ຂ່າວໃຫຍ່ເມື່ອຫຼ້າສຸຸດ ພຣີເມຍລີກ ອັງກິດ ປະກາດຢືນຢັນຢ່າງເປັນທາງການເມື່ອວັນທີ 7 ຕຸລາ 2021 ວ່າ: ກຸມນັກລົງທຶນ ຊາອຸດິດ ອາຣະເບຍ ໄດ້ເຂົ້າມາຊື້ກິດຈະການຂອງສະໂມສອນ ນິສຄາສເຊິລ ຢູໄນເຕັດ ທີ່ມີທ່ານ ໂມຮໍາເໝັດ ບິນ ຊັລມານ ເຈົ້າຊາຍຂອງປະເທດຊາອຸດິດ ອາຣະເບຍ ເປັນຜູ້ຢູ່ເບື້ອງຫຼັງ ທີມໃນພຣີເມຍລີກ ອັງກິດ ເປັນທີ່ຮຽບຮ້ອຍ ເຮັດໃຫ້ແຟນບານຂອງສະໂມສອນດັ່ງກ່າວອອກມາສະຫຼອງກັນຢ່າງຍິ່ງໃຫຍ່ ແລະ ມີການລາຍງານວ່າ ງົບການເສືມທີມກ້ອນທໍາອິດມະຫາສານ.
ເດິ ກາດຽນ ສື່ທີ່ມີຊື່ສຽງຂອງປະເທດອັງກິດ ລາຍງານວ່າ: ເຈົ້າຂອງທີມຄົນໃໝ່ຂອງສະໂມສອນ ນິວຄາສເຊິລ ຢູໄນເຕັດ ອະນຸມັດງົບປະມານ ໃນການເສີມທີມກ້ອນທໍາອິດ ຈໍານວນ 150 ລ້ານປອນ ເລີ່ມຈາກຕະຫຼາດຊື້-ຂາຍນັກເຕະໃນເດືອນມັງກອນ 2022 ເປັນຕົ້ນໄປ ພ້ອມກັບຄາດການວ່າຈະມີການເລັ່ງດຶງຄູຝຶກລະດັບແຖວໜ້າມາຄຸມທີມອີກດ້ວຍ.
ສໍາລັບ ເຈົ້າຂອງທີມຄົນໃໝ່ຂອງ ນິວຄາສເຊິລ ຢູໄນເຕັດ ແມ່ນ ຊາອຸດິດ ອາຣະເບຍ ພັບບລິກ ອິນເວັສເມັນ ຟັນ ມາແທນທີ່ຂອງ ໄມ ແອຊລີ ອະດີດເຂົ້າຂອງທີມຄົນເກົ່າ ທີ່ມີການບໍລິຫານການໃຊ້ຈ່າຍຢ່າງປະຫຍັດໃນລະຫວ່າງປີ 2018-2020 ຈົນເຮັດໃຫ້ທີມມີກໍາໄລເຖິິງ 35 ລ້ານປອນ.
ນອກນັ້ນ, ສິ່ງທີ່ພິເສດທີ່ສຸດຂອງ ຊາອຸດິດ ອາຣະເບຍ ພັບບລິກ ອິນເວສເມັນ ຟັນ ເຈົ້າຂອງທີມຄົນໃໝ່ຂອງ ນິວຄາສເຊິລ ຢູໄນເຕັດ ຄືຖືຈັດໃຫ້ເປັນເຈົ້າຂອງທີມທີ່ມີຊັບສິ້ນຫຼາຍທີ່ສຸດໃນໂລກເຖິງ 320 ຕື້ປອນ ເໜືອອັນດັບ 2 ຢ່າງ ກາຕາ ອິນເວສເມັນ ອໍທໍຣິຕີ້ ເຈົ້າຂອງທີມ ປາຣີສ ແຊງແຊກແມງ ທີ່ມີຊັບສິນມູນຄ່າ 220 ຕື້ປອນ ແລະ ອັນດັບ 3 ຊິກ ມານຊູ ເຈົ້າຂອງທີມ ແມນເຊັສເຕີ ຊິຕີ້ ມີຊັບສິນມູນຄ່າ 21 ຕື້ປອນ ຈິ່ງບໍ່ແປກເລີຍທີ່ ນິວຄາສເຊິລ ຢູໄນເຕັດ ຈະກາຍເປັນທີມຍັກໃຫຍ່ໃນພຣີເມຍລີກ ອັງກິດ ໃນອະນາຄົດນີ້.
ຮູບຈາກ: AP
