ສາລະວັນເຮັດແທ້! ພະນັກງານລັດຖະກອນຕ້ອງເປັນແບບຢ່າງ ຜູ້ຝ່າຝືນປະຕິບັດຕາມລະບຽບ

527

ການລະບາດໂຄວິດ19ຢູ່ແຂວງ ສາລະວັນ ປັດຈຸບັນນີ້ກໍ່ຍັງພົບຜູ້ຕິດເຊື້ອໃນຊຸມຊົນຢູ່ ເຊິ່ງແນ່ນອນສະຖານະການທີ່ສ່ຽງ ການນຳແມ່ນມີມາດຕະການອອກມາເປັນໄລຍະໃຫ້ປະຊາຊົນຮ່ວມປະຕິບັດ ເນື້ອໃນໃຈຄວາມກໍ່ເພື່ອປ້ອງກັນຊີວິດຂອງທຸກໆ ແຕ່ກໍ່ຍັງມີການລະເມີດຕໍ່ມາດຕະການຕ່າງໆຢູ່ ດ້ວຍເຫດນັ້ນຕໍ່ຈາກນີ້ໄປ ແມ່ນຈະປະຕິບັດຢ່າງເດັດຂາດຕໍ່ຜູ້ລະເມີດ ໂດຍສະເພາະພະນັກງານລັດຖະກອນ ທີ່ຄວນເປັນແບບຢ່າງໃຫ້ກັບປະຊາຊົນ ໃນການຄວບຄຸມການລະບາດຂອງເຊື້ອພະຍາດນີ້.

ເພື່ອເປັນການປະຕິບັດເຂັ້ມງວດຂຶ້ນອີກ, ແຂວງ ສາລະວັນອອກແຈ້ງການເລກທີ 609/ຫວຂ.ສວ ລົງວັນທີ 30 ກັນຍາ 2021 ໃນການເພີ່ມທະວີຄວາມເປັນແບບຢ່າງ ຂອງພະນັກງານ-ລັດຖະກອນ ແລະ ມາດຕະການເພີ່ມເຕີມ ຕໍ່ຜູ້ລະເມີດໃນການປະຕິບັດມາດຕະການປ້ອງກັນພະຍາດໂຄວິດ-19 ຢ່າງເຂັ້ມງວດ.
ແຈ້ງການລະບຸວ່າ: ໃນໄລຍະຜ່ານມາອົງການປົກຄອງແຂວງໄດ້ອອກນິຕິກໍາ ເພື່ອຜັນຂະຫຍາຍຄໍາສັ່ງຂອງສູນກາງ, ຂອງແຂວງ ທັງ ເປັນບ່ອນອີງໃນການຈັດຕັ້ງເຄື່ອນໄຫວຂອງພະນັກງານ-ລັດຖະກອນ ພໍ່ແມ່ປະຊາຊົນທີ່ດໍາລົງຊີວິດຢູ່ແຂວງສາລະວັນ ໃນການຕ້ານ ແລະ ສະກັດກັ້ນການແຜ່ລະບາດຂອງພະຍາດໂຄວິດ-19 ເຫັນວ່າ ຫຼາຍພາກສ່ວນເອົາໃຈໃສ່ປະຕິບັດຢ່າງເຂັ້ມງວດ, ເຮັດໃຫ້ການລະບາດຢູ່ແຂວງພວກເຮົາ ແມ່ນຢູ່ໃນລະດັບທີ່ສາມາດຄວບຄຸມໄດ້.

["]

ແຕ່ພະນັກງານ-ລັດຖະກອນ ພໍ່ແມ່ ປະຊາຊົນຈໍານວນຫນຶ່ງ ຍັງຖືເບົາ, ບໍ່ເຂັ້ມງວດເຮັດໃຫ້ມີການແຜ່ເຊື້ອໃນຊຸມຊົນ, ການຊອກຫາປະຫວັດການເຄື່ອນໄຫວ (ທາມລາຍ) ບໍ່ຈະແຈ້ງ, ຍັງມີຫຼີ້ນກິນຊຸມແຊວ, ຈັດງານສ້າງສັນໃນຄອບຄົວແບບເກີນເຫດ (ຍິ່ງໃຫຍ່). ດັ່ງນັ້ນ, ແຂວງສາລະວັນ ຈຶ່ງແຈ້ງໃໝ່ໃຫ້ພ້ອມກັນປະຕິບັດດັ່ງນີ້:
1. ໃຫ້ພະນັກງານ-ລັດຖະກອນ ໃນທົ່ວແຂວງສາລະວັນ ເປັນແບບຢ່າງ ໃນການປະຕິບັດມາດຕະການປ້ອງກັນພະຍາດໂຄ ວິດ-19 ຢ່າງເຂັ້ມງວດ, ພ້ອມທັງແນະນໍາຄອບຄົວ, ຍາດພີ່ນ້ອງ ໃຫ້ປະຕິບັດຕາມມາດຕະການ ຂອງຄະນະສະເພາະກິດ ວາງ ອອກ ຢ່າງເຂັ້ມງວດ ແລະ ແຂງແຮງກວ່າເກົ່າ.

