ຢູ 23 ລາວ ຫຼື ຢູ 23 ມົງໂກລີ ຈະມີໄຊສົ່ງທ້າຍກຸ່ມ J ຄັດບານເຕະຊີງແຊັມອາຊີ 2022 ຮູ້ກັນແລງນີ້

522

ນັດສຸດທ້າຍແລ້ວສໍາລັບ ທີມຊາດລາວ ຮຸ່ນອາຍຸບໍ່ເກີນ 23 ປີ ຈະພົບກັບ ເຈົ້າພາບ ມົງໂກລີ ມື້ນີ້ວັນທີ 31 ຕຸລາ 2021 ເວລາ 14:00 ໂມງຕາມເວລາບ້ານເຮົາ ໃນແຂ່ງຂັນບານເຕະຊີງແຊ້ມອາຊີ ຮຸ່ນອາຍຸບໍ່ເກີນ 23 ປີ 2022 ຮອບຄັດເລືອກ ກຸ່ມ J ປະກອບມີ ໄທ, ມາເລເຊຍ, ລາວ ແລະ ມົງໂກລີ ( ເຈົ້າພາບ ).

ແນ່ນອນວ່າ: ຄູ່ແຂ່ງນັດນີ້ເປັນຄູ່ແຂ່ງທີ່ໃກ້ຄຽງກັບ ທີມຊາດລາວ ທີ່ສຸດ ເພາະ 2 ນັດທໍາອິດ ທີມຊາດລາວ ຕ້ານຄູ່ແຂ່ງບໍ່ໄດ້ເສຍໄປທັງໝົດຄື ເສຍໃຫ້ ມາເລເຊຍ 0-1 ແລະ ເສຍໃຫ້ ໄທ 0-3, ເຊິ່ງຜົນງານຂອງ ມົງໂກລີ 2 ນັດທີ່ຜ່ານມານັດທໍາອິດ ສະເໝີກັບ ໄທ 1-1 ແລະ ນັດທີ 2 ເສຍໃຫ້ ມາເລເຊຍ 0-1.

["]

ສໍາລັບ ປັດຈຸບັນ ທີມຊາດລາວ ບໍ່ມີຈັກຄະແນນຈາກ 2 ນັດຕົກຮອບເປັນທີ່ແນ່ນອນແລ້ວ, ສ່ວນ ມົງໂກລີ ມີ 1 ຄະແນນ. ຂະນະທີ່ ທີມຊາດມາເລເຊຍ ມີ 6 ຄະແນນກຽມລົງແຂ່ງຂັນພົບກັບ ໄທ ທີ່ມີ 4 ຄະແນນ ເພື່ອລຸ້ນເປັນແຊັມ ແລະ ສິດໄປຫຼິ້ນຮອບສຸດທ້າຍ, ສ່ວນ ທີມອັນດັບ 2 ແມ່ນຕ້ອງລຸ້ນເປັນທີມທີ່ດີທີ່ສຸດໃນ 4 ທີມ ເພື່ອເຂົ້າໄປຫຼິ້ນຮອບສຸດທ້າຍ.

ຂ່າວ: ຫຼ້າ MKP; ຮູບ: ສະຫະພັນບານເຕະແຫ່ງຊາດລາວ Lao Football Federation