ອົງການອຸຕຸນິຍົມວິທະຍາໂລກ (WMO) ຂອງອົງການສະຫະປະຊາຊາດໄດ້ເຜີຍແຜ່ບົດລາຍງານສະພາບອາກາດໃນອາຊີເມື່ອວັນທີ 26 ຕຸລາຜ່ານມາວ່າ: ປີ 2020 ເປັນປີທີ່ຮ້ອນທີ່ສຸດຂອງທະວີບອາຊີ ໂດຍສະພາບອາກາດໄດ້ປ່ຽນແປງຢ່າງຮຸນແຮງ ສົ່ງຜົນກະທົບໄປທົ່ວທະວີບອາຊີ ເຮັດໃຫ້ມີຜູ້ເສຍຊີວິດຫຼາຍພັນຄົນ, ປະຊາຊົນອີກຫຼາຍລ້ານຄົນຕ້ອງອົບພະຍົກຍ້າຍຖິ່ນຖານ ສ້າງຄວາມເສຍຫາຍເປັນມູນຄ່າຫຼາຍຮ້ອຍຕື້ໂດລາສະຫະລັດ ແລະ ຍັງສ້າງຄວາມເສຍຫາຍຢ່າງໜັກໜ່ວງຕໍ່ໂຄງສ້າງພື້ນຖານ ແລະ ລະບົບນິວເວດ.
ນອກຈາກນີ້ ຍັງຄຸກຄາມແຜນພັດທະນາທີ່ຍືນຍົງ, ຂະນະທີ່ຄວາມບໍ່ໝັ້ນຄົງທາງດ້ານສະບຽງອາຫານ ແລະ ນ້ຳ, ຄວາມສ່ຽງດ້ານສຸຂະພາບ ແລະ ການເຊື່ອມໂຊມຂອງສິ່ງແວດລ້ອມກໍກຳລັງເພີ່ມສູງຂຶ້ນເຊັ່ນດຽວກັນ.