ເຮັດກິນໄດ້ ເຮັດຂາຍດີ ແຈກວິທີເຮັດເຂົ້າໜົມມັນຕົ້ນ ສູດບໍ່ປະສົມແປ້ງ

189

ມື້ນີ້ຈະມາແນະນໍາ 1 ເມນູເຂົ້າໜົມຫວານ ທີ່ຫຼາຍໆຄົນມັກກິນແນ່ນອນ ນັ້ນກໍຄື “ເຂົ້າໜົມມັນຕົ້ນ” ເຊິ່ງວິທີນີ້ ຫຼື ສູດນີ້ແມ່ນບໍ່ປະສົມແປ້ງ ສູດຈາກຜູ້ໃຊ້ເຟດບຸກ Toukta’s Kitchen ທີ່ໄດ້ແບ່ງປັນຂໍ້ມູນດີໆແບບນີ້ໄວ້ໃຫ້ລອງເຮັດກິນເບິ່ງ


ເລີ່ມຕົ້ນເຮົາມາຕຽມວັດຖຸດິບນຳກັນກ່ອນເລີຍ ວັດຖຸດິບ ມັນຕົ້ນ 1 kg, ນໍ້າຕົ້ມໃບເຕີຍ ຫລື ນໍ້າດື່ມ 1ຖ້ວຍ, ນໍ້າຕານ 300g (ມັກຫວານເພີ່ມໄດ້), ເກືອ ເຄິ່ງບ່ວງຊາ, ຫມາກພ້າວຂູດ 1 ຫນ່ວຍ,


ຂັ້ນຕອນການເຮັດ ນໍາມັນຕົ້ນມາປອກ ແລະ ລ້າງໃຫ້ສາອາດ ຫລັງຈາກນັ້ນນຳມາຜ່າເອົາແກນທາງກາງອອກ ແລະ ຊອຍໃຫ້ນ້ອຍ; ນຳມັນຕົ້ນ, ນໍ້າຕົ້ມໃບເຕີຍ, ນໍ້າຕານ, ເກືອ ປັ່ນປະສົມກັນ
ເທໃສ່ພາຊະນະ ແລະ ນຳໄປຫນື້ງປະມານ 40-45 ນາທີ ຫລື ຈົນກ່ວາຈະສຸກ


ນຳມາພັກຈົນເຢັນ ແລະ ຕັດເປັນຕ່ອນຕາມໃຈມັກ ຫລັງຈາກນັ້ນກໍ່ນຳໄປຄຸກກັບຫມາກພ້າວຂູດທີເຮົາຕຽມໄວ້ໄດ້ເລີຍ
ພຽງທໍ່ນີ້ເຮົາກໍ່ໄດ້ຂະຫນົມມັນຕົ້ນແຊບໆໄວ້ກິນແລ້ວ ໂຄດງ່າຍ ວັດຖຸດິບພຽງແຕ່ 2-3 ຢ່າງ ກໍ່ສາມາດເຮັດໄດ້ແລ້ວ ລອງເອົາໄປເຮັດກິນເບິ່ງເດີ້


ຂໍ້ມູນຈາກ: Toukta’s Kitchen
ຮຽບຮຽງ: ເມລີ
ຮູບ: Google