ບໍລິສັດຫົວເຫວີຍຈະລົງທຶນ 50 ລ້ານໂດລາສະຫະລັດໃນ 5 ປີຂ້າງໜ້າເພື່ອພັດທະນາ 500,000 ຄົນທີ່ມີຄວາມສາມາດດ້ານດິຈິຕອລໃນພາກພື້ນອາຊີປາຊີຟິກ ໃນຂະນະທີ່ແກ່ນພັນອາຊຽນເພື່ອອະນາຄົດແມ່ນຈະເປີດຕົວໃນຕົ້ນປີ 2022 ທີ່ຈະມາເຖິງ.
ມູນນິທິອາຊຽນ “ASEAN Foundation” ແລະ ຫົວເຫວີຍ ໄດ້ລົງນາມເຊັນສັນຍາ MOU ກ່ຽວກັບຄວາມພະຍາຍາມຮ່ວມກັນ ເພື່ອເຊື່ອມຊ່ອງວ່າງຄວາມສາມາດດ້ານດິຈິຕອລໃນງານ “ນະວັດຕະກໍາອາຊີປາຊີຟິກ–ກອງປະຊຸມສຸດຍອດຄວາມສາມາດທາງດ້ານດິຈິຕອລ 2021 – Asia Pacific Innovation Day – Digital Talent Summit 2021” ຈັດຂຶ້ນໃນວັນທີ 3 ພະຈິກ 2021 ທີ່ຈາກາຕ້າ ປະເທດອິນໂດເນເຊຍ.
ກອງປະຊຸມສຸດຍອດອອນລາຍໄດ້ນໍາເອົາຜູ້ກຳນົດນະໂຍບາຍ, ນັກວິໄຈ ແລະ ຜູ້ຊ່ຽວຊານດ້ານອຸດສາຫະກໍາ ເພື່ອແບ່ງປັນວິທີແກ້ໄຂ ແລະ ແນວທາງປະຕິບັດທີ່ດີທີ່ສຸດໃນການສ້າງລະບົບນິເວດແບບຍືນຍົງ ເຊິ່ງຈະຊ່ວຍສົ່ງເສີມຄວາມສາມາດດ້ານດິຈິຕອລໃນອາຊີປາຊີຟິກ.
ໃນກອງປະຊຸມໄດ້ເລີ່ມຕົ້ນຢ່າງໜັກແໜ້ນດ້ວຍການກ່າວປາໄສທີ່ສຳຄັນຈາກບັນດາຜູ້ນຳຂອງລັດຖະບານ ເຊັ່ນ: ທ່ານ Robert Matheus Michael Tene, ຮອງເລຂາທິການອາຊຽນ ເພື່ອປະຊາຄົມຄວາມໝັ້ນຄົງທາງດ້ານການເມືອງອາຊຽນ, ທ່ານ Dato’ Sri Mohammad Mentek ເປັນປະທານກອງປະຊຸມທາງການຫົວໜ້າດິຈິຕອນລອາຊຽນ, ທ່ານ ດຣ. Chea Vandeth, ລັດຖະມົນຕີກະຊວງໄປສະນີ-ໂທລະຄົມຂອງປະເທດກຳປູເຈຍ, ທ່ານ General TNI (Purn) Dr. Moeldoko ຫົວໜ້າເສນາທິການຂອງປະທານາ ທິບໍດີອິນໂດເນເຊຍ, ທ່ານ Namal Rajapaksa, ລັດຖະມົນຕີວ່າການຊາວຫນຸ່ມ ແລະ ກີລາຂອງ Sri Lanka Hon, ທ່ານ Jose Santiago L. Sta. Romana, ເອກອັກຄະລັດຖະທູດຟີລິບປິນ ປະຈຳ ສປ ຈີນ ແລະ ທ່ານ ດຣ Sirirurg Songsivilai ເລຂາທິການໃຫຍ່ຂອງກະຊວງສຶກສາທິການຊັ້ນສູງ ດ້ານວິທະຍາສາດ, ການຄົ້ນຄວ້າວິໄຈ ແລະ ນະວັດຕະກໍາຂອງປະເທດໄທ.
