ລາຍລະອຽດການຢືດຢາລັອດໃຫຍ່ 300 ກວ່າເປົາລວບເຈົ້າຂອງພ້ອມໂຮງຜະລິດ

874

ສືບເນື່ອງຈາກຂ່າວທີ່ຖືກເຜີຍແຜ່ໃນສື່ສັງຄົມອອນລາຍຢ່າງກະຈັດກະຈາຍ ມື້ນີ້ມີລາຍງານລາຍລະອຽດຈາກເຈົ້າໜ້າທີ່ ປກສ ແຂວງບໍ່ແກ້ວໃຫ້ຮູ້ວ່າ: ໃນວັນທີ 27 ຕູລາ 2021 ເວລາ 5 : 30 ນາທີ ມີພົນລະເມືອງດີ ໄດ້ລາຍງານຕໍ່ກັບເເຈົ້າໜ້າທີ່ ພະນັກງານ ບ້ານໂພນທອງ ເມືອງຫ້ວຍຊາຍ ແຂວງບໍ່ແກ້ວ ຈະມີລົດຕ່າງສິນຄ້າ ປະເພດໄມ້ ຈາກບ້ານຫ້ວຍຊາຍນ້ອຍ ພໍຜ່ານໄປໄດ້ໃນໄລຍະໜຶ່ງ ກໍ່ເຫັນລົດຄັນດັ່ງກ່າວທະບຽນ ບຄ 1194 ກໍາແພງນະຄອນ ໄດ້ແລ່ນອອກມາທາງບ້ານນໍ້າຕີນ.

ທາງເຈົ້າໜ້າທີ່ວິຊາສະເພາະຈໍາບ້ານໂພນທອງ ສົົມທົບກັັບພາກສ່ວນ ເຈົ້າໜ້າທີ່ພາສີ, ອາກອນ, ຊັບສິນ, ກະສິກໍາ, ໄດ້ຂໍເຂົ້າກວດຄົ້ນ ລົດຄັນດັງກ່າວ ທາງເຈົ້າໜ້າທີ່ວິຊາສະເພາະໄດ່ສອບຖາມໂຊເວີີລົດວ່າແມ່ນສິນຄ້າຫຍັງ ທາງໂຊເວີໄດ້ຕອບກັບເຈົ້າໜ້າທີ່ຂອງພວກເຮົາວ່າ ຕ່າງລາງເບຍເປົາ ແຕ່ທາງເຈົ້າໜ້າທີ່ມີຄວາມສົງໄສລົດຄັນດັງກ່າວ ແລະ ໄດ້ສັງເກດເບິ່ງລົດອອກໄປ ເຫັນວ່າຕ່າງສິນຄ້າທີ່ມີນໍ້າໜັ້ກຫຼາຍ ສະນັ້ນທາງເຈົ້າໜ້າທີ່ ຈຶ່ງປະສານເອົາລົດຄັນດັ່ງກ່າວ ມາກວດກາຄືນໃໝ່ທີ່ເປັນໜ້າສົງໄສ ຢ້ານມີສິນຄ້າ ສິ່ງທີ່ຜິດກົດໝາຍປະປົນມານຳ.


