ຍີ່ປຸ່ນ ກຽມເປີດປະເທດ ແຕ່ເນັ້ນນັກທຸລະກິດ ແລະ ນັກສຶກສາກ່ອນ

290

ສຳ​ນັກ​ຂ່າວ NHK ລາຍ​ງານ​ວ່າ: ຍີ່​ປຸ່ນ​ກຽມ​ເປີດ​ປະ​ເທດ ເພື່ອ​ໃຫ້​ຊາວ​ຕ່າງ​ປະ​ເທດ​ສາ​ມາດ​ເຂົ້າ​ຍີ່​ປຸ່ນ​ໄດ້ ແຕ່​ເບື້ອງ​ຕົ້ນ​ຈະ​ຮັບ​ນັກ​ທຸ​ລະ​ກິດ ແລະ ນັກ​ຮຽນ ນັກ​ສຶກ​ສາ ແລະ ຄອ​ສ​ຝຶກ​ອົບ​ຮົມ​ກ່ອນ, ສ່ວນ​ນັກ​ທ່ອງ​ທ່ຽວ​ຕ້ອງ​ລໍ​ຖ້າ​ໄປ​ອີກ​ໄລ​ຍະ​ໜຶ່ງ.

ການ​ຜ່ອນ​ຜັນ​ມາດ​ຕະ​ການ​ເດີນ​ທາງ​ດັ່ງ​ກ່າວ ຈະ​ເລີ່ມ​ຕັ້ງ​ແຕ່​ວັນ​ທີ 8 ພະ​ຈິກ​ເປັນ​ຕົ້ນ​ໄປ ດ້ວຍ​ການ​ເພີ່ມ​ຈຳ​ນວນ​ເຂົ້າ​ປະ​ເທດ ຈາກ 3.500 ຄົນ/ວັນ ມາ​ເປັນ 5 ພັນ​ຄົນ/ວັນ, ຫຼັງ​ຈາກ​ທີ່​ຕົວ​ເລກ​ຜູ້​ຕິດ​ເຊື້ອ​ໃໝ່​ໃນ​ຍີ່​ປຸ່ນຫຼຸດ​ລົງ​ຢ່າງ​ຕໍ່​ເນື່ອງ ເຮັດ​ໃຫ້​ລັດ​ຖະ​ບານ​ຄ່ອຍໆ​ຜ່ອນ​ຜັນ​ມາດ​ຕະ​ການ​ການ​ເດີນ​ທາງ​ເຂົ້າ​ຍີ່​ປຸ່ນ​ຂອງ​ຊາດ​ຕ່າງ​ປະ​ເທດ. ຂະ​ນະ​ທີ່​ພາກ​ທຸ​ລະ​ກິດໄດ້​ຮຽກ​ຮ້ອງ​ໃຫ້​ລັດ​ຖະ​ບານ​ຮີບ​ຟ້າວ​ຜ່ອນ​ຜັນ​ມາດ​ຕະ​ການ​ການ​ເດີນ​ເຂົ້າ​ເຂົ້າ​ຍີ່​ປຸ່ນ​ຂອງ​ຊາວ​ຕ່າງ​ປະ​ເທດ ເພື່ອ​ໃຫ້​ສອດ​ຄ່ອງ​ກັບ​ປະ​ເທດ​ອື່ນໆ​ທີ່​ໄດ້ຫຼຸດ​ຜ່ອນ​ການ​ຄວບ​ຄຸມ​ມາດ​ຕະ​ການ​ການ​ເດີນ​ທາງ​ເຂົ້າ​ປະ​ເທດ​ລົງ​ແລ້ວ.

["]

ທັງ​ນີ້ ຍີ່​ປຸ່ນ​ໄດ້ຫຼຸດ​ການ​ກັກ​ຕົວ​ສຳ​ລັບ​ນັກ​ທຸ​ລະ​ກິດ​ຕ່າງ​ປະ​ເທດ​ທີ່​ເດີນ​ທາງ​ເຂົ້າ​ຍີ່​ປຸ່ນ ຈາກ 10 ວັນ ເຫຼືອ 3 ວັນ