ການກ່າວຄຳປາໄສຂອງບັນດາທ່ານໄດ້ເນັ້ນໜັກເຖິງຄວາມສຳຄັນຂອງການມີສ່ວນຮ່ວມຢ່າງຕັ້ງໜ້າຂອງບັນດາພາກສ່ວນທີ່ກ່ຽວຂ້ອງໃນການພັດທະນາພື້ນຖານທີ່ໝັ້ນຄົງໃຫ້ແກ່ລະບົບນິເວດຂອງຜູ້ທີ່ມີຄວາມສາມາດດ້ານດີຈີຕອລໃນພາກພື້ນ.
“ກອງປະຊຸມສຸດຍອດຄວາມສາມາດດ້ານດິຈິຕອລ 2021 – The Digital Talent Summit 2021” ເຊິ່ງມີວັດຖຸປະສົງ ເພື່ອແນໃສ່ການປຶກສາຫາລື ແລະ ຕອບສະໜອງຄວາມຕ້ອງການຂອງເຍົາວະຊົນຜູ້ທີ່ມີພອນສະຫວັນດ້ານ ICT ຂອງອາຊຽນ, ເຫັນໄດ້ຊັດເຈນວ່າມີຄວາມກ່ຽວຂ້ອງຫຼາຍ, ໂດຍສະເພາະໃນຊ່ວງການແຜ່ລະບາດຂອງພະຍາດທີ່ບັງຄັບໃຫ້ພວກເຮົາຕ້ອງເພິ່ງພາດິຈິຕອລຫຼາຍຂຶ້ນ.
“ໃນງານອັນເປັນກຽດນີ້ແມ່ນສອດຄ່ອງຫຼາຍກັບແຜນແມ່ບົດດິຈິຕອລອາຊຽນປີ 2025 ເພື່ອປັບປຸງຄວາມສາມາດຂອງຜູ້ຄົນໃຫ້ມີສ່ວນຮ່ວມໃນເສດຖະກິດສັງຄົມ ດິຈິຕອລ”, ກ່າວໂດຍ ທ່ານ Robert Matheus Michael Tene, ຮອງເລຂາທິການ-ທົ່ວໄປຂອງອາຊຽນເພື່ອປະຊາຄົມຄວາມໝັ້ນຄົງທາງດ້ານການເມືອງອາຊຽນ.
ທ່ານ ປອ. ສົມພອນ ກັນທະວົງ, ຮອງຄະນະບໍດີ ຄະນະວິສະວະກຳສາດ, ມະຫາວິທະຍາ ໄລແຫ່ງຊາດ ໄດ້ສະແດງຄຳຄິດເຫັນກ່ຽວກັບ Digital Talent Summit 2021ວ່າ: “ການກຽມຄວາມພ້ອມການສ້າງບຸກຄະລາກອນໃຫ້ມີຄວາມສາມາດດ້ານດິຈິຕອລແບບຍືນຍົງຂອງໂຄງການແກ່ນພັນອາຊຽນເພື່ອອະນາຄົດ ໂດຍສຸມໃສ່ເປົ້າໝາຍຮ່ວມມືກັນປະກອບສ່ວນເພື່ອເປັນກຳລັງແຮງໃຫ້ບັນລຸເປົ້າໝາຍຂອງແຜນແມ່ບົດດິຈິຕອລອາຊຽນໃນປີ 2025 ແລະ ທາງບໍລິສັດຫົວເຫວີຍ ເທັກໂນໂລຊີ(ລາວ) ຈຳກັດຜູ້ດຽວ ຍັງໄດ້ໃຫ້ໂອກາດດີໆສຳລັບນ້ອງນັກສຶກສາໄດ້ເຂົ້າຮ່ວມໂຄງການທີ່ຜ່ານມາ ໂດຍສະ ເພາະການເພີ່ມທະວີຄວາມສາມາດຂອງຊາວໜຸ່ມໃນໂຄງການແກ່ນພັນອາຊຽນໃນອະນາຄົດ ໂຄງການນີ້ເປັນໂຄງການທີ່ດີຫລາຍ ແລະ ມີຄວາມສຳຄັນທີ່ສຸດສຳລັບ ສປປ ລາວ ເຊິ່ງສອດຄ່ອງກັບແຜນນະໂຍບາຍຂອງລັດຖະບານທີ່ສະໜັບສະໜູນ ແລະ ຊຸກຍູ້ການຫັນເປັນລະບົບດິຈິຕອລໃນທຸກຂົງເຂດວຽກງານ ກໍຄືການຫັນເປັນຄວາມທັນສະໄໝໄປເທື່ອລະກ້າວ. ມະຫາວິ ທະຍາໄລແຫ່ງຊາດ ກໍຄືຄະນະວິສະວະກຳສາດໄດ້ມຸ່ງເນັ້ນການປັບປຸງ ແລະ ພັດທະນາຫລັກສູດເພື່ອສ້າງບຸກຄະລາກອນທາງດ້ານໄອຊີທີ ໂດຍໃຫ້ສອດຄ່ອງກັບແຜນຍຸດທະສາດການພັດທະນາເສດຖະກິດດິຈິຕອລແຫ່ງຊາດ ຂອງ ສປປ ລາວ ທີ່ຈະນໍາໃຊ້ເຕັກໂນໂລຊີດິຈິຕອລໃຫ້ເປັນເຄື່ອງມືສໍາຄັນໃນການຂັບເຄື່ອນທຸກຂະແໜງການ ເພື່ອສ້າງເສດຖະກິດດິຈິຕອລແນໃສ່ປະກອບສ່ວນເຂົ້າໃນການດັດປັບໂຄງສ້າງເສດຖະກິດຂອງປະເທດ ໃຫ້ມີການຂະຫຍາຍຕົວຢ່າງເຂັ້ມແຂງ, ໝັ້ນທ່ຽງ ແລະ ຍືນຍົງ. ໃນໂຄງການທີ່ຜ່ານມາ, ນັກສຶກສາຂອງພວກເຮົາທີ່ໄດ້ເຂົ້າຮ່ວມໂຄງການ ເຊິ່ງນັກສຶກສາໄດ້ມີໂລກະທັດໃໝ່ດ້ານໄອຊີທີ, ຮຽນຮູ້ທາງດ້ານວັດທະນະທໍາ, ໄດ້ສຳພັດກັບການພັດທະນາທາງດ້ານເຕັກໂນໂລຊີ, ນະວັດຕະກຳຂອງ ສປ ຈີນ ກໍຄືຜະລິດຕະພັນຂອງບໍລິສັດຫົວເຫວີຍ ທີ່ຍາມໃດກໍໄດ້ເອົາໃຈໃສ່ຕັ້ງໜ້າຄົ້ນຄວ້າຫາສິ່ງທີ່ລໍ້າໜ້າ ເພື່ອອໍານວຍຄວາມສະດວກໃນການດຳລົງຊີວິດ ເຊັ່ນດຽວກັບໂຄງການນີ້ ແມ່ນເພື່ອຈຸດປະສົງ ສ້າງຊ່ອງວ່າງຄວາມສາມາດ ທາງດ້ານດິຈິຕອລໃນ ອາຊີປາຊີຟິກ ໃນການພັດທະນາພື້ນຖານທີ່ໝັ້ນຄົງໃຫ້ແກ່ລະບົບນິເວດຂອງຜູ້ທີ່ມີຄວາມສາມາດ ດ້ານດິຈິຕອລໃນພາກພື້ນ. ຂ້າພະເຈົ້າ ສະໜັບສະໜຸນ ແລະ ມີຄວາມຍິນດີ ທີ່ຈະໄດ້ມີສ່ວນຮ່ວມໃນໂຄງການນີ້ ເຊິ່ງມັນເປັນການເພີ່ມທະວີຄວາມສາມາດຂອງຊາວໜຸ່ມລາວ ແລະ ໃນພາກພື້ນ ເພື່ອເປັນການຮ່ວມມືສ້າງເສດຖະກິດດິຈິຕອລໃນອາຊຽນໃຫ້ມີຄວາມເຂັ້ມແຂງ ແລະ ແທດເໝາະກັບການພັດທະນາຊັບພະຍາກອນມະນຸດຂອງພວກເຮົາ ເຮັດໃຫ້ພວກເຂົາເຈົ້າມີທັກສະ, ມີການພັດທະນາຕົນເອງໃຫ້ມີຄວາມພ້ອມຮັບສິ່ງທ້າທາຍກັບໂລກດິຈິຕອລ ແລະ ເພື່ອເປັນການເພີ່ມທະວີການປະຕິບັດຍຸດທະສາດຫັນເປັນອຸດສາຫະກຳທັນສະໄໝຕາມທິດອຸດສາຫະກຳ 4.0.”
ຮອງປະທານຫົວໜ້າຂອງບໍລິສັດຫົວເຫວີຍ ແລະ ສະມາຊິກສະພາບໍລິຫານຂອງທ່ານ ນາງ Catherine Chen ໄດ້ກ່າວຄຳເຫັນໃນການປາໄສເປີດງານວ່າ: “ ໃນໄລຍະ 20 ປີຂອງບໍລິສັດຫົວເຫວີຍໃນອາຊີປາຊີຟິກແມ່ນການເດີນທາງເພື່ອຄົ້ນຫາເພື່ອນທີ່ມີຄວາມຄິດຄ້າຍກັນ ມາເຮັດວຽກຮ່ວມກັນເພື່ອສ້າງລວມກັນນະວັດຕະກໍາ ແລະ ນະບົບນິເວດທີ່ສົດໃສ, ດຶງດູດ ແລະ ປູກຝັງຄວາມສາ ມາດດ້ານດິຈິຕອລໃຫ້ຫຼາຍຂຶ້ນ ແລະ ຮ່ວມກັນຊຸກຍູ້ການພັດທະນາ ແລະ ຄວາມຈະເລີນຮຸ່ງເຮືອງຂອງພາກພື້ນ.”
ຄວາມສໍາຄັນຂອງຄວາມສາມາດດ້ານດິຈິຕອລໃນການພັດທະນາແບບຍືນຍົງໄດ້ຖືກເນັ້ນໃສ່ໃນການສົນທະນາລວມໂດຍແທ້ຈິງທີ່ກ່ຽວຂ້ອງກັບວິທະຍາກອນທີ່ມີຊື່ສຽງຈາກອົງການ UNESCO, ສະຫະພັນໂທລະຄົມນານາຊາດ (ITU), ໂຮງຮຽນນະໂຍບາຍສາທາລະນະ Lee Kuan Yew ແລະ Maxis. ກິດຈະກໍາທີ່ສໍາຄັນອີກອັນຫນຶ່ງຂອງກອງປະຊຸມສຸດຍອດແມ່ນການນຳສະເໜີຄວາມເຂົ້າໃຈກ່ຽວກັບຄວາມສາມາດດ້ານດິຈິຕອລໃນອາຊີປາຊີຟິກໃນປີ 2022 ຂອງບໍລິສັດຫົວເຫວີຍ ທີ່ white paper, ເຊິ່ງໄດ້ນຳສະເໜີໂດຍທ່ານ Alex Lee, ທີ່ປຶກສາຫົວໜ້າການພັດທະນາຄວາມສາມາດດ້ານດິຈິຕອລແຫ່ງຊາດ, ໄດ້ເລົ່າຄວາມພະຍາຍາມບໍລິສັດເຕັກໂນໂລຊີ ແລະ ເສັ້ນທາງໃນການສົ່ງເສີມຄວາມສາມາດດ້ານດິຈິຕອລໃນອາຊີປາຊີຟິກ.
