6 ຄ້າຍລົດ ທົ່ວໂລກ ຕົກລົງຢຸດຕິການຜະລິດລົດນຳໃຊ້ນ້ຳມັນໃນປີ 2040

329

6 ຄ້າຍ​ລົດ​ຊັ້ນ​ນຳ​ຂອງ​ໂລກ ​ໄດ້​ລົງ​ນາມ​ຂໍ້​ຕົກ​ລົງຮ່ວມ​ກັນ​ຍົກ​ເລີກ​ການ​ຜະ​ລິດ​ລົດ​ຍົນ​ທີ່​ກິນ​ນ້ຳ​ມັນ​ໃນ​ປີ 2040 ເຊິ່ງ​ເປັນ​ໜຶ່ງ​ໃນ​ຄວາມ​ພະ​ຍາ​ຍາມຫຼຸດ​ການ​ປ່ອຍ​ກາກບອນ​ໄດ​ອອກ​ໄຊ ສູ່​ຊັ້ນ​ບັນ​ຍາ​ກາດ.

ແນວ​ໃດ​ກໍ​ຕາມ ຄ້າຍ​ລົດ​ຍັກ​ໃຫຍ່​ຢ່າງ​ໂຕ​ໂຍ​ຕ້າ, ໂຟກ, ເອ​ຈີ ແລະ ຕະຫຼາດ​ລົດ​ທີ່​ສຳ​ຄັນ​ຢ່າງ​ຈີນ, ສະ​ຫະ​ລັດ ແລະ ເຢຍ​ລະ​ມັນ​ບໍ່​ໄດ້​ຮ່ວມ​ລົງ​ນາມ​ໃນ​ຂໍ້​ຕົກ​ລົງ​ຄັ້ງ​ນີ້ ເຊິ່ງ​ສະ​ທ້ອນ​ໃຫ້​ເຫັນ​ຄວາມ​ທ້າ​ທາຍ​ໃນ​ການ​ປ່ຽນ​ແປງ​ຕະຫຼາດ​ລົດ​ຍົນ​ໃຫ້​ເປັນ​ຕະຫຼາດ​ປອດ​ອາຍ​ພິດ​ສູນ​ເປີ​ເຊັນ​ໃນ​ອະ​ນາ​ຄົດ.

ອີງ​ຕາມ​ຂໍ້​ມູນ​ຈາກ​ສຳ​ນັກ​ງານ​ພະ​ລັງ​ງານ​ລະ​ຫວ່າງ​ປະ​ເທດ (IEA) ລະ​ບຸ​ວ່າ ປະ​ລິ​ມານ​ການ​ປ່ອຍ​ກາກບອນ​ໄດ​ອອກ​ໄຊ ຫຼື ອາຍ​ພິດ ສ່ວນ​ໃຫ​ຍ່​ມາ​ຈາກ​ລົດ​ທີ່​ແລ່ນ​ຕາມ​ທ້ອງ​ຖະ​ໜົນ.

["]

ດ້ານ​ຄ້າຍ​ລົດ MG ແລະ ຟອດ ທີ່​ຮ່ວມ​ລົງ​ນາມ​ຄັ້ງ​ນີ້ ໄດ້​ສະ​ແດງ​ຄວາມ​ດີ​ໃຈ ແລະ ພູມ​ໃຈ ທີ່​ເປັນ​ສ່ວນ​ໜຶ່ງ​ໃນ​ການຫຼຸດ​ການ​ປ່ອຍ​ອາຍ​ພິດ​ຂຶ້ນ​ສູ່​ຊັ້ນ​ບັນ​ຍາ​ກາດ ພ້ອມ​ຈະ​ຊຸກ​ຍູ້​ໃຫ້​ທຸກ​ຄົນ​ໃສ່​ວນ​ຮ່ວມ ເພື່ອ​ເຮັດ​ໃຫ້ຫຼຸດ​ການ​ປ່ອຍ​ກາກບອນ​ໄດ​ອອກ​ໄຊ​ໃຫ້​ເປັນ​ສູນ ຕາມ​ທີ່ ໄດ້​ຕົກ​ລົງ​ກັນ​ໃນ​ກອງ​ປະ​ຊຸມ COP 26.