ເປີດໂຕ ຊຸດປະຈຳຊາດລາວ ຂອງ ໂຕ່ໂຕ້ ທິບພະທອນ Face of Laos 2021 ໃນຮອບ 30 ຄົນ ໃນ Asia Model Festival ເຊິ່ງເປັນຊຸດທີ່ມີຊື່ວ່າ: “ສິນໄຊແຫ່ງຍຸກສະໄຫມ”
ຊຸດປະຈໍາຊາດທີ່ໂຕ້ຈະໄດ້ສວມໃສ່ໃນຄັ້ງນີ້ແມ່ນ ເປັນຊຸດທີ່ໄດ້ແຮງບັນດານໃຈມາຈາກ ຕົວລະຄອນໃນ ເລື່ອງວັນນະຄະດີລາວ “ສິນໄຊ” ເຊິ່ງເປັນເລື່ອງລາວ ຂອງ ສິນໄຊ ໄປຊິງໂຕນ້ອງສາວຂອງ ພະຍາກຸຊຣາດ ທີ່ຖືກຍັກກຸມພັນ ລັກພາໂຕໄປເປັນ. ຕົວລະຄອນ ສິນໄຊເອງ ໄດ້ຖືກຍົກໃຫ້ເປັນສັນຍາລັກຂອງຊາວຫນຸ່ມລາວ ທີ່ເປັນ ແບບຢ່າງຂອງ ຄວາມກ້າຫານ ພ້ອມໄຫວພິບປະຕິພານ ແລະ ຍັງເຮັດໃຫ້ເຮົາເຫັນເຖິງການເສຍສະຫລະ ໂດຍບໍ່ເກງກົວ ກັບສັດຕູ.
ແລະ ບົດເລື່ອງສັງສິນໄຊ ເກີດຂຶ້ນໃນສະໄຫມອານາຈັກລາວລ້ານຊ້າງຮຸ່ງເຮືອງ ເປັນວັນນະຄະດີຊັ້ນຍອດຂອງລາວ ແລະ ເປັນບົດວັນນະຄະດີ ທີ່ສຳຄັນຕໍ່ການສຶກສາຮໍ່າຮຽນ ເຊີ່ງແມ່ນ ທ້າວປາງຄໍາ ເປັນຜູ້ແຕ່ງຂື້ນ ໃນສະໄໝສັກດີນາເຊິ່ງໄດ້ນັກອອກແບບຊຸດບູຮານລາວ ຈາກ ທອງສະຫວັນ ຖາວອນ Thongsavanh Thavone ເປັນຄົນອອກແບບ.
ສຳລັບການ ປະກວດໃນ Face of Asia 2021 ໃນຮູບແບບອອນລາຍ, ເຮົາຕ້ອງຕິດຕາມວ່າ ໂຕ່ໂຕ້ ຈະໄດ້ຜ່ານເຂົ້າຮອບກັນຫລືບໍ ຮ່ວມເປັນກຳລັງໃຈໃຫ້ກັບ ໂຕ່ໂຕ້ ໃນຮອບຕໍ່ໄປ ແນ່ເດີ້ ດ້ວຍການໂຫວດໃຫ້ກັບຕົວແທນຂອງລາວເຮົາໃນເວທີສາກົນ ສໍາລັບຂັ້ນຕອນ ແລະ ວິທີການໂຫວດແມ່ນສາມາດເຂົ້າໄປເບິ່ງໄດ້ທີ່ ເພຈຂອງກອງປະກວດເລີຍ Face of Laos ແລະ ແອັດມິນເອງກໍຂໍຝາກທຸກຄົນນໍາເດີ້ຊ່ວຍກັນໂຫວດໃຫ້ຊາຍລາວຄົນນີ້ໄດ້ປະສົບຄວາມສໍາເລັດ ແລະ ນໍາເອົາຄວາມພາກພູມໃຈມາໃຫ້ຄົນລາວເຮົາໄດ້ຊື່ນຊົມ.
ສໍາລັບເປົ້າຫມາຍຂອງໂຕ້ເອງ ທີ່ນ້ອງໄດ້ເຄີຍໃຫ້ສໍາພາດວ່າ: ເມື່ອໄດ້ຕໍາແຫນ່ງມາຄອງແລ້ວ ສິ່ງທີ່ນ້ອງຢາກຈະເຮັດເພື່ອຊ່ວຍເຫລືອສັງຄົມຄື ນ້ອງຢາກເຮັດໂຄງການຊ່ວຍເຫລືອແບ່ງປັນຜູ້ສູງອາຍຸ ແລະ ເດັກນ້ອຍທີ່ດ້ອຍໂອກາດ ເພື່ອສະໜັບສະໝູນໃຫ້ເຂົາເຈົ້າມີກໍາລັງໃຈ ແລະ ສູ້ຊົນໃນການດໍາລົງຊີວິດ ແລະ ຫວັງວ່າຖ້ານ້ອງມີໂອກາດ ຢາກຈະເຮັດໂຄງການນີ້ຂຶ້ນມາ ເພື່ອຊ່ວຍເຫລືອສັງຄົມໃຫ້ໄດ້ຫລາຍທີ່ສຸດ ແລະ ຍັງມີຄວາມໃຝ່ຝັນສູງສຸດ ໃນວົງການບັນເທີງຄື ຢາກຈະໄປເດີນແບບ fashion week ຢູ່ຕ່າງປະເທດ ຫລາຍໆປະເທດເລີຍ.
ສ່ວນຜົນງານຂອງຫນຸ່ມຄົນນີ້ທີ່ຜ່ານມາກໍມີເຊັ່ນ: ການຖ່າຍແບບ, ເດີນແບບ, ສະແດງຊີຣີ, ຖ່າຍໂຄສະນາ ແລະ ອື່ນໆ ສໍາລັບ ຍາມວ່າງໂຕ້ຈະມັກເບິ່ງຢູ່ທູບທີ່ເປັນລາຍການເວົ້າພາສາອັງກິດ ເພື່ອຮຽນຮູ້ທັກສະໃນການເວົ້າ ແລະ ມັກຮ້ອງເພງ ສ່ວນການເບິ່ງແຍງຕົນເອງແມ່ນເປັນສິ່ງສໍາຄັນຫລາຍ ເຮົາຕ້ອງມີໂຕຊ່ວຍໃນການບໍາລຸງຜິວຫນ້າ ນອກນັ້ນຍັງຕ້ອງອອກກໍາລັງກາຍໃຫ້ສະຫມໍ່າສະເຫມີ ເພື່ອໃຫ້ສຸຂະພາບດີ, ມີຮູບຮ່າງຫນ້າຕາທີ່ສົດໃສ.
ຢ່າລືມເດີ້ທຸກຄົນຊ່ວຍໂຫວດຊ່ວຍເຊຍ ແລະ ເປັນກໍາລັງ ໃຫ້ຕົວແທນຂອງປະເທດລາວເຮົາແນ່ເດີ້ ເພື່ອໃຫ້ໄດ້ເຂົ້າຮອບເລິກໆ ແລະ ໄປເຖິງຄວ່າມຝັນທີ່ຕັ້ງໄວ້ ສາມາດຕິດຕາມຜົນງານທີ່ເຟສບຸກສ່ວນຕົວ To Thipphatthone ແລະ ເພຈຂອງໂຄງການ Face Of Laos
ຮູບ: To Thipphatthone ເພຈ: Face Of Laos
