ເສດຖະກິດຈີນ ຂະຫຍາຍຕົວຊ້າລົງ ໃນໄຕມາດ 3

428

ສຳ​ນັກ​ຂ່າວ​ຕ່າງ​ປະ​ເທດ​ລາຍ​ງານ​ວ່າ ສູນ​ສະ​ຖິ​ຕິ​ແຫ່ງ​ຊາດ ສ​ປ ຈີນ ເປີດ​ເຜີຍ​ໃນ​ວັນ​ທີ 18 ຕຸ​ລາ 2021 ວ່າ: ​ໃນ​ໄຕ​ມາດ 3 ຂອງ​ປີ 2021 ເສດ​ຖະ​ກິດຈີນຂະ​ຫຍາຍ​ຕົວ 4,9% ເມື່ອ​ທຽບ​ໃສ່​ໄລ​ຍະ​ດຽວ​ກັນ​ຂອງ​ປີ​ຜ່ານ​ມາ ແຕ່​ຂະ​ຫຍາຍ​ຕົວ​ຊ້າ​ລົງ​ເມື່ອ​ທຽບ​ກັບ​ໄຕ​ມາດ 2 ຂອງ​ປີ​ນີ້ ທີ່​ຂະ​ຫຍາຍ​ຕົວ 7,9% ໃນ​ຂ​ະ​ນະ​ທີ່​ໄຕ​ມາດ​ທຳ​ອິດ​ຂອງ​ປີ 2021 ຂະ​ຫຍາຍ​ຕົວ 18,3%.

ລາ​ຍາງນ​ລະ​ບຸ​ວ່າ ຕົວ​ເລກ​ການ​ຂະ​ຫຍາຍ​ຕົວ​ຂອງ​ເສດ​ຖະ​ກິດ​ຈີນ ໄດ້​ເລີ່ມ​ຊ້າ​ລົງ ໄດ້​ສ້າງ​ແຮງ​ກົດ​ດັນ​ໃຫ້​ແກ່​ລັດ​ຖະ​ບານ​ຈີນ ໃນ​ການ​ກຳ​ນົດ ແລະ ຂັບ​ເຄື່ອນ​ນະ​ໂຍ​ບາຍ​ດ້ານ​ເສດ​ຖະ​ກິດ​ໃນ​ໄລ​ຍະ 3 ເດືອນ​ສຸດ​ທ້າຍ​ຂອງ​ປີ​ນີ້ ເຊິ່ງ​ເປັນ​ໜຶ່ງ​ໃນ​ຕົວ​ປ່ຽນ​ສຳ​ຄັນ​ຄື​ການ​ບໍ​ລິ​ຫານ​ຈັດ​ການ​ຄວາມ​ສ່ຽງ​ຂອງ “ໄຊ​ນາ ເອ​ເວີ ແກ​ຣນ” ເຊິ່ງ​ເປັນ​ບໍ​ລິ​ສັດ​ອະ​ສັງ​ຫາ​ລິ​ມະ​ຊັບ​ລາຍ​ໃຫຍ່​ອັນ​ກັບ 2 ຂອງ​ປະ​ເທດ ທີ່​ມີ​ໜີ້​ສິນ​ມະ​ຫາ​ສານ​ປະ​ມານ 300 ຕື້​ໂດ​ລາ​ສະ​ຫະ​ລັດ.

["]

ນອກ​ຈາກ​ນີ້ ຍັງ​ມີ​ບັນ​ຫາ​ວິ​ກິດ​ພະ​ລັງ​ງານ​ໃນ​ຈີນ ເນື່ອງ​ຈາກ​ລາ​ຄາ​ຖ່ານ​ຫີນ​ເພີ່ມ​ຂຶ້ນ​ຢ່າງ​ຕໍ່​ເນື່ອງ ເຊິ່ງ​ປັດ​ໄຈ​ສ່ວນ​ໜຶ່ງ​ມາ​ຈາກ​ຄຳ​ສັ່ງ​ຂອງ​ພາກ​ລັດ​ເອງ​ທີ່​ຕັດ​ການ​ຈ່າຍ​ກະ​ແສ​ໄຟ​ຟ້າບາງ​ສ່ວນ ເພື່ອ​ບັນ​ລຸ​ເປົ້າ​ໝາຍຫຼຸດ​ຜ່ອນ​ການ​ປ່ອຍ​ອາຍ​ພິດ​ເຮືອນ​ແກ້ວ ເຮັດ​ໃຫ້​ອຸດ​ສາ​ຫະ​ກຳ​ຂະ​ໜາດ​ໃຫຍ່​ໄດ້​ຮັບ​ຜົນ​ກະ​ທົບ ຈົນ​ຈຳ​ເປັນຫຼຸດ​ກຳ​ລັງ​ການ​ຜະ​ລິດ ສົ່ງ​ຜົນ​ໃຫ້​ລາ​ຄາ​ສິນ​ຄ້າ​ໂພກ​ກະ​ພັນຫຼາຍ​ຊະ​ນິດ ມີ​ຕົ້ນ​ທຶນ​ການ​ຜະ​ລິດ​ສູງ​ຂຶ້ນ​ໂດຍ​ປະ​ລິ​ຍາຍ. ແນວ​ໃດ​ກໍ​ຕາມ ນັກ​ວິ​ເຄະ​ຍັງ​ເຊື່ອ​ໝັ້ນ​ວ່າ ເສດ​ຖະ​ກິດ​ຈີນ​ຍັງ​ສືບ​ຕໍ່​ຂະ​ຫຍາຍ​ຕົວ​ຢູ່​ໃນ​ລະ​ດັບ​ສູງ ເຊິ່ງ​ຄາດ​ວ່າ ໝົດ​ປີ​ນີ້ ເສດ​ຖະ​ກິດ​ຈີນ​ຈະ​ຂະ​ຫຍາຍ​ສະ​ເລ່ຍ ບໍ່​ຕ່ຳ​ກວ່າ 8%.