ສຳນັກຂ່າວເອເອັຟພີ ລາຍງານວ່າ ກຳປູເຈຍ ປະກາດໃຫ້ນັກເດີນທາງຈາກຕ່າງປະເທດທີ່ສັກວັກຊີນປ້ອງກັນໂຄວິດ-19 ຄົບໂດສແລ້ວ ສາມາດເດີນທາງເຂົ້າກຳປູເຈຍໄດ້ໂດຍບໍ່ຈຳເປັນຕ້ອງກັກຕົວ ໂດຍມີຜົນຕັ້ງແຕ່ວັນທີ 15 ພະຈິກເປັນຕົ້ນໄປ ເພື່ອຟື້ນຟູການທ່ອງທ່ຽວທີ່ໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ-19.
ສົມເດັດຮຸນເຊັນ ນາຍົກລັດຖະມົນຕີກຳປູເຈຍ ກ່າວວ່າ: ນັກເດີນທາງຕ່າງຊາດ ຈະຕ້ອງສະແດງຜົນກວດໂຄວິດ-19 ເປັນລົບພາຍໃນ 72 ຊົ່ວໂມງ ກ່ອນເດີນທາງເຂົ້າມາກຳປູເຈຍ ແລະ ຈະໄດ້ຮັບການກວດອີກຄັ້ງທັນທີທີ່ເດີນທາງເຖິງກຳປູເຈຍ ແລະ ຖ້າຫາກຜົນກວດອອກມາເປັນລົບກໍສາມາດເດີນທາງໄປທ່ອງທ່ຽວທົ່ວປະເທດກຳປູເຈຍໄດ້. ສ່ວນຜູ້ທີ່ບໍ່ໄດ້ສັກວັກຊີນປ້ອງກັນໂຄວິດຄົບໂດສ ເມື່ອເດີນທາງເຂົ້າກຳປູເຈຍ ຈະຕ້ອງໄດ້ກັກຕົວເປັນເວລາ 14 ວັນ.