ທ່ານ Jeffery Liu ປະທານບໍລິສັດຫົວເຫວີຍອາຊີປາຊີຟິກ ໄດ້ປະກາດຄຳປາໄສທີ່ສຳຄັນວ່າ: “ການປູກຝັງລະບົບນິເວດຄວາມສາມາດດ້ານ ICT ທີ່ເປັນນະວັດຕະກໍາໃໝ່ນັ້ນແມ່ນພື້ນຖານຂອງການປ່ຽນແປງທາງດິຈິຕອລ ນຳໃຊ້ຈາກນະວັດຕະກຳທີ່ໃຊ້ຮ່ວມກັນດ້ວຍຜົນລັບ win-win, ພວກເຮົາສາມາດໃຊ້ອຳນາດຂອງທັກສະດ້ານ ICT ເພື່ອນໍາພາເຮົາໄປສູ່ອະນາຄົດດິຈິຕອລ ຮ່ວມກັບຄູ່ຮ່ວມງານຂອງພວກເຮົາ, ບໍລິສັດຫົວເຫວີຍຈະລົງທຶນ 50 ລ້ານໂດລາສະຫະລັດໃນ 5 ປີຂ້າງໜ້າເພື່ອພັດທະ ນາ 500,000 ຄົນທີ່ມີຄວາມສາມາດດ້ານດິຈິຕອລໃນພາກພື້ນອາຊີປາຊີຟິກ.
ຄໍາໝັ້ນສັນຍາເພື່ອສ້າງຊ່ອງວ່າງຄວາມສາມາດດ້ານດິຈິຕອລຢູ່ອາຊີປາຊີຟິກ, ໂດຍສະເພາະຢູ່ອາຊຽນ, ໄດ້ຮັບການເພີ່ມທະວີຕື່ມອີກດ້ວຍພິທີລົງນາມບົດບັນທຶກຄວາມເຂົ້າໃຈລະຫວ່າງມູນນິທິອາຊຽນ ແລະ Huawei ASEAN Academy ສັນຍາດັ່ງກ່າວໄດ້ຍົກໃຫ້ເຫັນຄວາມພ້ອມຂອງທັງສອງອົງການໃນການປະຕິບັດແກ່ນພັນອາຊຽນເພື່ອອະນາຄົດ, ເຊິ່ງເປັນສະບັບຂະໜາດໃຫຍ່ຂອງ Seeds for the Future, ຄວາມຄິດລິເລີ່ມຂອງ CSR flagship ທົ່ວໂລກຂອງ Huawei ທີ່ໄດ້ສະໜອງການຝຶກອົບຮົມທັກສະດ້ານດິຈິຕອລລະດັບໂລກໃຫ້ແກ່ໄວໜຸ່ມທົ່ວໂລກຕັ້ງແຕ່ປີ 2008 ຜ່ານ ASEAN Seeds for the Future, ມູນນິທິອາຊຽນ ແລະ Huawei ASEAN Academy ພະຍາ ຍາມສ້າງຄວາມສາມາດດ້ານດິຈິຕອລຂອງໄວໜຸ່ມໃນ 10 ປະເທດສະມາຊິກອາຊຽນ.
