ອົງການປົກຄອງແຂວງຈຳປາສັກ ແລະ ຫຼາຍພາກສ່ວນໃນສັງຄົມ ມອບເຄື່ອງຊ່ວຍເຫຼືອເພື່ອຊຸກຍູ້ວຽກງານຕ້ານໂຄວິດ 19 ທີ່ເມືອງຊະນະສົມບູນ

282

ໃນຕອນບ່າຍວັນທີ 27 ກັນຍາ 2021  ທ່ານ ສົມບູນ ເຮືອງວົງສາ ຮອງເຈົ້າແຂວງໆຈຳປາສັກ ພ້ອມດ້ວຍ ແກ້ວລັດຕະນະ ສີຫາວົງ ຄະນະປະຈຳພັກແຂວງ ຮອງປະທານສະພາປະຊາຊົນແຂວງ,ທ່ານ ປະດິດ ວັນນະລັດສະໝີ ຄະນະປະຈຳພັກແຂວງ ປະທານອົງການກວດກາພັກ-ລັດແຂວງ ໄດ້ມອບຕຽງນອນຈຳນວນ 100 ຕຽງມູນຄ່າ 35.000.000 ກີບ ແລະ ນ້ຳດື່ມຫົວກາຫົວເສືອຂະໜາດຕຸກໃຫ່ຍ – ນ້ອຍຈຳນວນ 100 ແພັກ ມູນຄ່າ 3.500.000 ກີບ ລວມູນຄ່າທັງໝົດ 38.500.000 ກີບ.

ພ້ອມດ້ວຍ ບໍລິສັດ ຮອນດ້າປາກເຊ ກໍ່ໄດ້ນຳເອົາເຄື່ອງບໍລິໂພກຈຳນວນໜຶ່ງລວມມູນຄ່າ 2.500.000 ກີບ ມອບໃຫ້ກັບຄະນະສະເພາະກິດປ້ອງກັນ,ຄວບຄຸມ ແລະ ສະກັດກັ້ນຕ້ານການແຜ່ລະບາດຂອງພະຍາດໂຄວິດ 19 ເມືອງຊະນະສົມບູນ.ເພື່ອຊຸກຍູ້ເຂົ້າໃນວຽກງານປ້ອງກັນ,ຄວບຄຸມ ແລະ ສະກັດກັ້ນຕ້ານພະຍາດໂຄວິດ 19 ຂອງເມືອງ.ໂດຍເປັນກຽດກ່າວຮັບຂອງທ່ານ ສອນສະຫວັນ ສີວິໄລ ກຳມະການພັກແຂວງ ເລຂາພັກເມືອງ ເຈົ້າເມືອງໆຊະນະສົມບູນ ປະທານຄະນະສະເພາະກິດປ້ອງກັນ ແລະ ຕ້ານພະຍາດໂຄວິດ 19 ຂັ້ນເມືອງ.ມີພະນັກງານ,ການນຳ,ຫຼັກແຫຼ່ງແຕ່ລະກົມກອງ,ຫ້ອງການອ້ອມຂ້າງເມືອງເຂົ້າຮ່ວມ.


ພ້ອມນັ້ນໃນວັນດຽວກັນນີ້ ກໍ່ຍັງມີຫຼາຍພາກສ່ວນໃນສັງຄົມໄດ້ນຳເອົາເຄື່ອງອຸປະໂພກ ແລະ ບໍລິໂພກ ແລະ ເງິນສົດຈຳນວນໜຶ່ງມາມອບໃຫ້ກັບຄະນະສະເພາະກິດປ້ອງກັນ,ຄວບຄຸມ ແລະ ຕ້ານການແຜ່ລະບາດຂອງພະຍາດໂຄວິດ 19 ຂັ້ນ ເພື່ອປະກອບສ່ວນຊຸກຍູ້ເຂົ້າໃນວຽກງານຕ້ານພະຍາດໂຄວິດ 19 ຂອງເມືອງເຊັ່ນດ່ຽວກັນໃນນັ້ນປະກອບມີ ທ່ານ ນາງ ອະນຸລັກ ບຸດຕິວົງ ໃນນາມຕ່າງໜ້າກຸ່ມບໍລິສັດຫົງຄຳພາກໃຕ້ ໄດ້ມອບເງີນສົດ ຈຳນວນ 5.000.000 ກີບ.

["]

ນອກນັ້ນຍັງມີ ທ່ານ ຄຳຫວັນ ສີຫາວົງ ເຈົ້າຂອງຕະຫຼາດໃໝ່ໜອງຫອຍ.ມອບນ້ຳດື່ມຈຳນວນ 50 ແກັດ ລວມມູນຄ່າ 1.500.000 ກີບ,ບໍລິສັດຈຳປາສັກກໍ່ສ້າງ ມອບນ້ຳດື່ມຈຳນວນ 50 ແກັດ ລວມມູນຄ່າ 1.500.000 ກີບ ແລະ ບໍລິສັດຂຸດຄົ້ນນແຮ່ – ຊາຍ ລັດຕະນະໄຊ.ມອບນ້ຳດື່ມ ແລະ ເງີນສົດ ລວມມູນຄ່າ 1.500.000 ກີບ.ໂດຍເປັນກຽດກ່າວຮັບ ພ້ອມທັງ ມອບໃບກຽດຕິຄຸນ ຂອງທ່ານ ສອນສະຫວັນ ສີວິໄລ ເຈົ້າເມືອງຊະສົມບູນ.ເຊີ່ງພິທີມອບ – ຮັບເຄື່ອງຊ່ວຍເຫຼືອດັ່ງກ່າວ ແມ່ນຈັດຂື້ນຢູ່ທີ່ໜ້າສຳນັກງານຫ້ອງວ່າການປົກຄອງເມືອງ.
ບັນນາທິການຂ່າວແຂວງ.

ໂດຍ: ທ.ແຫຼມສີນໄຊ ສໍປະເສີດ
ຫ້ອງການ ຖວທ ເມືອງຊະນະສົມບູນ