ຈາກໄປທຸກວັນ ອີກ 1 ກໍລະນີຜູ້ຈາກໄປຍ້ອນໂຄວິດ, ຕິດເຊື້ອໃໝ່ 615 ຄົນ

847

ອີກແລ້ວພົບຜູ້ຈາກໄປຍ້ອນໂຄວິດເພີ່ມ 1 ກໍລະນີ, ຕິດເຊື້ອໃໝ່ທັງໝົດ 615, ນໍາເຂົ້າ 3 ຄົນ, ຕິອເຊື້ອພາຍໃນ 612 ຄົນ ໃນນັ້ນ ຫຼວງພະບາງຫຼາຍກ່ອນໝູ່ 229 ຄົນ, ນະຄອນຫຼວງວຽງຈັນ 114 ຄົນ
ດຣ. ສີສະຫວາດ ສຸດທານີລະໄຊ ຮອງຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ລາຍງານ ສະພາບການລະບາດຂອງພະຍາດ COVID-19 ຢູ່ ສປປ ລາວ ວ່າວັນທີ 24 ຕຸລາ 2021, ທົ່ວປະເທດ ໄດ້ເກັບຕົວຢ່າງມາກວດຊອກຫາເຊືື້ອ COVID-19 ທັງໝົດ 5.741 ຕົວຢ່າງ,

ໃນນັ້ນ ກວດພົບຜູ້ຕິດເຊືື້ອໃໝ່ 615 ຄົນ (ຕິດເຊື້ອພາຍໃນ ມີ 612 ຄົນ ແລະ ຕິດເຊື້ອນໍາເຂົ້າ 3 ຄົນ ຈາກ ແຂວງສະຫວັນນະເຂດ) ແລະ ເສຍຊີວິດ 1 ຄົນ
ການຕິດເຊືື້ອພາຍໃນ ໃໝ່ທັງໝົດ 612 ຄົນ ໝູ່ 229 ຄົນ, ນະຄອນຫຼວງວຽງຈັນ 114 ຄົນ, ວຽງຈັນ 98 ຄົນ, ຄໍາມ່ວນ 48 ຄົນ, ຫຼວງນໍ້າທາ 26 ຄົນ, ໄຊສົມບູນ 18 ຄົນ, ຈໍາປາສັກ 12 ຄົນ, ສະຫວັນນະເຂດ 3 ແລະ ສາລະວັນ 2 ຄົນ

["]

ລາຍລະອຽດຜູ້ເສຍຊີວິດໃໝ່ 1 ຄົນ ມີດັ່ງນີ້
ເປັນເພດຍິງ, ອາຍຸ 75 ປີ, ບ້ານພູເຂົາຄໍາ, ເມືອງແກ້ວອຸດົມ, ແຂວງວຽງຈັນ, ຜູ້ກ່ຽວຍັງບໍ່ທັນໄດ້ຮັບການສັກວັກຊີນ ມີພະຍາດປະຈຳໂຕ ເບົາຫວານ, ຄວາມດັນ ແລະ ກີນຢາມາຫຼາຍປີ, ນອນກັບທີ່ມາຫຼາຍເດືອນ
ຜູ້ກ່ຽວເປັນຜູ້ສໍາຜັດໃກ້ຊິດກັບລູກສາວທີ່ກວດພົບເຊື້ອມາກ່ອນ, ວັນທີ 10 ຕຸລາ 2021 ຜູ້ກ່ຽວມີອາການໄຂ້, ໄອ, ອີດເມື່ອຍ ແລະ ກິນດື່ມບໍ່ໄດ້,

ວັນທີ 13 ຕຸລາ 2021: ໄດ້ໄປເກັບຕົວຢ່າງມາກວດຊອກຫາພະຍາດໂຄວີດ-19 ຢູ່ໂຮງໝໍເມືອງແກ້ວອຸດົມ, ວັນທີ 14 ຕຸລາ 2021: ຜົນກວດແມ່ນພົບເຊື້ອພະຍາດໂຄວິດ-19 ຈື່ງໄດ້ເຂົ້ານອນປີ່ນປົວຢູ່ສູນປີ່ນປົວໂຄ
ວິດ-19 ທີ່ໂພນໂຮງ ແຂວງວຽງຈັນ

ໄລຍະທີ່ນອນປິ່ນປົວຢູ່ໂຮງໝໍດັ່ງກ່າວ ແມ່ນແຕ່ວັນທີ 13-23 ຕຸລາ 2021 ເປັນເວລາ 12 ວັນ, ວັນທີ 24 ຕຸລາ 2021: ຄົນເຈັບບໍ່ໄດ້ສະຕິ, ຄົນເຈັບຢຸດຫາຍໃຈ, ຫົວໃຈຢຸດເຕັ້ນ, ແພດໝໍໄດ້ສຸມທຸກກຳລັງເຊິດຊູຄົນເຈັບ ແຕ່ ບໍ່ຕອບສະຫນອງຕໍ່ການກະຕຸ້ນ ເເລະ ເສຍຊີວິດເວລາຕໍ່ມາ .