ອານຸສິດ ຂົນສົ່ງດ່ວນ… ເປັນບໍລິສັດຂົນສົ່ງດ່ວນຂອງຄົນລາວເຈົ້າທຳອິດທີ່ສາມາດຂະຫຍາຍສາຂາຄອບຄຸມພື້ນທີ່148ຕົວເມືອງ ໃນ ສປປ ລາວ ໄດ້ສຳເລັດ!

434

ປັດຈຸບັນ ບໍລິສັດ ອານຸສິດ ຂົນສົ່ງດ່ວນ ໄດ້ເຮັດສໍາເລັດຕາມເປົ້າໝາຍໃນເຟດທີ1ຂອງແຜນການດຳເນີນງານ ກໍ່ຄືການເລັ່ງຂະຫຍາຍສາຂາເພື່ອໃຫ້ຄອບຄຸມທຸກເມືອງທົ່ວປະເທດ ບໍ່ວ່າຈະເປັນການເປີດຈຸດບໍລິການພາຍໃນຕົວເມືອງ,ນອກເມືອງ ແລະ ເຂດຫ່າງໄກສອກຫຼີກ ເພື່ອໃຫ້ຄົນລາວທຸກຄົນສາມາດເຂົ້າເຖິງການໃຫ້ບໍລິການຂົນສົ່ງດ່ວນໃນທົ່ວປະເທດ.

ການເຮັດສໍາເລັດຕາມຄາດໝາຍນີ້ ສະແດງອອກເຖິງຜົນຕອບຮັບທີ່ດີຈາກລູກຄ້າພາຍໃນປະເທດທີ່ມີຄວາມໄວ້ວາງໃຈຕໍ່ບໍລິສັດ ອານຸສິດ ແລະ ນິຍົມໃຊ້ບໍລິການຂົນສົ່ງດ່ວນຂອງບໍລິສັດຂົນສົ່ງຂອງຄົນລາວນຳກັນ ດ້ວຍຄວາມເຊື່ອໝັ້ນ ແລະ ພາກພູມໃຈໃນຄວາມເປັນລາວຢ່າງແທ້ຈິງ.

["]

“ອານຸສິດ ຂົນສົ່ງດ່ວນ” ເລີ່ມເປີດໃຫ້ບໍລິການຂົນສົ່ງດ່ວນພາຍໃນນະຄອນຫຼວງວຽງຈັນ (SAMEDAY)ຕັ້ງແຕ່ຕົ້ນປີ 2017 ເປັນຕົ້ນມາ ໂດຍໃຫ້ບໍລິການໃນຮູບແບບ Door to Door service ລວມໄລຍະເວລາໄດ້ 4 ປີປາຍ ແລະ ຕໍ່ມາໃນທ້າຍປີ 2020 ໄດ້ເລີ່ມເປີດໃຫ້ບໍລິການຂົນສົ່ງດ່ວນໄປທົ່ວປະເທດໃນຮູບແບບ Next day service ໂດຍໃຊ້ໄລຍະເວລາພຽງ 10 ເດືອນເທົ່ານັ້ນກໍ່ສາມາດຂະຫຍາຍສາຂາຄອບຄຸມ148ເມືອງທົ່ວປະເທດເປັນເຈົ້າທຳອິດຂອງປະເທດລາວ.

ປັດຈຸບັນອານຸສິດ ມີສາຂາທັງໝົດ250ສາຂາ ມີ3ສູນຄັດແຍກ ແລະ ມີ17ສູນກະຈາຍໃນທົ່ວປະເທດ. ສ່ວນແຜນການດຳເນີນງານໃນເຟດທີ2ໃນຕົ້ນເດືອນ10ທີ່ຈະມາເຖິງນີ້ຈະເປັນແຜນການປັບປຸງຂອດການບໍລິການເພື່ອຍົກລະດັບການໃຫ້ບໍລິການໃຫ້ໄດ້ມາດຕະຖານຫຼາຍຂຶ້ນ ບໍ່ວ່າຈະເປັນການເພີ່ມຄວາມໄວໃນການຂົນສົ່ງໃຫ້ມີຄວາມວ່ອງໄວຂຶ້ນ,ຫລຸດອັດຕາຄວາມເສຍຫາຍໃນການຂົນສົ່ງໃຫ້ນ້ອຍທີ່ສຸດ,ຍົກລະດັບການບໍລິການຂອງພະນັກງານປະຈຳແຕ່ລະສາຂາໃຫ້ບໍລິການລູກຄ້າດີທີ່ສຸດ ແລະ ໃຫ້ໄດ້ມາດຕະຖານຄືກັນໝົດທຸກສາຂາທົ່ວປະເທດ.

