ສຳນັກຂ່າວຕ່າງປະເທດລາຍງານໃນວັນທີ 25 ຕຸລາ 2021 ວ່າ ຊາວນະຄອນຫຼວງປໍໂຕແປ໋ງຂອງເຮຕິ ຕ້ອງຕົກຢູ່ໃນຄວາມຫຍຸ້ງຍາກລຳບາກ ຫຼັງຈາກທີ່ປະສົບບັນຫາກາຂາດແຄນນ້ຳມັນຢ່າງໜັກໜ່ວງ ຍິ່ງເປັນການຊ້ຳເຕີມຊີວິດການເປັນເປັນຢູ່ຂອງປະຊາຊົນເຮຕິຕື່ມອີກ.
ກ່ອນໜ້ານີ້ ຊາວເຮຕິຕ້ອງປະເຊີນກັບບັນຫາມາແລ້ວຫຼາຍຢ່າງ ບໍ່ວ່າຈະເກີດເຫດການແຜ່ນດິນໄຫວຢ່າງຮຸນແຮງ, ການລັກລອບສັງຫານຜູ້ນຳ, ການປຸ້ນຈີ້ຂອງກຸ່ມແກ໋ງຕິດອາວຸດ ຕະຫຼອດຮອດການລັກພາຕົວ ແລະ ຫຼ້າສຸດປະສົບກັບການຂາດແຄນນ້ຳມັນ.
ລາຍງານລະບຸວ່າ ເປັນເວລາ 2 ອາທິດແລ້ວ ທີ່ການສົ່ງມອບນ້ຳມັນຖືກກຸ່ມຕິດອາວຸດຂັດຂວາງ ລວມທັງການລັກພາໂຕພະນັກງານຂັບລົດຂົນສົ່ງນ້ຳມັນ. ທັງນີ້ ນ້ຳມັນຖືວ່າເປັນສິ່ງຈຳເປັນຕໍ່ການດຳລົງຊີວິດຂອງຊາວເຮຕິ ໂດຍສະເພາະໃນນະຄອນຫຼວງປໍໂຕແປ໋ງ ເນື່ອງຈາກວ່າ ບ້ານເຮືອນຂອງປະຊາຊົນຈຳນວນຫຼາຍຕ້ອງຊັກຈັກປັ່ນໄຟ ເພາະລະບົບໄຟຟ້າພາຍໃນປະເທດບໍ່ສະຖຽນ, ຂະນະທີ່ປ້ຳນ້ຳມັນໃນນະຄອນຫຼວງປໍໂຕແປ໋ງ ສ່ວນຫຼາຍມີກຸ່ມແກ໋ງຕິດອາວຸດຄວບຄຸມຢູ່ ພ້ອມທັງມີກຸ່ມແກ໋ງປຸ້ນຈີ້ຊີງຊັບ