ສຳນັກຂ່າວຕ່າງປະເທດລາຍງານວ່າ ບໍລິສັດຊຳຊຸງເອເລັກໂຕຣນິກໄດ້ເປີດເຜີຍໃນວັນທີ 28 ຕຸລາ 2021 ວ່າ ໃນໄຕມາດ 3 ຂອງປີນີ້ ຊຳຊຸງມີຜົນກຳໄລເພີ່ມຂຶ້ນ 28% ເຊິ່ງເປັນລະດັບສູງສຸດໃນຮອບ 3 ປີ ໂດຍໄດ້ແຮງຍູ້ຈາກລາຄາເຊມີຄອນດັດເຕີ (ຊິບ) ໜ່ວຍຄວາມຈຳ, ຍອດການຜະລິດຊິບຕາມສັນຍາສັ່ງຊື້ ແລະ ຍອດຂາຍຈໍສະແດງຜົນ.
ທັງນີ້ ຜົນກຳໄລໃນໄຕມາດ 3 (ເດືອນກໍລະກົດ ຫາ ເດືອນກັນຍາ) ເພີ່ມຂຶ້ນ 15,8 ພັນຕື້ວອນ ຫຼື ປະມານ 13,48 ຕື້ໂດລາສະຫະລັດ, ຈາກລະດັບ 12,35 ພັນຕື້ວອນ ເມື່ອທຽບໃສ່ໄລຍະດຽວກັນຂອງປີຜ່ານມາ.
