ບໍລິສັດ ວຽງຈັນໂລຊິດສະຕິກ ພາກ ຈັດພິທີໃສ່ບາດຖວາຍທານ ເພື່ອເປັນສິລິມຸງຄຸນ ໃນການກຽມເປີດນໍາໃຊ້ດ່ານສາກົນສິນຄ້າທ່າບົກທ່ານາແລ້ງ

908

ເພື່ອເອົາເລີກເອົາໄຊອັນເປັນສິລິມຸງຄຸນໃຫ້ແກ່ການກຽມຄວາມພ້ອມໃນການເປີດນໍາໃຊ້ດ່ານສາກົນສິນຄ້າທ່າບົກທ່ານາແລ້ງ ກໍຄືໂຄງການພັດທະນາທ່າບົກທ່ານາແລ້ງ ແລະ ເຂດໂລຊິດສະຕິກ ຄົບວົງຈອນ ນະຄອນຫຼວງວຽງຈັນ, ພ້ອມທັງເພື່ອອຸທິດບຸນກຸສົນໃຫ້ແກ່ເຈົ້າຖິ່ນ ເຈົ້າຖານ, ເຈົ້າກໍານາຍເວນ ແລະ ສັບພະສັດທັງຫຼາຍ.

ໃນວັນທີ 30 ພະຈິກ 2021 ທີ່ຫ້ອງການ ບໍລິສັດວຽງຈັນ ໂລຊິດສະຕິກ ພາກ ຈໍາກັດ ຕັ້ງຢູ່ບ້ານດົງໂພສີ ເມືອງຫາດຊາຍຟອງ ນະຄອນຫຼວງວຽງຈັນ ໄດ້ມີພິທີໃສ່ບາດຖວາຍທານພະສົງ 9 ອົງ ເພື່ອເອົາເລີກເອົາໄຊອັນເປັນສິລິມຸງຄຸນໃນການກຽມຄວາມພ້ອມໃຫ້ແກ່ການເປີດນໍາໃຊ້ດ່ານສາກົນສິນຄ້າທ່າບົກທ່ານາແລ້ງກໍຄືໂຄງການພັດທະນາທ່າບົກທ່ານາແລ້ງ ແລະ ເຂດໂລຊິດສະຕິກ ຄົບວົງຈອນ ນະຄອນຫຼວງວຽງຈັນ ໃນວັນທີ 4 ທັນວານີ້ ໂດຍການເປັນປະທານຮ່ວມຂອງ ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ ພ້ອມດ້ວຍ ທ່ານ ນາງ ສີຈັນ ວິພາວັນ ພັນລະຍານາຍົກລັດຖະມົນຕີ, ມີ ທ່ານ ຈັນທອນ ສິດທິໄຊ ປະທານບໍລິສັດ ວຽງຈັນໂລຊິດສະຕິກພາກ ຈຳກັດ ພ້ອມຄອບຄົວ, ທ່ານ ອາລຸນແກ້ວ ກິດຕິຄຸນ ປະທານຄະນະກຳມະການດ້ານຍຸດທະສາດ ແລະ ການວາງແຜນ ບໍລິສັດ ທີແອວ ໂຮນດິ້ງ ຈໍາກັດ ພ້ອມດ້ວຍຄະນະບໍລິຫານງານ ແລະ ພະນັກງານບໍລິສັດ ວຽງຈັນໂລຊິດສະຕິກພາກ ຈໍາກັດເຂົ້າຮ່ວມ.

อาจเป็นรูปภาพของ 5 คน, ผู้คนกำลังนั่ง, ผู้คนกำลังยืน และ สถานที่ในร่ม

ໂຄງການພັດທະນາທ່າບົກທ່ານາແລ້ງ ແລະ ເຂດໂລຊິດສະຕິກ ຄົບວົງຈອນ ນະຄອນຫຼວງວຽງຈັນ ເປັນໂຄງການທີ່ນອນຢູ່ໃນແຜນຍຸດທະສາດພັດທະນາໂລຊິດສະຕິກ ຂອງລັດຖະບານແຫ່ງ ສປປ ລາວ ໃນການຫັນປ່ຽນ ສປປ ລາວ ເປັນປະເທດເຊື່ອມໂຍງເຊື່ອມຈອດກັບພາກພື້ນ ແລະ ສາກົນ ໃນດໍາລັດວ່າດ້ວຍທ່າບົກ ໄດ້ກໍານົດຈຸດປະສົງໃຫ້ທ່າບົກທ່ານາແລ້ງເປັນດ່ານສາກົນສິນຄ້າ ບໍລິການດ້ານຄົມມະນາຄົມໃຫ້ສະດວກ ວ່ອງໄວ ປອດໄພໂລ່ງລ່ຽນທັນສະໄໝ ແລະ ເປັນມິດກັບສິ່ງແວດລ້ອມ,

