ສຳນັກຂ່າວ ຕ່າງປະເທດ ລາຍງານວ່າ ພາກຕາເວັນອອກສຽງເໜືອຂອງຈີນ ໂດຍສະເພາະແຂວງຫຼຽວໜິງ ປະເຊີນກັບຫິມະຕົກໜັກໜາເຖິງ 51 ຊັງຕີແມັດ ເຊິ່ງຖືວ່າຮຸນແຮງທີ່ສຸດໃນຮອບ 116 ປີ, ສົ່ງຜົນເຮັດໃຫ້ການຈະລາຈອນຕິດຂັດຢ່າງໜັກໜ່ວງ, ຂະນະທີ່ມົງໂກເລຍໃນ ເຊິ່ງຕັ້ງຢູ່ໃກ້ຄຽງກັບແຂວງ ຫຼຽວໜິງ ມີລາຍງານວ່າ ມີຜູ້ເສຍຊີວິດຈາກສະພາບອາກາດທີ່ໜາວເຢັນຮຸນແຮງແລ້ວຢ່າງໜ້ອຍ 1 ຄົນ, ຂະນະທີ່ປະຊາຊົນອີກຫຼາຍພັນຄົນໄດ້ຮັບຜົນກະທົບຈາກສະພາບອາກາດໜາວດັ່ງກ່າວ.
ລາຍງານລະບຸວ່າ: ທາງການຈີນ ໄດ້ອອກແຈ້ງເຕືອນໄພລະດັບສີແດງເຖິງ 27 ຄັ້ງ ເຊິ່ງເປັນການເຕືອນໄພລະດັບສູງສຸດໃນການເຝົ້າລະວັງພາຍຸຫິມະ.
ທັງນີ້ ລະດູໜາວປີນີ້ ໄດ້ເລີ່ມມາແຕ່ຕົ້ນເດືອນພະຈິກຜ່ານມາ ເຊິ່ງຖືວ່າ ມາໄວກວ່າປົກກະຕິ ເຮັດໃຫ້ອຸນຫະພູມຫຼຸດລົງຢ່າງຕໍ່ເນື່ອງເຖິງ 14 ອົງສາໃນບາງພື້ນທີ່ຂອງພາກຕາເວັນອກຂອງຈີນ.
