ສຳນັກຂ່າວຊິນຮວາລາຍງານເມື່ອວັນທີ 23 ພະຈິກຜ່ານມາວ່າ ຈີນ ໄດ້ປະສົບຜົນສຳເລັດໃນການສົ່ງດາວທຽມສຳຫຼວດໂລກດວງໃໝ່ທີ່ມີຊື່ວ່າ ເກົາເຟິນ 3 02 (Gaofen-3 02) ຂຶ້ນສູອາວະກາດ ໂດຍດາວທຽມດັ່ງກ່າວຂຶ້ນສູ່ອາວະກາດໂດຍຈະຫຼວດ Long March-4C ເມື່ອເວລາ 7:45 ໂມງຂອງວັນທີ 23 ພະຈິກ ທີ່ສູນປ່ອຍຈະຫຼວດຈິວຊຽນ ແລະ ເຂົ້າສູ່ວົງໂຄຈອນຕາມທີ່ກຳນົດໄວ້ສຳເລັດ.
ດາວທຽມດັ່ງກ່າວຈະປະຕິບັດການໃນວົງໂຄຈອນສຳພັນກັບດວງອາທິດທີ່ຄວາມສູງ 755 ກິໂລແມັດ ແລະ ຈະເຊື່ອມຕໍ່ກັບດາວທຽມ Gaofen-3 ທີ່ກຳລັງໂຄຈອນ ເພື່ອສ້າງກຸ່ມດາວທຽມເຣດາທາງບົກ-ທາງທະເລ ໂດຍດາວທຽມເກົາເຟິນ 3 02 ຈະຍົກລະດັບຄວາມສາມາດເຝົ້າຕິດຕາມ ເຫດສຸກເສີນໃນທະເລ, ສະພາບແວດລ້ອມທາງບົກ ແລະ ທາງທະເລ.
ດາວທຽມເກົາເຟິນ 3 02 ຈະເຮັດໜ້າທີ່ປ້ອງກັນ ແລະ ບັນເທົາໄພພິບັດທາງທະເລ, ເຝົ້າຕິດຕາມສະພາບແວດລ້ອມທາງທະເລ, ຄຸ້ມຄອງສິ່ງແວດລ້ອມ, ອະນຸລັກນ້ຳ, ກະເສດ ແລະ ອຸຕຸນິຍົມວິທະຍາ.