ແລະຈະມີການເພີ່ມບໍລິການໃໝ່ໆເຂົ້າມາເພື່ອຕອບໂຈດຄວາມຕ້ອງການຂອງພໍ່ຄ້າແມ່ຄ້າອອນລາຍໃນຍຸກປັດຈຸບັນ,ນຳໃຊ້ເຕັກໂນໂລຊີທີ່ທັນສະໄໝເຂົ້າໃນການເຮັດວຽກເຊັ່ນ:ຈະມີການຕິດຕັ້ງເຄື່ອງຄັດແຍກພັດສະດຸທີ່ທັນສະໄຫມເພື່ອຫລຸດກຳລັງແຮງງານເເຕ່ເພີ່ມປະສິດທິພາບໃນການຄັດແຍກໃຫ້ມີຄວາມຖືກຕ້ອງເເມ້ນຍຳຫຼາຍຂຶ້ນແລະຄັດແຍກພັດສະດຸໄດ້ຈຳນວນຫຼາຍໃນເວລາທີ່ສັ້ນ,ພັດທະນາແອັບພຣິເຄຊັນໃຫ້ມີຄວາມທັນສະໄໝ,ໃຊ້ງານງ່າຍແລະຕອບໂຈດກັບພຶດຕິກຳຂອງຄົນຊື້ຂາຍອອນລາຍໃນຍຸກປັດຈຸບັນ.

ອານຸສິດມຸ່ງໝັ້ນເສີມຂະຫຍາຍຕານ່າງການຂົນສົ່ງເພື່ອໃຫ້ສາມາດເຂົ້າເຖິງທຸກພື້ນທີ່ທົ່ວປະເທດໃນລາວເພາະວ່າການຂົນສົ່ງຄືພື້ນຖານໂຄງລ່າງອັນສຳຄັນອັນໜຶ່ງຂອງປະເທດຊາດທີ່ຈະຊ່ວຍຂັບເຄື່ອນເສດຖະກິດໃນຍຸກ4.0 ໂດຍເປົ້າໝາຍຂອງອານຸສິດກໍ່ຄືຕໍ່ໄປປະເທດລາວຈະບໍ່ມີບັນຫາເລື່ອງເສັ້ນທາງ,ໄລຍະເວລາຫລືພົມແດນກີດກັ້ນເຂົ້າມາກ່ຽວຂ້ອງໃນການຄ້າຂາຍລະຫວ່າງແຂວງຫາແຂວງແລະເມືອງຫາເມືອງອີກຕໍ່ໄປ, ທຸກພື້ນທີ່ທົ່ວລາວຈະລວມສູນເປັນຕະຫລາດດຽວຄື: E-commerce ແລະຂັບເຄື່ອນໂດຍຂົນສົ່ງ ພວກເຮົາພ້ອມແລ້ວທີ່ຈະພັດທະນາລະບົບການຂົນສົ່ງໃຫ້ໄດ້ມາດຕະຖານສາກົນ, ບໍລິການດ້ວຍຄວາມໃສ່ໃຈ,ຮັກສາໄວ້ດ້ວຍຄວາມເຊື່ອໝັ້ນ ປຽບດັ່ງສະໂລແກນທີ່ວ່າ “ສົ່ງດ່ວນ ສົ່ງງ່າຍ ສະບາຍໃຈ”.

ໃນໂອກາດນີ້, ພວກເຮົາຜູ້ບໍລິຫານ,ພະນັກງານໃນອານຸສິດທຸກຄົນຂໍກ່າວຄຳຂອບໃຈ ແລະ ຮູ້ບຸນຄຸນຢ່າງສູງມາຍັງລູກຄ້າທຸກໆທ່ານທີ່ຄອຍສະໜັບສະໜູນ ອານຸສິດ ຂົນສົ່ງດ່ວນ ມາໂດຍຕະຫຼອດ ເຮັດໃຫ້ບໍລິສັດຂອງພວກເຮົາມາຮອດຈຸດທີ່ປະສົບຜົນສຳເລັດນີ້. ຂອບໃຈ ທຸກຄຳຕິຊົມ ແລະ ກ່າວເຕືອນ ຂອງທຸກທ່ານທີ່ເຮັດໃຫ້ພວກເຮົາຮູ້ຈຸດປັບປຸງ ຊຶ່ງພວກເຮົາພ້ອມແລ້ວທີ່ຈະພັດທະນາທຸກໆດ້ານໃຫ້ດີຂຶ້ນເລື້ອຍໆ ແລະ ຕະຫຼອດໄປຢ່າງແນ່ນອນ.