ເງື່ອນໄຂການເຄື່ອນໄຫວເດີນທາງໃນນະຄອນຫຼວງລະຫວ່າງນີ້ຫາວັນທີ 15 ຕຸລາ

487

ນະຄອນຫຼວງວຽງຈັນໃນໄລຍະແຕ່ນີ້ຫາວັນທີ 15 ຕຸລາ 2021 ນອກຈາກ ສືບຕໍ່ປິດດ່ານບ້ານໂດນ ເມືອງປາກງື່ມ, ດ່ານທ່າ ເດືອ ເມືອງຫາດຊາຍຟອງ, ດ້ານຫນອງດາ ເມືອງສີໂຄດຕະບອງ, ດ້ານໂຄກແຫ້ ເມືອງສັງທອງ ຢ່າງເຂັ້ມງວດເຂັ້ມງວດແລ້ວຍັງມີດ່ານສາກົນຂົວມິດຕະພາບ1 ລວມເຖິງການເຄື່ອນໄຫວພາຍໃນກໍ່ຍັງຕ້ອງເຝົ້າຍາມຢ່າງເຄັ່ງຄັດ.

ສໍາລັບ ດ່ານສາກົນຂົວມິດຕະພາບ ລາວ-ໄທ 1 ແມ່ນປິດການອະນຸຍາດເດິນທາງ ເຂົ້າ-ອອກ ຂອງບຸກຄົນທົ່ວໄປ, ຍົກເວັ້ນຜູ້ທີ່ໄດ້ຮັບອະນຸຍາດຈາກຄະນະສະເພາະກິດ ຂັ້ນສູນກາງ; ສ່ວນລົດຂົນສົ່ງສິນຄ້າ ໃຫ້ປະຕິບັດຕາມ ມາດຕະການທີ່ລະບຸໄວ້ໃນແຈ້ງການ ຂອງກະຊວງໂຍທາທິການ ແລະ ຂົນສົ່ງ ສະບັບເລກທີ 242/ຍທຂ, ລົງວັນທີ 23 ເມສາ 2021 ຢ່າງເຂັ້ມງວດ, ສໍາລັບ ຜູ້ຂັບລົດ ຕ້ອງໄດ້ຮັບວັກຊີນຄົບໂດສ.

["]

ພ້ອມດຽວກັນນີ້ ການເດີນທາງ ໄປ-ມາ ພາຍໃນນະຄອນຫຼວງວຽງຈັນ ແມ່ນໃຫ້ ປກສ ກຸ່ມບ້ານ, ອົງການປົກຄອງບ້ານ, ຫົວຫນ່ວຍ 10 ຫລັງຄາເຮືອນ ຈັດຕັ້ງຈຸດກວດກາເວນຍາມ ລາດຕະເວນ 24 ຊົ່ວໂມງ ຫ້າມ ບຸກຄົນອອກຈາກ ບໍລິເວນເຮືອນ, ປີດ ທາງຮ່ອມ, ທາງຊອຍ ຂອງເຂດ/ບ້ານແດງ ລວມທັງໃຫ້ ປິດ ບັນດາໂຮງຈັກ, ໂຮງງານ, ກິດຈະການ, ກິດຈະກໍາຕ່າງໆ, ປິດສໍານັກງານອົງການ, ຫ້າມ ຈັດກິດຈະກໍາການປະຊມ, ຫ້າມໃຊ້ບໍລິການ ໃນຮ້ານອາຫານໃຫ້ມີແຕ່ການສ້ງຊື່ ແລະ ຈັດສົ່ງສະເພາະ ພ້ອມກັນ ນັ້ນ ກໍ່ໃຫ້ດໍາເນີນມາດຕະການທາງການແພດ ຢ່າງເຄັ່ງຄັດ ເຊັ່ນ: ອະນາໄມຂ້າເຊື້ອ, ກໍາຈັດຂີ້ເຫຍື້ອ ແລະອື່ນໆ ທີ່ຈໍາເປັນຂອງວຽກງານການແພດ.

ໃຫ້ກອງບັນຊາການ ປກສ ຕັ້ງຈຸດກວດກາ ແລະ ເຄື່ອນໄຫວລາດຕະເວນ ຫ້າມຄົນນະຄອນຫຼວງວຽງຈັນເດີນທາງອອກໄປເຂດ, ແຂວງທີ່ມີການລະບາດໃນຊຸມຊົນ ແລະ ຫ້າມ ຄົນທີ່ມາຈາກເຂດແຂວງ ທີ່ມີການ ລະບາດໃນຊຸມຊົນ ເດີນທາງເຂົ້າມານະຄອນຫຼວງວຽງຈັນ, ຖ້າຈໍາເປັນເຂົ້າມາ ຕ້ອງໄດ້ຈໍາກັດບໍລິເວນຕົນເອງ 14 ວັນ ແລະ ຮັບຜິດຊອບຄ່າໃຊ້ຈ່າຍເອົາເອງ, ຍົກເວັ້ນ ຜູ້ທີ່ໄດ້ຮັບອະນຸຍາດຈາກຄະນະສະເພາະກິດ ຂັ້ນສູນກາງ, ນະຄອນຫຼວງວຽງຈັນ, ແຂວງກ່ຽວຂ້ອງ ແລະ ການຂົນສົ່ງສິນຄ້າ.