2. ກໍລະນີຫາກມີພະນັກງານ-ລັດຖະກອນ ທີ່ມີການຝ່າຝືນມາດຕະການຄໍາສັ່ງແຈ້ງການຕ່າງໆຂອງແຂວງ, ສະເພາະກິດ ວາງອອກ ໂດຍບໍ່ມີເຫດຜົນອັນສົມຄວນ ເຊັ່ນ: ບໍ່ໃສ່ຜ້າອັດປາກ, ໄປເຂດສ່ຽງ, ມີການຊຸມແຊວ ຫຼື ສ້າງສັນຕ່າງໆທີ່ເກີນ 5 ຄົນຂຶ້ນໄປ ມອບໃຫ້ຫົວຫນ້າພະແນກການ, ກົມກອງທີ່ສັງກັດ ພິຈາລະນາ ຕັກເຕືອນ-ເຮັດບົດບັນທຶກ ຫຼື ຂຽນໃບສໍາຫຼວດ.
3. ກໍລະນີພະນັກງານ-ລັດຖະກອນ ຫາກຕິດພະຍາດໂຄວິດ ຫລື ໃນກຸ່ມສໍາຜັດ-ພົວພັນ C1, C2,C3 ແຕ່ປິດບັງເຊື່ອງອໍາ ທາມລາຍ, ບໍ່ແຈ້ງລາຍລະອຽດ ຫຼື ແຈ້ງໃຫ້ກັກຕົວແລ້ວ ແຕ່ຫາກຍັງພົບເຫັນມີການເຄື່ອນໄຫວ, ໂດຍບໍ່ມີການກັກຕົນເອງ, ຂັ້ນ ເທິງຊາບທາມລາຍທີ່ຫຼັງ ແມ່ນມອບໃຫ້ພະແນກການ, ກົມກອງທີ່ສັງກັດ ດໍາເນີນຕາມລະບຽບການວາງອອກຢ່າງເຂັ້ມງວດ.
4. ສໍາລັບ ພະນັກງານ-ລັດຖະກອນ ທີ່ຝ່າຝືນ ນອກຈາກຈະປະຕິບັດຕາມ ຂໍ້ 2 ແລະ 3 ຂ້າງເທິງນີ້ແລ້ວ ຍັງໃຫ້ປະຕິບັດ ຕາມແຈ້ງການຂອງເຈົ້າແຂວງ ສະບັບເລກທີ 20/ຈຂ.ສວ ຄືກັບປະຊາຊົນ, ພົນລະເມືອງທົ່ວໄປຕື່ມອີກ.
5. ສ່ວນ ກໍລະນີ ມີພົນລະເມືອງລາວ, ຊາວຕ່າງປະເທດ ທີ່ດໍາລົງຊີວິດຢູ່ແຂວງສາລະວັນ ຝ່າຝືນ, ລະເມີດ, ບໍ່ປະຕິບັດຕາມມາດ ຕະການ ທີ່ສະເພາະກິດວາງອອກ ແມ່ນໃຫ້ປະຕິບັດຕາມແຈ້ງການຂອງເຈົ້າແຂວງ ເລກທີ 20/ຈຂ.ສວ ຢ່າງເຂັ້ມງວດ ແລະ ໃຫ້ເພີ່ມ ມາດຕະການໃສ່ຕື່ມອີກ ເປັນຕົ້ນ ໃຫ້ອົງການປົກຄອງເມືອງ, ບ້ານ ເຮັດບົດບັນທຶກກັບຜູ້ກ່ຽວ ເເລະ ຄອບຄົວ, ຫາກຍັງສືບຕໍ່ຝ່າຝືນ ອີກໃຫ້ພິຈາລະນາການປັບໃຫມຕາມລະບຽບການ ເພື່ອຊົດເຊີຍຜົນເສຍຫາຍທີ່ພາໃຫ້ເກີດຂຶ້ນ ຕາມສະຖານຫນັກ ຫຼື ເບົາ