ຫ້ອງວ່າການສຳນັກງານນາຍົກລັດຖະມົນຕີ ໄດ້ອອກແຈ້ງການສະບັບເລກທີ 1292/ຫສນຍ ວ່າດ້ວຍທິດຊີ້ນຳກ່ຽວກັບການຮັບຮອງການຕັ້ງຊື່ຂະບວນລົດໄຟໂດຍສານສາຍດ່ວນ (ຂະບວນທຳອິດ) ເພື່ອມາຮັບໃຊ້ການບໍລິການພາຍໃນປະເທດ ແລະ ສາກົນ.
ເຫັນດີຮັບຮອງການຕັ້ງຊື່ຂະບວນລົດໄຟໂດຍສານສາຍດ່ວນ (ຂະບວນທຳອິດ) ເພື່ອມາຮັບໃຊ້ການບໍລິການພາຍໃນປະເທດ ແລະ ສາກົນທີ່ຈະມາກາງເດືອນຕຸລາ 2021 ຄື “ຂະບວນລ້ານຊ້າງ”
ສຳລັບຂະບວນລົດໄຟໂດຍສານສາຍດ່ວນ ທີ່ບໍລິສັດທາງລົດໄຟລາວ-ຈີນ ທີ່ມີແຜນຈະຈັດຊື້ມາໃໝ່ໃນຕໍ່ໜ້າອີກ 01 ຂະບວນນັ້ນ ແມ່ນເຫັນດີໃຫ້ຕັ້ງຊື່ “ຂະບວນແຄນລາວ”
ເຊິ່ງທາງ Laos-china railway ໄດ້ແຈ້ງຂ່າວຜ່ານແຟນເພຈວ່າ ລົດໄຟລາວ-ຈີນ ຂະບວນ “ລ້ານຊ້າງ“ ຈະມາຮອດນະຄອນຫຼວງວຽງຈັນ, ປະເທດລາວ ໃນວັນສຸກ ທີ 15 ຕຸລານີ້ ຫຼື ອີກ 3 ວັນຕໍ່ໜ້າ ລໍຖ້າໄດ້ເລີຍ
