ຊາບີ ເປີດຕົວກັບ ບາເຊໂລນາ ພ້ອມພາທີມລົ້ມທຸກທີມໃນການແຂ່ງຂັນເພື່ອຊະນະທຸກນັດ

345

ຊາບີ ເອນານເດຊ ຕໍານານກອງກາງຂອງ ບາເຊໂລນາ ກັບຄືນສູ່ຮັ່ງເກົ່າ ແຕ່ຄັ້ງນີ້ເປີດຕົວໃນຖານະຜູ້ຈັດການທີມຄົນໃໝ່ຢ່າງເປັນທາງການ ພ້ອມປະກາດຟື້ນຟູທີມ ດ້ວຍການພາທີມເອົາຊະນະຄູ່ແຂ່ງທຸກທີມທີ່ຂວາງໜ້າໃນການແຂ່ງຂັນ.

ກ່ອນໜ້ານີ້ ບາເຊໂລນາ ພາຍໃຕ້ການນໍາທີມຂອງ ໂຣນັລ ຄູມັນ ຜູ້ຈັດການທີມຊາວໂຮນລັງ ພາທີມສ້າງຜົນງານຕົກຕໍ່າຕົກລົງໄປຢູ່ອັນດັບທີ 9 ຂອງຕາຕະລາງຈາກການມີພຽງ 17 ຄະແນນ ກ່ອນຈະຖືກປົດຕໍາແໜ່ງ ເພື່ອເປີດທາງໃຫ້ ຊາບີ ເຂົ້າມາເຮັດໜ້າທີ່ແທນ ຫຼັງຈາກທີ່ປະສົບຄວາມສໍາເລັດໃນການຄຸມທີມ ອັລ ຊາດ ທີມໃນລີກກາຕ້າ ພາທີມຄວ້າແຊັມຫຼາຍລາຍການ.

ຫຼ້າສຸດຝັນເປັນຈິງ ເມື່ອ ບາເຊໂລນາ ໄດ້ເປີດຕົວ ຊາບີ ຢ່າງເປັນທາງການຕໍ່ໜ້າແຟນບານປະມານ 10.000 ຄົນທີ່ມາຮ່ວມງານທີ່ສະໜາມຄໍານູ ໂດຍ ຊາບີ ກ່າວວ່າ: “ ຂ້ອຍບໍ່ຢາກໃຊ້ເວລາໃນການບອກຄວາມຮູ້ສຶກຍາວໆ. ດັ່ງນັ້ນ ສິ່ງທີ່ຂ້ອຍຢາກບອກນັ້ນຄື ພວກເຮົາຄືທີມບານເຕະທີ່ດີີ່ສຸດໃນໂລກ, ພວກເຮົາຈະເຮັດວຽກຮ່ວຍກັນດ້ວຍມາດຕະຖານລະດັບສູງ ເພື່ອໄປສູ່ຄວາມສໍາເລັດ ແລະ ພວກເຮົາຍອມຮັບຄວາມປະລາໄຊ ຫຼື ຜົນສະເໝີບໍ່ໄດ້ ພວກເຮົາຕ້ອງຊະນະທຸກນັດ ”.

["]

ສໍາລັບ ຊາບີ ຈະເລີ່ມເຮັດວຽກທັນທີກັບ ນັກເຕະ ແລະ ຄູຝືກທີມບໍ່ຕິດພາລະກິດຮັບໃຊ້ທີມຊາດໃນໄລຍະແຂ່ງຂັນບານເຕະຕາມຕາຕະລາງ ຟີຟາ ເດ, ສ່ວນ ນັດທໍາອິດທີ່ ຊາບີ ຈະພາ ບາເຊໂລນາ ລົງສະໜາມຕ້ອນຮັບການມາຢາມຂອງ ເອັສປັນຢອລ ໃນວັນທີ 20 ພະຈິກ 2021.