ເຈົ້າແຂວງຈຳປາສັກ ຊຸກຍູ້ວຽກງານຄວບຄຸມການລະບາດໂຄວິດ-19 ຢູ່ນະຄອນປາກເຊ.

193

ໃນຕອນເຊົ້າຂອງວັນທີ 23 ກັນຍາ 2021 ທ່ານ ວິໄລວົງ ບຸດດາຄຳ  ເຈົ້າແຂວງໆ ຈຳປາສັກ ໄດ້ລົງເຄື່ອນໄຫວຊຸກຍູ້ວຽກງານ ປ້ອງກັນ,ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ -19 ຢູ່ນະຄອນປາກເຊ ເຊິ່ງໃຫ້ກຽດຕອນຮັບໂດຍທ່ານ ບົວລີ ເພັດສົງຄາມ  ເຈົ້ານະຄອນປາກເຊ, ພ້ອມດ້ວຍການນຳຂອງນະ ຄອນເຂົ້າຮ່ວມ


ການລົງມາໃນຄັ້ງທ່ານເຈົ້າແຂວງໄດ້ຮັບຟັງການລາຍງານສະພາບການແຜ່ລະບາດຂອງພະ ຍາດໂຄວິດ 19 ໃນທົ່ວນະຄອນເຊີ່ງລາຍງານໂດຍທ່ານ ບົວລີ ເພັດສົງຄາມເຈົ້ານະຄອນປາກເຊ ເຊີ່ງມາຮອດ ວັນ 22 ກັນຍາ 2021 ນະຄອນປາກເຊ ມີຜູ້ຕິດເຊື້ອພະ ຍາດໂຄວິດ 19 ສະສົມທັງໝົດ ຈຳນວນ 409 ກໍລະນີ ໃນນັ້ນຕິດເຊື້ອພາຍໃນຊຸມຊົນ 303 ກໍລະນີ ແລະ ນຳເຂົ້າ 106 ກໍລະນີ, ສະເພາະເດືອນກັນຍາ 2021 ( ວັນທີ 6 – 21 ກັນຍາ 2021 ) ມີຈຳນວນ 204 ກໍລະນີ, ຍີງ 120 ກໍລະນີ, ມີບ້ານ ທີ່ມີຜູ້ຕິດເຊື້ອ 24 ບ້ານ, ກວມເອົາ 57 % ຂອງຈຳນວນບ້ານທັງໝົດ ( 42 ບ້ານ ) ບ້ານທີ່ມີຜູ້ຕິດເຊື້ອແຕ່ 2 ກໍລະນີຂື້ນໄປ ແມ່ນກຳນົດເປັນບ້ານ ເຂດແດງ, ຈຳນວນ 16 ບ້ານ, ບ້ານ ທີ່ມີການຕິດ ເຊື້ອ 1 ກໍລະນິ ມີ 8 ບ້ານ, ບ້ານທີ່ມີການແຜ່ລະບາດໜັກໜ່ວງມີບ້ານ ສາງນ້ຳມັນ 92 ກໍລະນີ, ບ້ານ ຫ້ວຍຍາງຄຳ 18 ກໍລະນີ, ບ້ານໂພນກຸງ 13 ກໍລະນີ, ບ້ານສະໜາມໄຊ ແລະ ບ້ານທົ່ງ 11 ກໍລະນີ.

ເຫັນວ່າເປັນການແຜ່ລາມ ແລະ ຕິດເຊື້ອທີ່ວ່ອງໄວ ແລະ ເປັນວົງກວ້າງ ຕໍ່ສະພາບການແຜ່ລະບາດຂອງພະຍາດໂຄວິດ 19 ຄະນະພັກອຳນາດການປົກ ຄອງນະຄອນປາກເຊ ກໍ່ໄດ້ຮັບແຈ້ງການຂອງທ່ານເຈົ້າແຂວງໆຈຳປາສັກ ກໍ່ໄດ້ຮີບຮ້ອນຜັນຂະຫຍາຍໂດຍການອອກຄຳສັ່ງແນະນຳຂອງທ່ານເຈົ້ານະຄອນປາກເຊ ວ່າດ້ວຍການ ຈັດຕັ້ງປະຕິບັດ ຄຳສັ່ງດັ່ງກວ່າ, ແຈ້ງການປະກາດ ໃຫ້ສັງຄົມໄດ້ຮັບຮູ້ ແລະ ມອບໝາຍໃຫ້ຄະນະພັກອຳນາກການປົກຄອງບ້ານ 42 ບ້ານໃນນະຄອນປາກເຊ ໄດ້ພ້ອມກັນຈັດຕັ້ງປະຕິບັດຄຳສັ່ງຢ່າງເຂັ້ມງວດ

["]

ໃນຕອນທ້າຍທ່ານ ວິໄລວົງ ບຸດດາຄຳ ເຈົ້າແຂວງໆ ຈຳປາສັກ ຍັງໄດ້ມອບເຄື່ອງຊ່ວຍໃຫ້ແກ່ນະຄອນປາກເຊ ໃນນັ້ນມີ ອຸປະກອນການເເພດ, ແລະ ເງີນຈຳນວນ 60 ລ້ານກີບ ເພື່ອເປັນທ່າແຮງໃຫ້ແກ່ການຈັດຕັ້ງປະຕິບັດວຽກງານ ແກ້ໄຂ,ຄວບຄຸມ, ສະກັດກັ້ນ, ກັນການລະບາດຂອງພະຍາດໂຄວິດ 19 ໃນນະຄອນປາກເຊໂດຍການຮັບຂອງທ່ານ ບົວລີ ເພັດສົງຄາມ ເຈົ້ານະຄອນປາກເຊພ້ອມດ້ວຍການຳຂອງນະຄອນເຂົ້າຮວ່ມເປັນສັກພະຍານພາບ.

ພາບ,ຂ່າວ ຈັນທອນ ກົມໄຊຊະນະ