["]

อาจเป็นรูปภาพของ 4 คน

ເຊິ່ງທ່າບົກທ່ານາແລ້ງເປັນດ່ານຊາຍແດນສາກົນ ໃນການຂົນສົ່ງສິນຄ້າຂ້າມແດນ ແລະ ເປັນທ່າບົກປະເພດໜຶ່ງທີ່ມີບໍລິການຄົບຊຸດ ສາມາດບໍລິການຕາມຈຸດປະສົງຂ້າງເທິງ ໂດຍມີການອອກແບບ ຈັດສັນພື້ນທີ່ໃຫ້ບໍລິການເປັນຊັດສ່ວນຄືກັບລະບົບທ່າເຮືອສາກົນ ມີລະບົບອໍານວຍຄວາມສະດວກ ທາງດ້ານຂໍ້ມູນຂ່າວສານ ເຊື່ອມຕໍ່ກັບບັນດາສາຍເຮືອ ຜູ້ປະກອບການຂົນສົ່ງ, ຕູ້ສິນຄ້າ ແລະ ພາກສ່ວນອໍານວຍຄວາມສະດວກອື່ນໆຢູ່ສິນຄ້າດ່ານສາກົນ, ການອໍານວຍຄວາມສະດວກດ້ານການຂົນສົ່ງມີຄວາມວ່ອງໄວເປັນໄປຕາມຂັ້ນຕອນຂອງສາກົນ ໂດຍສະເພາະການແຈ້ງຂໍ້ມູນຂົນສົ່ງລ່ວງໜ້າກ່ອນ 24 ຊົ່ວໂມງ ການປ້ອນຂໍ້ມູນບໍລິຫານຄວາມສ່ຽງໃນການຂ້າມແດນໃຫ້ພາກສ່ວນດ່ານ ຈະເຮັດໃຫ້ພາຫະນະຂົນສົ່ງຕ່າງປະເທດ ສາມາດປະຢັດເວລາ ແລະ ຫຼຸດຜ່ອນຄວາມແອອັດໃຫ້ແກ່ການສົ່ງມອບສິນຄ້າຢູ່ທ່າບົກທ່ານາແລ້ງ ໂດຍການຫຼຸດຂັ້ນຕອນຂ້າມດ່ານທີ່ບໍ່ຈໍາເປັນ ໃຫ້ເຫຼືອສະເພາະມາດຕະການຄວບຄຸມຄວາມປອດໄພຊາຍແດນ.

อาจเป็นรูปภาพของ 2 คน และ ผู้คนกำลังยืน

ທ່າບົກທ່ານາແລ້ງ ເປັນຈຸດເຊື່ອມຈອດການຂົນສົ່ງຫຼາຍຮູບແບບທີ່ມີຄວາມສາມາດຮອງຮັບບໍລິມາດຕູ້ສິນຄ້າໄດ້ 1.000 ຫາ 3.000 ຕູ້ຕໍ່ວັນ ເຊິ່ງວັນທີ 7 ກັນຍາ 2021 ຜ່ານມາ ໄດ້ມີພິທີເປີດທົດລອງນໍາໃຊ້ລະບົບບໍລິຫານຈັດການສະຖານີຂົນສົ່ງທີ່ບັນຊາຫາຫ້ອງຄວບຄຸມກາງ Control Room Center ທີ່ສາມາດບໍລິຫານຈັດການຂັ້ນຕອນການຮັບເຂົ້າການກວດກາ ແລະ ຈັດລຽງຕູ້ສິນຄ້າໃນລານຕູ້ ກໍຄືການຈັດການຄ່ຽນຖ່າຍສິນຄ້າຂຶ້ນລົງພາຫະນະ ແລະ ເຂົ້າອອກພື້ນທີ່ເກັບຮັກສາສິນຄ້າຢ່າງເປັນລະບົບ