ເຈົ້າໜ້າທີ່ຈື່ງໄດ້ຂໍກວດກາຄືນຕື່ມຢູ່ທີ່ເຂດຕີນດອຍນໍ້້າເລັງ ຈື່ງໄດ້ກວດພົບເຫັນຖົງສີດໍາຢູ່ພາຍໃນລົດຄັນດັ່ງກ່າວ ຈຶ່ງໄດ້ກັກລົດຄັ້ນດົ່ງກ່າວໄວ້ລາຍງານກັບຂັ້້ນເທິງ ແລະ ນໍາລົດຄັນດັ່ງກ່າວມາກວດຄົ້ນຢ່າງລະລະອຽດຢູ່ທີ່ກອງບັນຊາການ ປກສ ແຂວງ.
ຜ່ານການກວດຄົ້ນ ພົບເຫັນຢາບ້າຈໍານວນ 262 ເປົາເທົ່າກັບ 27.832 ມັດ ເທົ່າກັບ 55.664.000ເມັດ ມີນໍາໜັກ 5.566,4 ກິໂລ , ຢາໄອສ ຈໍານວນ 65 ເປົາ ເທົ່າກັບ 1.537 ຫໍ່ ມີນໍາໜັ້ກ 1.537 ກິໂລ, ລົດບັນທຸກ 12 ລໍ້ 1 ຄັນ, ແລະ ໄດ້ກັກຕົວ ທ້າວ ທອງໄຊທໍ ໂຊເຟີລົດ ອາຍຸ 22 ປີ ອາຊີບຂັບລົດ ຢູ່ບ້ານ ນໍ້າສະໝອກເໜືອ ເມືອງຫ້ວຍຊາຍແຂວງບໍ່ແກ້ວ.
ຜ່ານການສືບສວນ-ສອບສວນ ຜູ້ກ່ຽວໄດ້ໃຫ້ການຕໍ່ເຈົ້າໜ້າວ່າ ເຄື່ອງດັ່ງກ່າວແມ່ນຂອງທ້າວ ໄຊຕົງທໍ່ ອາຍຸ 40 ປີ ອາຊີບ ນັກທຸລະກິດ ຢູ່ບ້ານຫ້ວຍຊາຍນ້ອຍ ເມືອງຫ້ວຍຊາຍແຂວງບໍ່ແກ້ວ ຫຼັງຈາກນັ້ນທາງເຈົ້າໜ້າທີ່ ວິຊາສະເພາະ ຈຶ່ງປະສານສົມທົບກັບພາກສ່ວນທີ່ກ່ຽວຂອງ ເຂົ້າກວດຄົ້ນ ເຮືອນຂອງທ້າວ ໄຊຕົ່ງທໍ່.

["]


ຜ່ານການກວດຄົ້ນໄດ້ພົບເຫັນຢາບ້າ 4 ຖົງໃຫຍ່ ນໍ້າໜັກ 45.5 ກິໂລ, ແປ້ງຝຸ່ນສີແດງ ຈໍານວນ 21 ຖົງໃຫຍ່ ນໍ້າໜັກ 159 ກິໂລ, ແປ້ງຝຸ່ນສີຂາວ 20 ກິໂລ, ແປ້ງຝຸ່ນສີຟ້າ 2 ຖົງນ້ອຍ ຈໍານວນ 300 ກຣາມ, ນໍາຢາເຄມີ 1 ຕຸກໃຫຍ່ 3 ຕຸກນ້ອຍນໍ້າໜັກ 10 ກິໂລ , ຢ້າບ້າເມັດສີຂຽວ 2 ຖົງໃຫຍ່ ນໍ້າໜັກ 2 ກິໂລ, ຢາບ້າເມັດສີຂາວ ຈໍານວນ 1 ຖົງນ້ອຍ ນໍ້າໜັ້ກ 200 g ເຄື່ອງອັດຢາເສິບຈຳນວນ 1 ເຄຶ່ອງ, ອາວຸດເສີກ ປະເພດປືນ AK ຈໍານວນ 1 ກະບອກ, ປືນສັ້ນ 9 ມມ ຈໍານວນ 1 ກະບອກ ພ້ອມລູກປືນ, ພົບເຫັນຕູ້ເຊັບຈຳນວນ 5 ໜ່ວຍພາຍໃນຕູ້ມີ ວັດຖຸຄ້າຍຄືຄຳ-ເງີນອີກຈຳນວນໜື່ງ ດັ່ງນັ້ນ ທາງເຈົ້າໜ້າທີ່ຂອງພວກເຮົາຈື່ງໄດ້ຢືດ ເຄື່ອງຈໍານວນດັ່ງກ່າວ ເກັບຮັກສາໄວ້ເປັນຂອງກາງ ເຈົ້າໜ້າທີ່ພະແນກສືບສວນ-ສອບສວນ ປກສ ແຂວງບໍ່ແກ້ວ ພວມດໍາເນີນສືບ-ສວນສອບສວນຂະຫຍາຍຜົນຕໍ່ໄປ.
ພາບ-ຂ່າວ: ພະແນກໂຄສະນາ ປກສ ແຂວງບໍ່ແກ້ວ