ສະຫະລັດ ກັງວົນໂຄງການຈະຫຼວດໄຮເປີ ໂຊນິກ ຣັດເຊຍ-ຈີນ

1048

ທ່ານ ໂຣ​ເບີດ ວູດ ຜູ້​ແທນ​ຖາ​ວອນ​ຂອງ​ສະ​ຫະ​ລັດ​ອາ​ເມ​ຣິ​ກາ​ດ້ານ​ອາ​ວຸດ ແລະ ອະ​ນຸ​ສັນ​ຍາ​ຫ້າມ​ອາ​ວຸດ​ຊີ​ວະ​ພາບ (BWC) ປະ​ຈຳ ສ​ປ​ຊ ທີ່​ນະ​ຄອນ​ເຈ​ນີ​ວາ ກ່າວ​ວ່າ: ເຕັກ​ໂນ​ໂລ​ຊີ​ການ​ພັດ​ທະ​ນາ​ອາ​ວຸດ​ນຳ​ວິ​ຖີ​ເຄື່ອນ​ທີ່​ດ້ວຍ​ຄວາມ​ໄວ​ເໜືອ​ສຽງ ຫຼື ໄຮ​ເປີ ໂຊ​ນິກ ເປັນ​ປະ​ເດັນ​ທີ່​ລັດ​ຖະ​ບານ​ສະ​ຫະ​ລັດ​ມີ​ຄວາມ​ວິ​ຕົກ​ກັງ​ວົນ​ມາ​ໂດຍ​ຕະຫຼອດ ແລະ ສະ​ຫະ​ລັດ​ໄດ້​ຢຸດ​ຕິ​ການ​ພັດ​ທະ​ນາ​ອາ​ວຸດ​ປະ​ເພດ​ນີ້​ມາ​ໄດ້​ໄລ​ຍະ​ໜຶ່ງ​ແລ້ວ.

ແນວ​ໃດ​ກໍ​ຕາມ ການ​ທີ່​ຣັດ​ເຊຍ ແລະ ຈີນ​ເດີນ​ໜ້າ​ພັດ​ທະ​ນາ​ອາ​ວຸດ​ໄຮ​ເປີ​ໂຊ​ນິກ​ຢ່າງ​ຕໍ່​ເນື່ອງ ເຮັດ​ໃຫ້​ສະ​ຫະ​ລັດ​ຕ້ອງ​ຕອບ​ສະ​ໜອງ​ໃຫຫ້ສ​ອດ​ຄ່ອງ​ກັນ ແລະ ສະ​ຫະ​ລັດ​ຫວັງ​ວ່າ ຈະ​ມີ​ການ​ປຶກ​ສາ​ຫາ​ລື​ກັນ​ໃນ​ລະ​ດັບ​ສາ​ກົນ ເພື່ອ​ກຳ​ນົດ​ກົດ​ເກນ ແລະ ກົນ​ໄກ​ທີ່​ເປັນ​ພື້ນ​ຖານ ກ່ຽວ​ກັບ​ການ​ພັດ​ທະ​ນາ​ຂີ​ປາ​ນາ​ວຸດ​ໄຮ​ເປີ​ໂຊ​ນິກ.

["]

ທັງ​ນີ້ ຜູ້​ແທນ​ສະ​ຫະ​ລັດ​ໄດ້​ຍົກ​ຕົວ​ຢ່າງ ຂີ​ປາ​ນາ​ວຸດ​ໄຮ​ເປີ​ໂຊ​ນິກ “ອາ​ວາງ​ກາດ” (Avangard) ເຊິ່ງກອງ​ທັບ​ຣັດ​ເຊຍ​ໄດ້​ນຳ​ເຂົ້າ​ປະ​ຈຳ​ການ​ເມື່ອ​ທ້າຍ​ປີ 2019 ຫຼັງ​ຈາກ​ທີ່​ປະ​ທາ​ນາ​ທິ​ບໍ​ດີ​ ປູ​ຕິນ ເປີດ​ຕົວ ອາ​ວຸດ​ອາ​ວາງ​ກາດ ຄື 1 ໃນ 6 ອາ​ວຸດ​ເຊີງ​ຍຸດ​ທະ​ສາດ​ຍຸກ​ໃໝ່ ສາ​ມາດ​ທົນ​ທານ​ແຮງ​ສຽດ​ທານ​ຈາກ​ອຸນ​ຫະ​ພູມ​ສູງ​ເຖິງ 2.000 ອົງ​ສາ, ເດີນ​ທາງ​ໄວ​ກວ່າ​ສຽງ 27 ເທົ່າ ແລະ ສາ​ມາດ​ຕິດ​ຕັ້ງ​ຫົວ​ຮົບ​ນິວ​ເຄ​ລຍ​ທີ່​ມີ​ນ້ຳ​ນັກ​ສູງ​ສຸດ 2 ເມ​ກາ​ໂຕນ.