อาจเป็นรูปภาพของ 4 คน และ ผู้คนกำลังยืน

ເຊິ່ງທ່າບົກທ່ານາແລ້ງໃຊ້ລະບົບບໍລິຫານຈັດການ Terminal Operation System (TOS) ຈຶ່ງຈໍາເປັນຕ້ອງໄດ້ມີການທົດລອງນໍາໃຊ້ ເຂົ້າໃນວຽກງານຕົວຈິງ ຂະໜານກັບລະບົບເດີມທີ່ມີຢູ່ລາວ ເພື່ອທົດສອບຄຸນນະພາບ ໃນການເກັບກໍາຂໍ້ມູນ ການເຊື່ອມໂຍງກັບລະບົບອື່ນ ການນໍາໃຊ້ເຂົ້າໃນການບັນຊາ ການຍົກຍໍຄ່ຽນຖ່າຍປະລິມານຕູ້ສິນຄ້າຈໍານວນຫຼວງຫຼາຍ ພ້ອມທັງຄວາມສາມາດສະຫຼຸບລາຍງານບັນດາສະຖິຕິ ຕົວຊີ້ວັດກໍຄືລາຍງານການເງິນໃຫ້ແກ່ພາກສ່ວນກ່ຽວຂ້ອງພາຍໃນບໍລິສັດ ກໍຄືພາກສ່ວນອື່ນໆໃຫ້ມີຄວາມຄົບຖ້ວນ ແລະ ທັນເວລາ ເຊິ່ງຜົນສໍາເລັດຂອງການນໍາໃຊ້ປະຕິບັດການທ່າບົກ TOS ຈະສ້າງຄວາມເຊື່ອໝັ້ນໃຫ້ແກ່ຜູ້ປະກອບການຂົນສົ່ງທາງບົກ ແລະ ທາງລົດໄຟ ທີ່ຈະໄດ້ມີໂຄງລ່າງພື້ນຖານທາງດ້ານຄົມມະນາຄົມທີ່ທັນສະໄໝ, ມີຄວາມສາມາດໃຫ້ບໍລິການໃນປະລິມານສູງ ແລະ ເຊື່ອມຈອດບັນດາເສັ້ນທາງເຊື່ອມຕໍ່ການຂົນສົ່ງທາງບົກ ສາຍເອເຊຍເລກທີ 12 (AH12) ກໍຄືເສັ້ນທາງລົດໄຟ ລາວ-ຈີນ ແລະ ລົດໄຟ ລາວ-ໄທ ທີ່ສາມາດໃຫ້ບໍລິການການຂົນສົ່ງທີ່ມີຕົ້ນທຶນຕໍ່າ ເຊິ່ງຈະນໍາໄປສູ່ການຫຼຸດຜ່ອນຕົົ້ນທຶນໂລຊິດສະຕິກຂອງ ສປປ ລາວ ໃຫ້ສາມາດແຂ່ງຂັນໄດ້.

อาจเป็นรูปภาพของ 1 คน

ທັງນີ້, ຜົນສໍາເລັດຂອງການບໍລິການທີ່ເປັນລະບົບຂອງທ່າບົກທ່ານາແລ້ງ ຈະສາມາດຍົກຍ້າຍບໍລິການຄ່ຽນຖ່າຍສິນຄ້າເຂົ້າອອກຕູ້, ການເຕົ້າໂຮມ ແລະ ການກະຈາຍສິນຄ້າມາໄວ້ຢູ່ ສປປ ລາວ ອັນຈະເປັນການສ້າງລາຍຮັບເຂົ້າປະເທດ. ນອກຈາກນັ້ນ, ທີ່ຕັ້ງທ່າບົກທ່ານາແລ້ງຍັງເປັນຈຸດເຊື່ອມຈອດການຂົນສົ່ງສິນຄ້າລົດໄຟລາວ-ໄທ ແລະ ລົດໄຟ ລາວ-ຈີນ ຈຶ່ງສາມາດນໍາໄປສູ່ການບໍລິການຜ່ານແດນສິນຄ້າລະຫວ່າງໄທ ແລະ ຈີນ ເຊິ່ງຈະເປັນນະວັດຕະກໍາໃໝ່ ໃນການນໍາໃຊ້ທ່າບົກທ່ານາແລ້ງ ໃຫ້ເກີດປະສິດທິພາບສູງສຸດ.