ອີກໜື່ງການຊ່ວຍເຫຼືອຈາກ ສປ ຈີນໃຫ້ ສປປ ລາວ ຜ່ານກອງທັບສອງປະເທດ

126

ການລະບາດໂຄວິດ19 ສ້າງຄວາມເສຍຫາຍມະຫາສານແກ່ເສດຖະກິດ-ສັງຄົມຂອງທຸກປະເທດໃນໂລກນີ້ ແຕ່ສິ່ງໜຶ່ງທີ່ເປັນຂໍ້ດີກໍ່ຄືເຮັດໃຫ້ພວກເຮົາເຫັນນ້ຳໃຈ, ມີການຊ່ວຍເຫຼືອເຊິ່ງກັນ ແລະ ກັນ ເຊິ່ງມັນສະແດງໃຫ້ເຫັນເຖິງຄວາມເປັນຫ່ວງເປັນໃຍລະຫວ່າງເພື່ອນມະນຸດ ແລະເພື່ອນມິດຍຸດທະສາດ ໃນພື້ນທີ່ຂອງຄຳວ່າມິດຕະພາບທີ່ດີ ທີ່ສະແດງອອກຜ່ານນ້ຳໃຈທີ່ມີຕໍ່ກັນ.

ວັນທີ 23 ພະຈິກ 2021 ທີ່ສະໜາມບິນວັດໄຕສາກົນ ໄດ້ມີພິທີມອບຮັບອຸປະກອນການແພດເພື່ອປ້ອງກັນພະຍາດໂຄວິດ-19 ຈາກກອງທັບປົດ ປ່ອຍປະຊາຊົນຈີນ ໃຫ້ກອງທັບປະຊາຊົນລາວ, ກ່າວມອບໂດຍ ທ່ານ ຈຽງ ຈ້າຍຕົງ ເອກອັກຄະລັດຖະທູດຜູ້ມີອໍານາດເຕັມແຫ່ງ ສປ ຈີນ ປະຈໍາລາວ ແລະ ກ່າວຮັບໂດຍ ພົນເອກ ຈັນສະໝອນ ຈັນຍາລາດ ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ.

["]

ນີ້ເປັນຄັ້ງທີ 3 ທີ່ກອງທັບຈີນໃຫ້ການຊ່ວຍເຫຼືອແກ່ກອງທັບລາວແລະການຊວ່ຍເຫຼືອຄັ້ງນີ້ລວມມີອຸປະກອນການແພດປ້ອງກັນໂຄວິດ-19 ຈໍານວນ 14 ລາຍການຄື: ເຄື່ອງກວດຫາເຊື້ອພະຍາດໂຄວິດ-19 ຈໍານວນ 403.200 ຊຸດ, ຊຸດເກັບກວດເອົາຕົວຢ່າງ 30.000 ຊຸດ ກັບໃສ່ຕົວຢ່າງ 30.000 ກັບ, ເຄື່ອງແຍກດີເອັນເອ 5 ຊຸດ ເຄື່ອງກວດ PCR 5 ຊຸດ, ນໍ້າຢາກວດຫາເຊື້ອພະຍາດໂຄວິດ-19 ຈໍານວນ 30.000 ຊຸດ ເຄື່ອງຊ່ວຍຫາຍໃຈ 15 ເຄື່ອງ, ເຄື່ອງດູດຂີ້ກະເທິ 15 ເຄື່ອງ ເຄື່ອງຕິດຕາມຄົນເຈັບໜັກ 10 ເຄື່ອງ, ເຄື່ອງແທກຄື້ນໄຟຟ້າຫົວໃຈ 10 ເຄື່ອງ, ເຄື່ອງວັດແທກອົກຊີປາຍມື 20 ເຄື່ອງ ຕູ້ເກັບວັກຊິນຂະໜາດ 650 ລິດ 5 ຕູ້ຂະໜາດ 390 ລິດ 10 ຕູ້ ແລະ ຕູ້ເກັບວັກຊິນຂະໜາດ 65 ລິດ 30 ຕູ້.

ນອກຈາກນີ້, ໃນສະພາບການທີ່ເຊື້ອພະຍາດໂຄວິດ-19 ມີການແຜ່ລະບາດເປັນວົງກວ້າງໃນທົ່ວສັງຄົມລາວ ພັກ ແລະ ລັດຖະບານ ກໍ່ຄື ປະຊາ ຊົນຈີນ ໄດ້ໃຫ້ການຊ່ວຍເຫຼືອວັກຊິນຕ້ານພະຍາດໂຄວິດ-19 ໃຫ້ແກ່ ສປປ ລາວ ຈໍານວນ 6.200.000 ໂດສ ພ້ອມນັ້ນກອງທັບປະຊາຊົນຈີນກໍ່ໄດ້ໃຫ້ການຊ່ວຍ ເຫຼືອວັກຊິນດັ່ງກ່າວໃຫ້ແກ່ກອງທັບປະຊາຊົນລາວ 700.000 ໂດສ

ເຊິ່ງເປັນການຊ່ວຍເຫຼືອທີ່ລໍ້າຄ່າເຮັດໃຫ້ກອງທັບ ແລະ ປະຊາຊົນລາວບັນດາເຜົ່າສາມາດສ້າງພູມຄຸ້ມກັນ ສະກັດກັ້ນເຊື້ອພະຍາດໂຄວິດ-19 ໄດ້ເປັນຢ່າງດີ ສະແດງໃຫ້ເຫັນເຖິງມູນເຊື້ອແຫ່ງການພົວພັນຮ່ວມມື ຊ່ວຍ ເຫຼືອເຊິ່ງກັນ ແລະ ກັນລະຫວ່າງກອງທັບປົດປ່ອຍປະເທດຈີນ ແລະ ກອງ ທັບປະຊາຊົນລາວທີ່ໄດ້ມີມາແຕ່ດົນນານ ຍັງສືບຕໍ່ຮັກສາໄວ້ຢ່າງໜັ້ນຄົງທະນົງແກ່ນຕະຫຼອດໄປ.