ສຳນັກຂ່າວບລູມເບີກ ລາຍງານວ່າ ທ່ານ ກັນ ຄິມ ຢົງ ລັດຖະມົນຕີກະຊວງການຄ້າ ຂອງສິງກະໂປເປີດເຜຜີຍວ່າ: ສິງກະໂປກຳລັງປຶກສາຫາລືກັບຫຼາຍປະເທດ ລວມທັງສະຫະລັດອາເມຣິກາ ແລະ ສະຫະພາບເອີຣົບ (ອີຢູ) ເພື່ອເປີດເສັ້ນທາງການບິນສຳລັບຜູ້ທີ່ສັກວັກແຊັງແລ້ວ ແລະ ຫວັງວ່າ ຈະສາມາດເປີດຖ້ຽວບິນໃໝ່ທີ່ນອກຈາກເຢຍລະມັນ ແລະ ບຣູໄນ ໄດ້ພາຍໃນປີນີ້ ຫຼື ໄວກວ່ານັ້ນ.
ແນວໃດກໍຕາມ ສະຫະລັດໄດ້ອອກຖະແຫຼງການເຕືອນປະຊາຊົນເມື່ອອາທິດຜ່ານມາວ່າ ການເດີນທາງໄປສິງກະໂປໃນຊ່ວງນີ້ ຖືວ່າອັນຕະລາຍ ເນື່ອງຈາກຍັງຜູ້ຕິດເຊື້ອໃນຊຸມຊົນຢູ່ໃນລະດັບສູງ ແລະ ມີລາຍງານພົບຜູ້ຕິດເຊື້ອໃໝ່ເກີນ 1.000 ຄົນຢ່າງຕໍ່ເນື່ອງນັບແຕ່ກາງເດືອນກັນຍາເປັນຕົ້ນມາ.
ທັງນີ້ ສູນຄວບຄຸມ ແລະ ປ້ອງກັນພະຍາດ (CDC) ສະຫະລັດໄດ້ອອກມາເຕືອນວ່າ ຜູ້ທີ່ເດີນທາງໄປສິງກະໂປສ່ຽງຕໍ່ການຕິດເຊື້ອພະຍາດໂຄວິດ-19 ໃສ່ຜູ້ອື່ນ ພ້ອມທັງຍົກລະດັບຄຳແນະນຳການເດີນທາງໄປສິງກະໂປຂຶ້ນເປັນລະດັບ 3 ຈາກທັງໝົດ 4 ລະດັບ.
