ທາງການ ຄອນເຕ້ ເປີດຕົວກັບ ສະເປີ, ກຽມພົບບົດທົດສອບທໍາອິດໃນ ຢູໂຣປາ ລີກ

439

ທ໊ອດແນມ ຮ໊ອດສະເປີ ສະໂມສອນຊັ້ນນໍາ ໃນພຣີເມຍລີກ ອັງກິດ ປະກາດແຕ່ງຕັ້ງ ອັນໂຕນິໂອ ຄອນເຕ້ ເປັນຜູ້ຈັດການທີມຢ່າງເປັນທາງການ ເມື່ອວັນທີ 3 ພະຈິກ 2021 ດ້ວຍສັນຍາຈົນເຖິງເດືອນມິຖຸນາ 2023 ພ້ອມເງື່ອນໄຂຂະຫຍາຍອີກ 1 ປີ.

ກ່ອນໜ້ານີ້ ສະເປີ ປະກາດປົດຕໍາແໜ່ງຜູ້ຈັດການທີມຂອງ ນູໂນ ເອັສປິຣິໂຕ ຊານໂຕ ທີ່ພາທີມສ້າງຜົນງານໄດ້ຢ່າງຕົກຕໍ່າໃນການລົງແຂ່ງຂັນພຣີເມຍລີກ ອັງກິດ ໄປພຽງ 10 ນັດ ແລະ ນັດຫຼ້າສຸດເສຍໃຫ້ກັບ ແມນເຊັສເຕີ ຢູໄນເຕັດ 0-3 ໃນທ້າຍອາທິດ ທີ່ຜ່ານມາ.

ສື່ໃນປະເທດອັງກິດ ເປີດເຜີຍວ່າ: ຄອນເຕ້ ຈະໄດ້ຮັບຄ່າເມື່ອຍຈາກ ສະເປີ ປີລະ 15 ລ້ານປອນ ແລະ ສະໂມສອນພ້ອມທຸ້ມເງິນໃຫ້ເສີມນັກເຕະໃນໄລຍະເປີດຕະຫຼາດຊື້-ຂາຍນັກເຕະ ໃນເດືອນມັງກອນ 2022 ເຖິງ 150 ລ້ານປອນ.

["]

ຄອນເຕ້ ກາຍເປັນຜູ້ຈັດການທີມຫວ່າງງານຕັ້ງແຕ່ອໍາລາ ອິນເຕີ ມິລານ ຫຼັງຈົບລະດຸູການທີ່ຜ່ານ ເຖິງວ່າຈະພາ ອິນເຕີ ມິລານ ຄວ້າແຊັມ ກັລໂຊ ເຊເຣຍ ອາ ອິຕາລີ ໄດ້ສໍາເລັດກໍຕາມ ເນື່ອງຈາກມີບັນຫາກັບ ຫົວໜ້າສະໂມສອນ ອິນເຕີ ມິລານ ໂດຍກ່ອນໜ້ານີ້ ຄອນເຕ້ ເຄີຍພາ ເຊລຊີ ຄວ້າແຊັມພຣີເມຍລີກ ແລະ ເອັຟເອ ຄັບ ໄດ້ຢ່າງລະ 1 ສະໄໝໃນລະຫວ່າງປີ 2016-2018.

ສໍາລັບ ບົດພິສູດທໍາອິດຂອງ ຄອນເຕ້ ໃນການຄຸມທ໊ອດແນມ ຮ໊ອດສະເປີ ຄືພາທີມ ລົງແຂ່ງຂັນບານເຕະ ຢູໂຣປາ ຄອນຟີເຣນຊ໌ ລີກ ຮອບແບ່ງກຸ່ມໆ G ນັດທີ 4 ໃນຄືນວັນພະຫັດທີ 4 ພະຈິກ 2021 ພົບກັບ ວິເທສ໌ ທີມຈາກລີກສູງສຸດຂອງປະເທດໂຮນລັງ ໃນເວລາ 3:00 ໂມງ.