ເປີດແລ້ວ! ທ່າຝຣັ່ງ ວັງສີຄາມ ແຂວງ ຄຳມ່ວນ ສາຍທ່ຽວລຸຍໄດ້ມີແນວສະດຸດຕາແນ່ນອນ

867

ທ່າຝຣັ່ງ ວັງສີຄາມ ເປັນອີກໜຶ່ງສະຖານທີ່ທ່ອງທ່ຽວທີ່ຕ້ອງໄປສຳຜັດ ແລະ ເຊື່ອວ່າຫຼາຍຄົນທີ່ເຄີຍໄປມາແລ້ວ ກໍ່ຕ້ອງຫວນຄືນຄັ້ງທີສອງຢ່າງແນ່ນອນ ເນື່ອງຈາກຫຼົງໄຫຼໃນຄວາມສວຍສົດງົດງາມຂອງທຳມະຊາດ ພູເຂົາ ທິວທັດຂອງສະຖານທີ່ແຫ່ງນີ້.

ດັ່ງທີ່ຮູ້ກັນດີ, ຫຼັງຈາກທີ່ມີການແຜ່ລະບາດຂອງໂຄວິດ19 ເຮັດໃຫ້ທຸກຄົນຕ້ອງຢຸດການທ່ອງທ່ຽວມ່ວນຊື່ນ ທີ່ເຄີຍປະຕິບັດກັນມາ ພາບບັນຍາກາດທີ່ຈັບໃຈ ທີ່ທ່າຝຣັ່ງແຫ່ງນີ້ກໍ່ໄດ້ຫາຍໄປເຊັ່ນດຽວກັນ ແຕ່ຫຼ້າສຸດນີ້ ແມ່ນໄດ້ແຈ້ງອອກມາເປັນທາງການແລ້ວ ສຳລັບທ່າຝຣັ່ງວັງສີຄາມ ແມ່ນໄດ້ເປີດໃຫ້ບໍລິການຄືນແລ້ວ ພາຍໃຕ້ເງື່ອນໄຂການຄວບຄຸມການລະບາດຂອງເຊື້ອພະຍາດໂຄວິດ19

["]

ເຊິ່ງວ່າ ທ່າຝຣັ່ງ ວັງສີຄາມ ແມ່ນຈະເລີ່ມເປີດໃຫ້ບໍລິການ ໃນວັນທີ 25/11/2021 ເປັນຕົ້ນໄປ ໂດຍພາຍໃຕ້ມາດຕະການການຄວບຄຸມການແຜ່ລະບາດຂອງພະຍາດໂຄວີດ-19. ດັ່ງນັ້ນ ສໍາລັບສາຍທ່ຽວ ແມ່ນສາມາດລຸຍໄດ້ເລີຍ ທ່າຝຣັ່ງວັງສີຄາມພ້ອມຕ້ອນຮັບທ່ານໄປຢາມແລ້ວ.

ສຳລັບທ່າຝຣັ່ງແມ່ນ ຢູ່ທາງເລກທີ 13 ໃຕ້, ເມືອງທ່າແຂກ ແຂວງຄຳມ່ວນ (ຫ່າງຈາກຕົວເມືອງທ່າແຂກ 19 ກມ) ສອບຖາມຂໍ້ມູນເພີ່ມເຕີມ: 020 56333326, 020 59888878.