ສຳນັກງານອຸຕຸນິຍົມ ວິທະຍາ ຍີ່ປຸ່ນລາຍງານວ່າ: ຍີ່ປຸ່ນ ໄດ້ຍົກລະດັບເຕືອນໄພ ຫຼັງຈາກທີ່ພູໄຟອາໂສ (Sao) ລະເບີດ ຢ່າງຮຸນແຮງ ໃນວັນທີ 20 ຕຸລາ 2021 ເປັນລະດັບ 3 ຈາກລະດັບເຕືອນໄພ ທີ່ມີຢູ່ 5 ລະດັບ ໂດຍແຈ້ງໃຫ້ປະຊາຊົນບໍ່ໃຫ້ເຂົ້າໃກ້ບໍລິເວນພູໄຟ ເຊິ່ງເປັນສະຖານທີ່ທ່ອງທ່ຽວ ທີ່ມີຊື່ສຽງ ຂອງຍີ່ປຸ່ນ ອີກແຫ່ງໜຶ່ງ.
ນອກຈາກນັ້ນ ຍັງເຕືອນເຖິງອັນຕະລາຍ ຈາກໂງ່ນຫີນຂະໜາດໃຫຍ່ ແລະ ກ້ອນຫີນນ້ອຍ ຈາກພູໄຟ ທີ່ກະຈາຍໃນລັດສະໝີ ປະມານ ກິໂລແມັດ ຈາກປ່ອງພູໄຟ ແລະ ມີຂີ້ເຖົ່າໄຟລອຍຂຶ້ນເທິງຟ້າສູງເຖິງ 1,5 ກິໂລແມັດ ໃນແຂວງຄຸມາໂມໂຕະ ອາດເປັນອັນຕະລາຍ ຕໍ່ສຸຂະພາບ ຂອງປະຊາຊົນ ໃນເຂດໃກ້ຄຽງ.
