ສະຫະພັນຊີເກມສ໌ ຈີ້ໃຫ້ ຫວຽດນາມ ກໍານົດວັນແຂ່ງຊີເກມ,ປີໜ້າເກີດຂຶ້ນຢາກເພາະມີ 3 ລາຍການໃຫຍ່

255

ສະຫະພັນກີລາຊີເກມສ໌ ຈີ້ໃຫ້ ຫວຽດນາມ ກໍານົດວັນແຂ່ງຂັນ ງານມະຫະກໍາກີລາຊີເກມ ຄັ້ງທີ 31 ໃຫ້ໄດ້ໂດຍໄວພາຍໃນເດືອນຕຸລານີ້ ເພື່ອໃຫ້ຊາດອື່ນສາມາດເດີນໜ້າກຽມແຜນໃນການເກັບຕົວ ແລະ ກຽມນັກກີລາໄດ້ ຫຼັງຈາກທີ່ມີກໍານົດກ່ອນໜ້ານີ້ແມ່ນ 21 ພະຈິກ – 2 ທັນວາ 2021 ທີ່ນະຄອນຫຼວງຮາໂນ້ຍ ຖືກເລື່ອນອອກໄປເນື່ອງຈາກສະຖານະການການແຜ່ລະບາດຂອງໂຄວິດ-19.

ແຕ່ຫຼ້າສຸດ ທ່ານ ອັບຣາຮໍາ ຕໍເລນຕິໂນ ປະທານໂອແລມປິກ ຟິລິບປິນສ໌ ອອກມາເປີດເຜີຍວ່າ: ເປັນເລື່ອງຍາກທີ່ການແຂ່ງຂັນຊີເກມ ຄັ້ງທີ 31 ຈະເດີນໜ້າຈັດການແຂ່ງຂັນຕໍ່ໄປໃນປີ 2022 ເນື່ອງຈາກຍັງເຖິງ 3 ລາຍການໃຫຍ່ເຊັ່ນ ເອຊຽນເກມສ໌ ທີ່ຫາງໂຈວ, ເອຊຽນອິນດໍແອນມາເຊຍອາດເກມ ທີ່ປະເທດໄທ ແລະ ໂອແລມປິກ ລະດູໜາວທີ່ ສ.ປ ຈີນ ເຮັດໃຫ້ ຫວຽດນາມ ເຫຼືອເວລາໃນການຈັດບໍ່ຫຼາຍຕ້ອງເລັ່ງຕັດສິນໃຈ.

["]

ຂະນະທີ່ ກໍາປູເຈຍ ກໍຢືນຢັນພ້ອມຈັດການແຂ່ງຂັນຊີເກມ ຄັ້ງທີ 32 ໃນປີ 2023 ເຮັດໃຫ້ ຫວຽດນາມ ເຫຼືອກໍານົດວັນແຂ່ງຂັນຊີເກມ ໃໝ່ໃນໄລຍະລະຫວ່າງເດືອນພຶດສະພາ 2022 ເທົ່ານັ້ນ.
ສໍາລັບ ການແຂ່ງຂັນຊີເກມ ຄັ້ງທີ 31 ຫວຽດນາມ ປະກາດແຂ່ງຂັນທັງໝົດ 40 ປະເພດກີລາ ແລະ ຊີງໄຊ 520 ຫຼຽນຄໍາ ເຊິ່ງໄດ້ຮັບຜົນກະທົບຈາກ ໂຄວິດ-19 ເຮັດໃຫ້ມົນຕີຊີເກມສ໌ 10 ປະເທດຕົກລົງເລື່ອນການແຂ່ງຂັໄປໄປປີ 2022 ແທນ.