປະເທດທີ່ ສປປ ລາວ ນໍາເຂົ້າຫຼັກມີ ໄທ 325 ລ້ານໂດລາສະຫະລັດ, ຈີນ 111 ລ້ານໂດລາສະຫະລັດ, ຫວຽດນາມ 52 ລ້ານໂດລາສະຫະລັດ, ຢີ່ປຸ່ນ 16 ລ້ານໂດລາສະຫະລັດ ແລະ ສ ອາເມລິກາ 10 ລ້ານໂດລາສະຫະລັດ.
ມູນຄ່າການນໍາເຂົ້າ ແລະ ສົ່ງອອກ ຂອງ ສປປ ລາວ ປະຈໍາເດືອນ 12 ປີ 2021 ແມ່ນຍັງບໍ່ກວມເອົາມູນຄ່າການສົ່ງອອກໄຟຟ້າ. ສໍາລັບມູນຄ່າການສົ່ງອອກໄຟຟ້າ.