ມື້ນີ້ພົບຜູ້ຕິດເຊື້ອໃໝ່ 358 ຄົນ, ຊຸມຊົນ 335 ຄົນ ແລະ ເສຍຊີວິດເພີ່ມ 1 ກໍລະນີ (ຄົນເມືອງຫາດຊາຍຟອງ)

693

ສະຖານະການໂຄວິດ19 ມື້ນີ້ ວັນທີ 30 ກັນຍາ 2021 ພົບຜູ້ເສຍຊີວິດຈາກໂຄວິດ 19 ເພີ່ມອີກ 1 ກໍລະນີ, ໃນຍອດລວມທັງໝົດຜູ້ຕິດເຊື້ອໃໝ່ 358 ຄົນ, ນໍາເຂົ້າ 21 ຄົນ ແລະ ຊຸມຊົນ 335 ຄົນ ໃນນັ້ນຫຼາຍກວ່າໝູ່ແມ່ນ ນະຄອນຫຼວງວຽງຈັນ 128 ຄົນ, ຮອງລົງມາແມ່ນ ຫຼວງພະບາງ 69 ຄົນ

ທ່ານ ດຣ ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ລາຍງານ ກ່ຽວກັບ ສະພາບການລະບາດຂອງພະຍາດໂຄວິດ-19 ປະຈໍາວັນ 30 ກັນຍາ 2021 ວ່າ ໃນ ໄດ້ກວດວິເຄາະທັງໝົດ 6.337 ຄົນ, ໃນນັ້ນ ກວດພົບຜູ້ຕິດເຊື້ອໃໝ່ ທັງໝົດ 358 ຄົນ ຊຶ່ງແຍກເປັນ ກໍລະນີນໍາເຂົ້າ ມີ 23 ຄົນ ຈາກ ສາລະວັນ 15 ຄົນ, ສະຫວັນນະເຂດ 3 ຄົນ, ບໍລິຄໍາໄຊ 3 ຄົນ, ຫຼວງພະບາງ 2 ຄົນ

ແລະ ຕິດເຊື້ອໃນຊຸມຊົນ ມີ 335 ຄົນ ໃນນັ້ນ ນະຄອນຫຼວງວຽງຈັນ 128 ຄົນ, ຫຼວງພະບາງ 69 ຄົນ, ສະຫວັນນະເຂດ 35 ຄົນ, ແຂວງວຽງຈັນ 24 ຄົນ, ຈໍາປາສັກ 20 ຄົນ, ໄຊສົມບູນ 16 ຄົນ, ບໍລິຄໍາໄຊ 15 ຄົນ, ບໍ່ແກ້ວ 14 ຄົນ, ຄໍາມ່ວນ 11 ຄົນ ແລະ ອັດຕະປື 3 ຄົນ
ມາຮອດມື້ນີ້ ພວກເຮົາມີຕົວເລກຜູ້ຕິດເຊື້ອສະສົມທັງໝົດ 23.846 ຄົນ, ເສຍຊີວິດສະສົມ 18 ຄົນ (ໃໝ່ 1 ຄົນ)

["]

ເປັນເພດຊາຍ, ອາຍຸ 75 ປີ, ບ້ານແກ້ງຢາງ, ເມືອງຫາດຊາຍຟອງ, ນະຄອນຫລວງວຽງຈັນ
ວັນທີ 17/09/2021 ເຂົ້າມາກວດຢູ່ໂຮງໝໍມິດຕະພາບ ຍ້ອນອາການຂອງໝາກໄຂ່ຫລັງຊຸດໂຊມ ແລະ ນອນໂຮງໝໍດັ່ງກ່າວ ຮອດວັນທີ 29/09/2021 ແລະ ໄດ້ເກັບຕົວຢ່າງກວດໂຄວິດ ພົບເຊື້ອ

ຄອບຄົວຂໍເອົາຜູ້ກ່ຽວກັບບ້ານ ກ່ອນຜົນກວດຈະອອກ ຍ້ອນວ່າສະພາບອາການຂອງຄົນເຈັບມີອາການໜັກຫລາຍ ປະມານຕອນສວຍ (ບໍ່ຈື່ໂມງ)
ເສຍຊີວິດຕອນເວລາ 14:30 ໂມງ ຂອງວັນທີ 29 ກັນຍາ 2021 (ເສຍຊີວິດຢູ່ບ້ານ)

ແລະ ປະຈຸບັນນີ້ ສົບຂອງຜູ້ກ່ຽວ ແມ່ນຢູ່ບ້ານ ແລະ ຈັດງານຕາມຮິດຄອງປະເພນີ ເສຍໃຈນໍາເດີ້ ປັດຈຸບັນ ຄົນເຈັບກໍາລັງປິ່ນປົວ ທັງໝົດ 5.441 ຄົນ ແລະ ຫາຍດີອອກໂຮງໝໍໃນມື້ວານນີ້ ມີ 296 ຄົນ.