ຊ່ວຍກັນເດີ! ທຸກຄົນໃນສັງຄົມຕ້ອງມີສ່ວນຮ່ວມຕໍ່ການຄວບຄຸມ ແລະ ແກ້ໄຂການລະບາດພະຍາດຮ້າຍນີ້

501

ທຸກຄົນກໍ່ຄືຈະຮັບຮູ້ກັນເປັນຢ່າງດີແລ້ວວ່າ ຖ້າເຮົາຮ່ວມດ້ວຍຊ່ວຍກັນ ໃນການສະກັດກັ້ນພະຍາດໂຄວິດ19 ນີ້ແມ່ນເຮົາຕ້ອງຜ່ານມັນໄປໄດ້ຢ່າງແນ່ນອນ ເຖິງຈະບໍໄດ້ 100% ແຕ່ຢ່າງໜ້ອຍກໍ່ສາມາດຫຼຸດຜ່ອນການຕິດເຊື້ອ ແລະການເສຍຊີວິດລົງໄດ້.

ເປັນພາບທີ່ເຫັນ ແລະ ຮູ້ສຶກບໍ່ດີ ນັບແຕ່ມີການແຜ່ລະບາດໂຄວິດ19 ບໍ່ວ່າຈະຮອບໃດກໍ່ຕາມ ເຮົາກໍ່ຈະເຫັນການເຮັດໜ້າທີ່ຂອງຄະນະສະເພາະກິດ ໂດຍສະເພາະທີມແພດໝໍ ທີ່ຕ້ອງຈາກຄອບຄົວມາກັກຕົວ ເພື່ອເຮັດໜ້າທີ່ປິ່ນປົວຜູ້ຕິດເຊື້ອຮັບໃຊ້ສັງຄົມແສນລຳບາກທັງເວັນທັງຄືນ.

["]

ແມ່ນແຕ່ປັດຈຸບັນນີ້ ທາງຂັ້ນເທິງໄດ້ມີການອະນຸຍາດໃຫ້ສາມາດປິ່ນປົວຕົນເອງທີ່ເຮືອນໄດ້ແລ້ວກໍ່ຕາມ ແຕ່ຍັງຕ້ອງໄດ້ລົງໄປຕິດຕາມຢ່າງໃກ້ຊິດເຖິງທີ່ຕາມບ້ານ, ເຮືອນໃນຫຼາຍພື້ນທີ່.

ພາບນີ້ແມ່ນທີມ ຄະນະສະເພາະກິດກໍຄື ພັກ ແລະ ລັດຖະບານ ມີຄວາມເປັນຫ່ວງເປັນໃຍບັນດາທ່ານທີ່ສຸດ ຈຶ່ງໄດ້ກະກຽມທີມງານວິຊາການ ແລະ ນັກສຶກສາແພດຈາກສູນກາງ ລົງຊ່ວຍໂຕ້ຕອບການລະບາດຢູ່ 311 ບ້ານ ໃນ 7 ເມືອງ ຢູ່ນະຄອນຫຼວງວຽງຈັນຢ່າງຮີບດ່ວນ ເພື່ອຊ່ວຍຕິດຕາມກໍລະນີປິ່ນປົວຢູ່ເຮືອນ.

ພ້ອມທັງເກັບກຳຕົວເລກຜູ້ທີ່ຍັງບໍ່ທັນໄດ້ສັກວັກຊີນ, ໃຫ້ບໍລິການສັກວັກຊີນເຄື່ອນທີ່, ເລັ່ງຄົ້ນຫາຜູ້ສຳຜັດໃກ້ຊິດ, ກວດກາຄວາມເປັນລະບຽບຮຽບຮ້ອຍຂອງບ້ານແດງ ໂດຍສົມທົບກັບ ອຳນາດການປົກຄອງບ້ານ ເພື່ອວາງແຜນຮ່ວມກັນແກ້ໄຂໃຫ້ທັນກັບສະພາບການ