ຫົວພັນ ຂີດເສັ້ນຫ້າມຄົນຕ່າງຖີ່ນເຂົ້າແຂວງ ຢາກຈຳເປັນຕ້ອງກັກ 14 ວັນ

557

ຫົວພັນ ແຂວງດຽວທີ່ຍັງປອດເຊື້ອ ຕອນນີ້ມີຄວາມເປັນຫ່ວງປະຊາຊົນເປັນທີ່ສຸດ ໄດ້ແຈ້ງເຖິງຫົວຫນ້າພະແນກການ, ອົງການທຽບເທົ່າອ້ອມຂ້າງແຂວງ, ສະພາປະຊາຊົນແຂວງ,ກອງບັນຊາການທະຫານ-ຕໍາຫຼວດແຂວງ, ອົງການຈັດຕັ້ງມະຫາຊົນ, ເຈົ້າເມືອງ10ເມືອງ, ບັນດາ ສາຂາທະນາຄານ, ລັດວິສາຫະກິດ, ນັກທຸລະກິດພາຍໃນ ແລະ ຕ່າງປະເທດ, ທຸກພາກສ່ວນລວມທັງພາກລັດ ແລະ ເອກະຊົນ ຮັບຊາບ ບໍ່ໃຫ້ອະນຸຍາດໃຫ້ຄົນນອກເຂົ້າມາໂດຍເດັດຂາດ.

ແຂວງ ຫົວພັນແຈ້ງການດ່ວນເລກທີ 299/ ຈຂ.ຫພ ລົງວັນທີ 25 ກັນຍາ 2021 ໃນການສືບຕໍ່ປະຕິບັດວຽກງານຕ້ານ ແລະ ສະກັດກັ້ນພະຍາດໂຄວິດ-19 ນັບແຕ່ວັນທີ 25 / 09 2021 – 04/ 10 / 2021 ໃນແຂວງຫົວພັນແມ່ນໃຫ້ປະຕິບັດດັ່ງນີ້:

["]
  1. ປີດການເດີນທາງລະຫວ່າງຄົນຕ່າງແຂວງທີ່ມີຈຸດປະສົງເຂົ້າມາແຂວງຫົວພັນ, ຍົກເວັ້ນຄົນແຂວງຫົວພັນ ທີ່ມີຖິ່ນຖານຕັ້ງຢູ່ແຂວງຫົວພັນ ຈະຕ້ອງໄດ້ປະຕິບັດຕາມມາດຕະການປ້ອງກັນພະຍາດໂຄວິດ-19 ຢ່າງເຂັ້ວງວດ ( ຫມາຍຄວາມວ່າຈະຕ້ອງໄດ້ເຂົ້າສູນກັກກັນຕົວໃຫ້ຄົບຕາມທີ່ໄດ້ກໍານົດໄວ້).
  2. ສ່ວນລົດຂົນສົ່ງສິນຄ້າ ແມ່ນໃຫ້ປະຕິບັດການຄ່ຽນຖ່າຍສິນຄ້າຢູ່ຈຸດກວດກາ ຫຼື ປ່ຽນຖ່າຍໂຊເຟີລົດຢູ່ຈຸດກວດກາທີ່ໄດ້ກໍານົດໄວ້.

ດັ່ງນັ້ນ, ຈິ່ງແຈ້ງມາຍັງທຸກພາກສ່ວນ ແລະ ທຸກທ່ານເພື່ອຊາບ ແລະ ພ້ອມກັນປະກອບສ່ວນຈັດຕັ້ງ ປະຕິບັດຕາມ ໃຫ້ມີຜົນສໍາເລັດຕາມລະດັບຄາດຫມາຍທີ່ວາງໄວ້.