ນະຄອນໄກສອນ ຈະເລີ່ມສັກວັກຊິນໃຫ້ເດັກອາຍຸ 6-11ປີ ໄວໆນີ້

360

ຖືວ່າເປັນຂ່າວດີ ແລະ ເປັນໄປຕາມແຜນການທີ່ທາງຂັ້ນເທິງຕັ້ງເປົ້າໄວ້ ສຳລັບວຽກງານການສັກວັກຊິນໃຫ້ແກ່ປະຊາຊົນໃນການຕ້ານເຊື້ອພະຍາດໂຄວິດ19 ໂດຍສະເພາະກໍ່ແມ່ນ ກຸ່ມຄົນໃນເກນອາຍຸ 6-11 ເຊິ່ງເປັນອະນາຄົດຂອງຊາດ ເປັນຄວາມຫວັງຂອງພໍ່ແມ່ຜູ້ປົກຄອງ ຕ້ອງໃຫ້ກຸ່ມນີ້ປອດໄພຈາກໄວຣັດໂຄວິດ-19 ໃຫ້ໄດ້.

ທ່ານ ນາງ ວິລະຢາ ຊະນະວົງໄຊ ຫົວໜ້າຫ້ອງການສາທາລະນະສຸກ ນະຄອນໄກສອນ ພົມວິຫານ ໄດ້ໃຫ້ສຳພາດວ່າ : ມາຮອດປັດຈຸບັນ ທິມງານຫ້ອງການສາທາລະນະສຸກ ນະຄອນ ໄກສອນ ພົມວິຫານ ໄດ້ເຄື່ອນໄຫວສັກຢາປ້ອງກັນພະຍາດ ໂຄວິດ 19 ໃຫ້ປະຊາຊົນກຸ່ມເປົ້າໝາຍທົ່ວໄປ ແລະ ກຸ່ມສ່ຽງໄດ້ແລ້ວ 61,2% ຂອງປະຊາກອນທັງໝົດ

["]

ໃນນັ້ນ ເຂັມທີ 1 ສັກໄດ້ 84.967ຄົນ ແລະ ເຂັມທີ 2 ໄດ້ 79.67ຄົນ ແລະ ຍັງສືບຕໍ່ສັກຢູ່ຕາມຈຸດຕ່າງໆ ເປັນຕົ້ນຕາມສຸກສາລາ ແລະ ໂຮງໝໍນ້ອຍ ພາຍໃນນະຄອນ ໄກສອນ ພົມວິຫານ, ສ່ວນເດັກອາຍຸລະຫວ່າງ 6 ຫາ 11 ປີ ແລະ 12 ຫາ 17 ປີ ແມ່ນຈະເລີ່ມໃນທ້າຍເດືອນພະຈິກ ຫາເດືອນທັນວາ 2021ນີ້.

ສະນັ້ນຈຶ່ງຮຽກຮ້ອງ ພໍ່ແມ່ ຜູ້ປົກຄອງ ຈົ່ງນຳເອົາລູກຫຼານຂອງຕົນໄປສັກວັກຊີນ ຕາມຈຸດທີ່ກຳນົດ ເປັນຕົ້ນ ຫ້ອງການປົກຄອງບ້ານ, ສຸກສາລາ ແລະ ໂຮງໝໍນ້ອຍ 8 ແຫ່ງທີ່ຂຶ້ນກັບນະຄອນໄກສອນພົມວິຫານ ຫຼືໂທລະສັບສອບຖາມລາຍລະອຽດໄດ້ ທີ່ເບີ 041 212008