ສຳນັກຂ່າວຊິນຮວາລາຍງານວ່າ ກະຊວງອຸດສາຫະກຳ ແລະ ເຕັກໂນໂລຊີຂອງຈີນ ໄດ້ເປີດເຜີຍແຜນພັດທະນາໂຄງສ້າງພື້ນຖານດິຈິຕອນ ໂດຍລະບຸວ່າ ຈີນຈະມີເຄືອຂ່າຍ 5 ຈີ ຄອບຄຸມທຸກເຂດ, ທຸກເມືອງ ລວມເຖິງໝູ່ບ້ານໃຫຍ່ໃນເຂດຊົນນະບົດໃນປີ 2025, ຂະນະທີ່ສະຖານີ 5G ຕໍ່ປະຊາກອນ 10 ພັນຄົນຈະເພີ່ມເປັນ 26 ສະຖານີ.
ລາຍງານຍັງລະບຸວ່າ ເຄືອຂ່າຍສາຍໃຍແກ້ວນຳແສງກິກະບິດ ຈະຄອບຄຸມພື້ນທີ່ໃນຕົວເມືອງ ແລະ ເຂດຊົນນະບົດເປັນສ່ວນໃຫຍ່, ສ່ວນສິ່ງອຳນວຍຄວາມສະດວກ ແລະ ການບໍລິການດ້ານໂທລະຄົມມະນາຄົມ ແລະ ການປະເມີນຜົນກໍຈະຂະຫຍາຍເພີ່ມຂຶ້ນ.
ລາຍງານລະບຸວ່າ ແຜນການເບື້ອງຕົ້ນ ຈະກຳນົດບົດບາດຂອງອຸດສາຫະກຳ ICT ໃນຖານະອຸດສາຫະກຳພື້ນຖານເປັນຕົ້ນແບບເຊີງກົນລະຍຸດ ເພື່ອເສີມສ້າງໂຄງສ້າງພື້ນຖານດ້ານດິຈິຕອນຮູບແບບໃໝ່ ເພື່ອສະໜັບສະໜູນການພັດທະນາເສດຖະກິດ-ສັງຄົມຂອງຈີນ.
ຈີນ ໄດ້ນຳໃຊ້ເຕັກໂນໂລຊີເຂົ້າໃນການພັດທະນາເສດຖະກິດ-ສັງຄົມຢ່າງກວ້າງຂວາງ ສົ່ງຜົນໃຫ້ທຸລະກິດຮູບແບບໃໝ່ເທິງລະບົບອິນເຕີເນັດຂະຫຍາຍຕົວສູງ, ຂະນະທີ່ການສ້າງນະວັດຕະກຳ ແລະ ການປະຍຸກໃຊ້ອິນເຕີເນັດໃນອຸດສາຫະກຳໄດ້ຂະຫຍາຍເປັນວົງກວ້າງ ແລະ ມີບົດບາດຫຼັກໃນຂະບວນການຜະລິດ.