ເມືອງອາດສະພັງທອງ ປະກາດແຕ່ງຕັ້ງທ່ານ ອຸ່ນຫຼ້າ ພູວົງລິນທາ ຂຶ້ນເປັນຮອງເຈົ້າເມືອງຄົນໃໝ່

506

ວັນທີ 23 ກັນຍາ 2021  ທີ່ສະໂມສອນຂອງເມືອງອາດສະພັງທອງ ໄດ້ມີພິທີ ປະກາດແຕ່ງຕັ້ງຮອງເຈົ້າເມືອງ ເມືອງອາດສະພັງທອງຄົນໃໝ່.

ໂດຍພາຍໃຕ້ການເປັນປະທານ ແລະ ເປັນກຽດເຂົ້າຮ່ວມຂອງທ່ານ ພູວັງ ເກດແກ້ວພົມພອນ ຮອງເລຂາພັກແຂວງ,ທ່ານ ອຸໄພວັນ ໄຊຍະວົງ ກຳມະການພັກແຂວງ ເລຂາພັກເມືອງ ເຈົ້າເມືອງໆອາດສະພັງທອງ,ທ່ານ ສຸດໃຈ ໄຊຍະວົງ ຮອງຫົວໜ້າຄະນະຈັດຕັ້ງແຂວງສະຫວັນນະເຂດ ແລະ ມີບັນດາທ່ານໃນຄະຄະນະປະຈຳພັກເມືອງ,ກຳມະການພັກເມືອງ,ເລຂາຄະນະໜ່ວຍພັກຮາກຖານ,ຫົວໜ້າຫ້ອງການ,ຄະນະຫ້ອງການ ອ້ອມຂ້າງເມືອງເຂົ້າຮ່ວມຢ່າງພ້ອມພຽງ.

["]

ໃນພິທີ ທ່ານ ສຸດໃຈ ໄຊຍະວົງ ຮອງຫົວໜ້າຄະນະຈັດຕັ້ງແຂວງສະຫວັນນະເຂດ ໄດ້ຂື້ນຜ່ານຂໍ້ຕົກລົງ ຂອງທ່ານເຈົ້າແຂວງສະຫວັນນະເຂດ ວ່າດ້ວຍການແຕ່ງຕັ້ງພະນັກງານ ຄື: ປະກາດແຕ່ງຕັ້ງ ທ່ານ ອຸ່ນຫຼ້າ ພູວົງລິນທາ ຫົວໜ້າຫ້ອງວ່າການປົກຄອງເມືອງອາດສະພັງທອງ ເປັນຮອງເຈົ້າເມືອງ ເມືອງອາດສະພັງທອງຄົນໃໝ່ ແລະ ທັງຊີ້ນຳວຽກງານວັດທະນະທຳສັງຄົມ.


ໃນພິທີ ທ່ານ ພູວັງ ເກດແກ້ວພົມພອນ ຮອງເລຂາພັກແຂວງ ຍັງໄດ້ໂອ້ລົມ ເພື່ອເປັນທິດເຍືອງທາງ ໃຫ້ແກ່ທ່ານ ຮອງເຈົ້າເມືອງ ເມືອງອາດສະພັງທອງ ຄົນໃໝ່ ແລະ ພະນັກງານຫຼັກແຫຼ່ງພາຍໃນເມືອງອາດສະພັງທອງ ຕື່ມອີກ.

ພາບແລະເນື້ອໃນຂ່າວ: ໂຢດນ້ອຍ ວັນທະຍາ