ສຳນັກຂ່າວຕ່າງປະເທດລາຍງານວ່າ ສູນສະຖິຕິແຫ່ງຊາດຟີລິບປິນເປີດເຜີຍວ່າ: ອັດຕາການວ່າງງານໃນປະເທດຟີລິບປິນເພີ່ມຂຶ້ນ 8,9% ໃນເດືອນກັນຍາ 2021 ຈຸລະດັບ 4,25 ລ້ານຄົນ ເມື່ອທຽບກັບເດືອນສິງຫາທີ່ມີຜູ້ວ່າງງານປະມານ 3,88 ລ້ານຄົນ.
ລາຍງານລະບຸວ່າ: ອັດຕາການວ່າງງານໃນຟີລິບປິນໃນເດືອນກັນຍາ 2021 ສູງສຸດໃນຮອບປີ 2021, ຂະນະທີ່ສຳນັກງານພັດທະນາເສດຖະກິດຟີລິບປິນ (NEDA) ເປີດເຜີຍວ່າ ການທີ່ອັດຕາການວ່າງງານໃນເດືອນກັນຍາເພີ່ມຂຶ້ນ ເນື່ອງຈາກລັດຖະບານໄດ້ໃຊ້ມາດຕະການເພື່ອຄວບຄຸມການແຜ່ລະບາດຂອງພະຍາດໂຄວິດ-19 ຢ່າງເຂັ້ມງວດ ອີກທັງພາກກະສິກຳຍັງໄດ້ຮັບຜົນກະທົບຈາກສະພາບອາກາດຜັນຜວນ.
ດ້ານອັດຕາການມີສ່ວນຮ່ວມໃນກຳລັງແຮງງານ (Labour Force Participation Rate) ຫຼຸດລົງເລັກນ້ອຍ ຈາກລະດັບ 63,6% ໃນເດືອນສິງຫາ ມາເປັນ 63,3% ໃນເດືອນກັນຍາ.
ທັງນີ້ລັດຖະບານຟີລິບປິນ ໄດ້ອອກມາດຕະກາດລັອກດາວ (ປິດການສັນຈອນ) ສະເພາະພື້ນທີ່ທີ່ມີການລະບາດ (ເຂດແດງ) ເພື່ອຫຼຸດຜ່ອນຜົນກະທົບດ້ານເສດຖະກິດ.
