ຍິນດີນຳບົດເພງ “ເສັ້ນທາງສານຝັນ” ຂອງມິດປະຊາ ສິດທິຮັກປັນຍາໄດ້ຮັບເລືອກເປັນ1 ໃນ 30 ເພງເປັນທີ່ຮຽບຮ້ອຍແລ້ວ

1626

ພາຍຫລັງທີທາງເພຈຫລັກທາງລົດໄຟລາວຈີນ ໄດ້ປະກາດລາຍຊື່ ບົດເພງທີ່ຜ່ານເຂົ້າຮອບ 30ບົດເພງ ຈາກຜູ້ແຕ່ງທັງ 30ຄົນ ເຊິ່ງຫນຶ່ງໃນນັ້ນກໍຄື ສາວງາມທີ່ມີຄວາມເກັ່ງຮອບດ້ານ ແລະ ມີຜົນງານດ້ານສື່ມວນຊົນມາຢ່າງຫລາກຫລາຍ ບໍ່ວ່າຈະເປັນຂຽນບົດ, ເປັນຜູ້ກຳກັບຮູບເງົາ ແລະ ວີດີໂອ ເຮັດກ່ຽວກັບໂປຣດັກຊັນຕ່າງໆຕ້ອງຍົກໃຫ້ສາວນີ້ເລີຍມີແນວຄິດສ້າງສັນອີ່ຫລີ.

ແລະຜົນງານລ່າສຸດກໍ່ຄື ບົດເພງໃນການປະກວດແຂ່ງຂັນ “ລົດໄຟລາວຈີນ” ທໍາຄວາມຮູ້ຈັກກັບຜູ້ຍິງຄົນເກັ່ງຄົນນີ້ ມິດປະຊາ ສິດທິຮັກປັນຍາ ເປັນພະນັກງານຝ່າຍຜະລິດລາຍການວິດີໂອຢູ່ ວິທະຍຸສາກົນແຫ່ງປະເທດຈີນCRI ປະຈຳລາວ ແລ້ວກະເປັນນັກສ້າງຮູບເງົາ,​ນັກຂຽນອິດສະຫລະ.

["]

ຈາກການໃຫ້ສຳພາດຂອງສາວ ມິດປະຊາ ຜູ້ແຕ່ງບົດເພງທີ່ມີຊື່ວ່າ: “ເສັ້ນທາງສານຝັນ” ບອກວ່າ ສໍາລັບສ່ວນໂຕເຄີຍໄດ້ມີໂອກາດເດີນທາງໄປຫລາຍແຂວງເພື່ອຖ່າຍສາລະຄະດີເສັ້ນທາງລົດໄຟຕັ້ງແຕ່ຫາກໍ່ເລີ່ມຕົ້ນວາງເສົາ ເຮັດໃຫ້ຮູ້ວ່າ ເປັນໂຄງການທີ່ຍິ່ງໃຫຍ່ ແລະ ຫນ້າອັດສະຈັນຫລາຍ ຈົນກາຍເປັນວັກຫນຶ່ງຂອງເພງທີ່ວ່າ ”​ຈາກຄຸນຫມິງ ຜ່ານບໍ່ເຕັນສູ່ວຽງຈັນ ຝ່າດົງກັນດານທອດສະພານຂ້າມທາລາ”​ ກໍເລີຍຢາກຖ່າຍທອດປະສົບການຜ່ານຜົນງານເພງອອກມາ.

ສາວມິດປະຊາຍັງໃຫ້ສຳພາດຕື່ມວ່າ ການແຕ່ງບົດເພງເພື່ອເຂົ້າປະກວດໃນຄັ້ງນີ້ ແມ່ນບໍ່ໄດ້ຄາດຫວັງຫຍັງຫລາຍ ເນື່ອງຈາກເປັນຜົນງານເພງ ເພງທຳອິດທີ່ແຕ່ງຂຶ້ນມາ ຂໍພຽງແຕ່ໄດ້ມີສ່ວນຮ່ວມກໍພາກພູມໃຈແລ້ວ.​

ສໍາລັບຈຸດເດັ່ນ, ຈຸດພິເສດຂອງບົດເພງນີ້ທີ່ຜູ້ຟັງໄດ້ຍິນແລ້ວຈະທັບໃຈ ແລະ ຢາກຟັງອີກ ໃນນາມຂອງຜູ້ແຕ່ງເອງ ຄິດວ່າເປັນດົນຕີ….ເນື່ອງຈາກເປັນ​ດົນຕີລາວທີ່ມີທັງຄວາມອ່ອນຊ້ອຍ ແລະ ປຸກລະດົມມ່ວນຊື່ນ ຟັງໄດ້ທຸກເພດທຸກໄວ ບໍ່ເລືອກຍຸກສະໄຫມ,​ ສາມາດນໍາເອົາໄປເປັນບົດເພງປະກອບການສະແດງບົດຟ້ອນກໍໄດ້ ອີກປະການກໍແມ່ນເນື້ອຮ້ອງທີ່ມີເປັນພາສາລຽບງ່າຍ ແລະ ມີຄວາມສັນທະກະວີເກາະກ່າຍກັນໃນທຸກວັກທຸກຕອນ.​

ສ່ວນການຝາກຜົນງານ ກ່ອນອື່ນກໍຕ້ອງຂອບໃຈທີ່ຄະນະກໍາມະການໄດ້ເລືອກຜົນງານເພງ ”​ເສັ້ນທາງສານຝັນ”​ ເປັນ 1 ໃນ 30 ບົດທີ່ເຂົ້າຮອບທໍາອິດ ຈາກບົດເພງນັບຮ້ອຍຜົນງານທີ່ສົ່ງເຂົ້າປະກວດ ເຊິ່ງບົດເພງ “ເສັ້ນທາງສານຝັນ” ນີ້ ເປັນບົດເພງທີ່ທັງຜູ້ແຕ່ງ,​ ຜູ້ຂັບຮ້ອງ ນັ້ນກໍຄື Touy Over dance ແລະ ອາລຸນ ສ້ອຍດາລາວ ລວມທັງຜູ້ສ້າງດົນຕີ ນັ້ນກໍຄື ລາວຈະເລີນ ສະຕູດິໂອ ພວກເຮົາທຸກຝ່າຍແມ່ນມີຄວາມຕັ້ງໃຈສ້າງສັນຜົນງານເພງດັ່ງກ່າວສຸດສີມື ແນວໃດກໍຝາກຕິດຕາມຮັບຟັງ ແລະ ໃຫ້ກຳລັງໃຈພວກເຮົາແດ່ເດີ ສາມາດເຂົ້າຟັງໄດ້ທີລີ້ງລຸ່ມນີ້ເລີຍ.

https://m.facebook.com/story.php?story_fbid=3233273756901367&id=1481813438714083

ສໍາລັບແອັດມິນເອງໄດ້ຟັງບົດເພງນີ້ແລ້ວຮູ້ສຶກໄດ້ເລີຍວ່າ ທັງດົນຕີ, ທໍານ້ອງຄໍາຮ້ອງໃນເພງແມ່ນມີຄວາມມ່ວນ, ອ່ອນຊອນ ແລະ ມີຄວາມຫມາຍ ມີທຸກຄໍາເວົ້າທີ່ເກາະກ່າຍກັນດີ ຟັງແລ້ວຢາກຟັງອີກ.

 

ຮູບ:  Mitpasa Sitthihukpunya