ເຂົ້າຮ່ວມພິທີດັ່ງກ່າວມີ ທ່ານ Dr. Yang Mee Eng, ຜູ້ອໍານວຍການບໍລິຫານຂອງມູນນິທິອາຊຽນ, ທ່ານ Albert Yang ຮອງປະທານ Huawei ອິນໂດເນເຊຍ ແລະ ທ່ານ Amb. Yeap Samnang ເປັນພະຍານໂດຍ ຜູ້ແທນຂອງລາຊະອານາຈັກກຳປູເຈຍປະຈຳອາຊຽນ, ທ່ານ Robert Matheus Michael Tene ຮອງເລຂາທິການໃຫຍ່ປະຊາຄົມຄວາມໝັ້ນຄົງດ້ານການເມືອງອາຊຽນ, ທ່ານ Elizabeth Te ຮອງຜູ້ແທນຂອງຟີລິບປິນປະຈຳອາຊຽນ, ທ່ານ Tham Borg Tsien ຮອງຜູ້ແທນຂອງສາທາລະນະລັດສິງກະໂປ ປະຈຳອາຊຽນ ແລະ ທ່ານ Jay Chen ຮອງປະທານ Huawei ອາຊີປາຊີຟິກ.
ແກ່ນພັນອາຊຽນເພື່ອອະນາຄົດຈະຊ່ວຍປະກອບສ່ວນໃຫ້ບັນລຸເປົ້າໝາຍຂອງແຜນແມ່ບົດດິຈິຕອລອາຊຽນໃນປີ 2025 ເຊິ່ງແມ່ນການເພີ່ມທະວີຄວາມສາມາດຂອງຊາວໜຸ່ມໃນພາກພື້ນ ເພື່ອເຂົ້າຮ່ວມເສດຖະກິດດີຈີຕອລ ແລະ ສ້າງສັງຄົມດີຈີຕອລໃນອາຊຽນ.
ແກ່ນພັນອາຊຽນເພື່ອອະນາຄົດແມ່ນຈະເປີດຕົວໃນຕົ້ນປີ 2022, ເຊື້ອເຊີນຊາວຫນຸ່ມທີ່ມີອາຍຸ 15 – 30 ປີ ໃນອາຊຽນເພື່ອເອົາໃຈໃສ່ພວກເຂົາໃນການເດີນທາງ virtual ຂອງການເສີມສ້າງຄວາມສາມາດໃນການເປັນຜູ້ນໍາ ແລະ ມີທັກສະທາງດ້ານດິຈິຕອລ.
ທ່ານ ດຣ. Yang Mee Eng ຜູ້ອໍານວຍການບໍລິຫານຂອງມູນນິທິອາຊຽນ, ໄດ້ກ່າວວ່າ: ພວກເຮົາດີໃຈທີ່ໄດ້ລົງນາມໃນບົດບັນທຶກຄວາມເຂົ້າໃຈກັບ Huawei ເພື່ອຈັດຕັ້ງປະຕິບັດ ASEAN Seeds for the Future. ຂ້າພະເຈົ້າເຊື່ອໝັ້ນວ່າໂຄງການລະດັບພາກພື້ນທີ່ດີເລີດນີ້ຈະມີບົດບາດສຳຄັນໃນການເຊື່ອມຊ່ອງວ່າງຄວາມສາມາດດ້ານດິຈິຕອລໃນພາກພື້ນ ໂດຍການເຮັດໃຫ້ໄວໜຸ່ມໃນອາຊຽນຂອງພວກເຮົາມີທັກສະທີ່ຈຳເປັນທີ່ຈະຊ່ວຍໃຫ້ພວກເຂົາມີຄວາມຈະເລີນກ້າວໜ້າໃນຍຸກຂອງເສດຖະກິດດິຈິຕອລ. ການຮ່ວມມືຂອງພວກເຮົາກັບ Huawei ຍັງສະແດງເຖິງຄວາມສຳເລັດຄັ້ງສຳຄັນອີກກ້າວໜຶ່ງຂອງອາຊຽນໃນການນຳເອົາຄູ່ຮ່ວມງານທີ່ມຸ່ງໝັ້ນຈາກພາກເອກະຊົນເພື່ອສະໜັບສະໜູນການພັດທະ ນາເຍົາວະຊົນໃນອາຊຽນ.